രഞ്ജി ട്രോഫിയിൽ കേരളത്തിനായി ചരിത്രം കുറിച്ച് സച്ചിൻ ബേബി

രഞ്ജി ട്രോഫിയിൽ ചരിത്ര നേട്ടം സ്വന്തമാക്കി കേരള ക്യാപ്റ്റൻ സച്ചിൻ ബേബി. രഞ്ജിയിൽ കേരളത്തിനായി ഏറ്റവും കൂടുതൽ റൺസ് നേടുന്ന താരമെന്ന റെക്കോർഡാണ് സച്ചിൻ ബേബി സ്വന്തം പേരിലാക്കിയത്.

99 മത്സരങ്ങളിൽ നിന്ന് 5396 റൺസ് നേടിയ മുൻ കേരള ഓപ്പണർ രോഹൻ പ്രേമിൻ്റെ റെക്കോർഡാണ് 35 കാരനായ സച്ചിൻ മറികടന്നത്. ഹരിയാനയ്ക്കെതിരെ ലാഹ്‌ലിയിലാണ് താരം ഈ സുപ്രധാന നേട്ടം സ്വന്തമാക്കിയത്. 15 റൺസ് നേടിയപ്പോഴെ താരം റെക്കോർഡ് പിന്നിട്ടു.

കഴിഞ്ഞഴ്ച, തുമ്പയിൽ ഉത്തർപ്രദേശിനെതിരെ തിളങ്ങിയ സച്ചിൻ ബേബി 83 റൺസെടുത്തിരുന്നു. 2022-23 സീസണിന് ശേഷം 25 ഇന്നിംഗ്‌സുകളിൽ നിന്ന് 77-ലധികം ശരാശരിയിൽ 1660 റൺസ് നേടിയ താരം കേരളത്തിന്റെ ഏറ്റവും സ്ഥിരതയാർന്ന ബാറ്റർമാരിൽ ഒരാളാണ്. ഏഴു സെഞ്ചുറികളും ഈ കാലയളവിൽ താരം നേടി.

എല്ലാ ഫോർമാറ്റുകളിലും ടോപ് സ്കോറർ
2009-10 സീസണിൽ കേരളത്തിൽ അരങ്ങേറ്റം കുറിച്ച സച്ചിൻ ബേബി, നിലവിൽ മൂന്നു ഫോർമാറ്റുകളിലും സംസ്ഥാനത്തിനായി ഏറ്റവും കൂടുതൽ റൺസ് നേടുന്ന താരമാണ്.

View this post on Instagram

A post shared by Sachin Babyy (@sachinbaby99)

അതേസമയം, രഞ്ജി ട്രോഫിയിൽ അഞ്ചാം മത്സരത്തിനാണ് കേരളം ഇന്നിറങ്ങിയിരിക്കുന്നത്. ഗ്രൂപ്പ് സിയില്‍ ഹരിയാന ഒന്നാമതും കേരളം രണ്ടാം സ്ഥാനത്തുമാണ്. നാല് മത്സരങ്ങള്‍ പൂര്‍ത്തിയാക്കിയ ഹരിയാനയ്ക്ക് 19 പോയിന്റാണുള്ളത്. 15 പോയിന്റോടെ കേരളം രണ്ടാം സ്ഥാനത്താണ്. ഇരു ടീമുകളും രണ്ടു ജയവും രണ്ടു സമനിലകളും നേടിയിട്ടുണ്ട്.

Read More

• IND vs SA 3rd: മൂന്നാം ടി20യിൽ വിജയം മാത്രം ലക്ഷ്യമിട്ട് ഇന്ത്യ; ടീമിൽ മാറ്റം?
• സംസ്ഥാന സ്കൂൾ കായികമേള; തിരുവനന്തപുരം ഓവറോള്‍ ചാമ്പ്യന്മാര്‍; അത്‌ലറ്റിക്‌സില്‍ മലപ്പുറം
• india vs South Africa: സംപൂജ്യനായി സഞ്ജു; ഇന്ത്യക്ക് തകർച്ചയോടെ തുടക്കം
• 'ആഫ്രിക്കൻ പൂരം' തിരികൊളുത്തി സഞ്ജു സാംസൺ; ടി20യിൽ തുടർച്ചയായി സെഞ്ചുറിനേടുന്ന ആദ്യ ഇന്ത്യക്കാരൻ
• രഞ്ജി ട്രോഫി: സച്ചിന്‍ ബേബിക്കും സല്‍മാന്‍ നിസാറിനും അര്‍ധ സെഞ്ചുറി; കേരളത്തിന് ലീഡ്
• ടെസ്റ്റ് റാങ്കിങ്ങിൽ ആദ്യ 20 പേരുടെ പട്ടികയിൽ നിന്ന് രോഹിത്തും കോഹ്ലിയും പുറത്ത്
• India vs South Africa: "സഞ്ജു ഷോ" ഇനി ദക്ഷിണാഫ്രിക്കയിൽ; മത്സരം എവിടെ എപ്പോൾ