ആമസോണിൽ ഇനി ഉൽപ്പന്നങ്ങൾ പറന്നെത്തും; ഡ്രൈവർമാർക്ക് വഴികാട്ടാൻ സ്മാർട് ഗ്ലാസ് ഒരുങ്ങുന്നു

ഡെലിവറി ഡ്രൈവർമാർക്കായി സ്മാർട് ഗ്ലാസ് പരീക്ഷിക്കാനൊരുങ്ങി ആമസോൺ. ഉപയോക്താക്കളിലേക്ക് കൂടുതൽ വേഗത്തിൽ ഉൽപ്പന്നങ്ങൾ എത്തിക്കുന്നതിന് ഡെലിവറി പങ്കാളികളെ സഹായിക്കുന്ന സ്മാർട് ഗ്ലാസുകളാണ് വികസിപ്പിക്കുന്നത്.  

പരീക്ഷണം വിജയിക്കുകയാണെങ്കിൽ, ഉപയോക്താവിന്റെ മേൽവിലാസത്തിലേക്കുള്ള ദിശ സ്മാർട് ഗ്ലാസുകളിലൂടെ ഡെലിവറി ഡ്രൈവർക്ക് കാണാനാകും. എംബഡഡ് സ്‌ക്രീനിൽ മേൽവിലാസങ്ങളിലേക്കുള്ള ദിശാ സൂചിക പ്രദർശിപ്പിക്കുന്ന രീതിയാണ് വികസിപ്പിക്കുന്നതെന്ന് വൃത്തങ്ങൾ അറിയിച്ചു.

റോഡുകളിലെ പ്രധാന കവലകളിലും തിരക്കുള്ള സ്ഥലങ്ങളിലും വഴി പരിശോധിക്കുന്നതിലൂടെ ധാരാളം സമയം ഡെലിവറി പങ്കാളികൾക്ക് നഷ്ടപ്പെടാറുണ്ട്. പ്രതിദിനം ദശലക്ഷക്കണക്കിന് പാക്കേജുകളാണ് കമ്പനി ഡെലിവറി ചെയ്യുന്നത്. പുതിയ പരീക്ഷണത്തിലൂടെ ലാഭിക്കുന്ന ഓരോ നിമിഷവും വലിയ നേട്ടമാകുമെന്നാണ് പ്രതീക്ഷ.

തുടർച്ചയായി ജിപിഎസ് നോക്കി വഴി കണ്ടുപിടിക്കുന്ന ബുദ്ധിമുട്ട് ഇതോടെ മാറുമെന്നും, കൂടുതൽ പാക്കേജുകൾ കൊണ്ടുപോകാൻ അവരെ അനുവദിക്കുകയും ചെയ്യുമെന്നാണ് പ്രതീക്ഷയെന്ന്, വൃത്തങ്ങളെ ഉദ്ധരിച്ച് റോയിട്ടേഴ്സ് റിപ്പോർട്ട് ചെയ്തു.

അതേസമയം, സ്മാർട് ഗ്ലാസുകൾ പ്രതീക്ഷിച്ച രീതിയിൽ പ്രവർത്തികമായില്ലെങ്കിലോ, സാമ്പത്തികമായോ മറ്റു കാരണങ്ങളാലോ വിജയമായില്ലെങ്കിൽ, പദ്ധതി ഉപേക്ഷിക്കുകയോ അനിശ്ചിതകാലത്തേക്ക് വൈകുകയോ ചെയ്യുമെന്ന് വൃത്തങ്ങൾ കൂട്ടിച്ചേർത്തു. ഡെലിവറി പങ്കാളികൾക്ക് കൂടുതൽ മികച്ചതും സുരക്ഷിതവുമായ സാഹചര്യം സൃഷ്ടിക്കുന്നതിനായി കമ്പനി പുതിയ മാറ്റങ്ങൾ കൊണ്ടുവരുമെന്ന് ആമസോൺ വക്താവ് പറഞ്ഞു.

Read More

• DigitalGold: എന്താണ് ഡിജിറ്റൽ സ്വർണം; സ്മാർട്ഫോണിലൂടെ എങ്ങനെ വാങ്ങാം?
• ഐഫോൺ 16-ന് നിരോധനം; വിദേശത്തുനിന്ന് വാങ്ങിയാലും ഉപയോഗം നിയമവിരുദ്ധമെന്ന് ഇന്തോനോഷ്യ
• ഇന്ത്യയിലെ യൂട്യൂബർമാർക്ക് പണം സമ്പാദിക്കാൻ ഇനി പുതിയ ഫീച്ചർ
• ഫോണിൽ 'സ്റ്റോറേജ്' കുറവാണോ? ഇതാ ഒരു കിടിലൻ ട്രിക്
• ജാഗ്രതൈ! കെണിയൊരുക്കി ഓൺലൈൻ തട്ടിപ്പു സംഘങ്ങൾ; രക്ഷപെടാൻ അറിഞ്ഞിരിക്കേണ്ട 5 നുറുങ്ങുകൾ
• വാട്ടർമാർക്ക് ഇല്ലാതെ ചിത്രങ്ങളുടെ പശ്ചാത്തലം നീക്കം ചെയ്യണോ? ഇതാ ഒരു തകർപ്പൻ ഫ്രീ 'എഐ ടൂൾ'
• വൈഫൈ സ്പീഡ് കുറവാണോ? ഈ 5 കാര്യങ്ങൾ പരിശോധിക്കൂ
• വാട്സ്ആപ്പ് സ്റ്റാറ്റസിൽ അടിമുടി മാറ്റം; വരുന്നതു ഇൻസ്റ്റഗ്രാമിലെ ജനപ്രിയ ഫീച്ചറുകൾ