'നാടിനായ് നിയോഗിക്കപ്പെട്ടവൻ, നായകൻ;' രോഹിതിന് അഭിനന്ദനം

ഓസ്ട്രേലിയക്കെതിരെ വെള്ളിയാഴ്ച ആരംഭിക്കുന്ന ബോർഡർ-ഗവാസ്‌കർ ട്രോഫി മത്സരത്തിൽ യശ്വസി ജയ്‌സ്വാളിനൊപ്പം കെ.എൽ രാഹുൽ ഓപ്പണിങ് ചെയ്യും. അവസാന മത്സരത്തിൽ തിളങ്ങിയ ജയ്‌സ്വാൾ- രാഹുൽ സഖ്യം തുടരുമെന്ന് ഇന്ത്യൻ നായകൻ രോഹിത് ശർമ്മ പ്രഖ്യാപിച്ചിരുന്നു. സ്വന്തം പൊസിഷൻ രാഹുലിനായി വിട്ടു നൽകിക്കൊണ്ടായിരുന്നു രോഹിതിന്റെ തീരുമാനം.

മധ്യനിരയിലേക്ക് സ്വയം മാറി നിന്ന് ഫോമിലുള്ള കളിക്കാരന് അവസരം ഒരുക്കിയ നായകന്റെ തീരുമാനത്തെ പ്രശംസിച്ച് നിരവധി ആരാധകരാണ് സോഷ്യൽ മീഡിയയിലൂടെ രംഗത്ത് എത്തിയിരിക്കുന്നത്. പെർത്തിൽ 77 റൺസ് നേടിയിട്ടും രോഹിതിന്റെ തിരിച്ചുവരവോടെ രാഹുലിന്റെ സ്ഥാനം നഷ്ടപ്പെടുമെന്ന് അഭ്യൂഹങ്ങൾ പ്രചരിച്ചിരുന്നു. ഊഹാപോഹങ്ങൾ അവസാനിപ്പിച്ച് വാർത്താ സമ്മേളനത്തിലാണ് രോഹിത് ഇക്കാര്യം വ്യക്തമാക്കിയത്.

Once a leader always a leader
Sacrifice own opening spot for team 🫡#RohitSharma𓃵pic.twitter.com/xyqT37jwYI

— ROH!T_K!NGDOM (@pullexxxx45) December 5, 2024

മധ്യനിരയിൽ കളിക്കുന്നത് തനിക്ക് എളുപ്പമല്ലെങ്കിലും, രാഹുലിന്റെ ഓപ്പണിങ് ടീമിന് ഗുണമാകുമെന്ന് രോഹിത് പറഞ്ഞു. നേരത്തെ പ്ലേയിങ് ഇലവനിൽ ഉണ്ടാകുകയെന്നതാണ് പ്രധാനമെന്ന് രാഹുൽ വ്യക്തമാക്കിയിരുന്നു. ഏത് നമ്പറിൽ ബാറ്റ് ചെയ്യണമെന്ന് അവർ തന്നോട് പറഞ്ഞിട്ടുണ്ട്. പ്ലേയിങ് ഇലവനിൽ സ്ഥാനം പിടിക്കാനും, ടീമിനായി ബാറ്റ് ചെയ്യാനും താൻ ആഗ്രഹിക്കുന്നു. ഏത് നമ്പറിലായാലും മികച്ച പ്രകടനം പുറത്തെടുക്കുകയാണ് ലക്ഷ്യം. ഭാഗ്യവശാൽ താൻ വ്യത്യസ്ത പൊസിഷനുകളിൽ ബാറ്റ് ചെയ്തിട്ടുണ്ട്. ബാറ്റിങ് പൊസിഷൻ ഏതായാലും തന്നെ അലട്ടുന്നില്ലെന്നും രാഹുൽ പറഞ്ഞു.

രോഹിതിന്റെ അഭാവത്തിൽ ആദ്യ ടെസ്റ്റിൽ ഓപ്പണറായി എത്തിയ രാഹുൽ അർധ സെഞ്ച്വറി നേടിയിരുന്നു. രണ്ടാം ഇന്നിങ്സിൽ യശസ്വി ജയ്‌സ്വാളിനൊപ്പം 201 റൺസ് കൂട്ടുകെട്ടുണ്ടാക്കി ഇന്ത്യയുടെ 295 റൺസിന്റെ വിജയത്തിൽ ഈ കൂട്ടുകെട്ട് വലിയ പങ്കുവഹിച്ചിരുന്നു.

Read More

• അഡ്‌ലെയ്ഡ് ടെസ്റ്റ്; ഓപ്പണറായി രാഹുൽ തന്നെ: സ്ഥിരീകരിച്ച് രോഹിത് ശർമ്മ
• എട്ട് മണിക്കൂർ ഉറക്കം, മധുരവും ജങ്ക് ഫുഡുമില്ല; കോഹ്‌ലിയുടെ ഫിറ്റ്നസ് രഹസ്യം വെളിപ്പെടുത്തി അനുഷ്‌ക
• സ്ത്രീകൾക്ക് വിദ്യാഭ്യാസം നൽകാൻ അനുവദിക്കു; തുറന്നടിച്ച് അഫ്ഗാൻ ക്രിക്കറ്റ് താരം റാഷിദ് ഖാൻ
• ഡോൺ ബ്രാഡ്മാന്റെ ആ മാന്ത്രിക തൊപ്പി വിറ്റുപോയി;വില കേട്ടാൽ ഞെട്ടും
  
• പത്ത് വർഷമായി ധോണിയോട് സംസാരിക്കാറില്ല; വെളിപ്പെടുത്തലുമായി ഹർഭജൻ സിങ്
• മകളെ കുറിച്ച് അഭിമാനം മാത്രം; സന്തോഷം പങ്കിട്ട് സച്ചിൻ