കൂളിംഗ് ഗ്ലാസ്സും, മാസ്സ് ലുക്കും, കുണ്ടന്നൂർ പാലത്തിൽ സുരേഷ് ഗോപി; വീഡിയോയുടെ വാസ്തവമെന്ത്?

'സുരേഷ് ഗോപി കൊച്ചിയിൽ' എന്ന ക്യാപ്ഷനോടെ സോഷ്യൽ മീഡിയയിൽ പങ്കുവച്ച ഒരു വീഡിയോയാണ് ഇപ്പോൾ വൈറലാകുന്നത്. കേന്ദ്ര സഹമന്ത്രി സുരേഷ് ഗോപിയോട് രൂപസാദൃശ്യമുള്ള ഒരാളുടെ വീഡിയോയാണ് ഇത്. ഒറ്റനോട്ടത്തിൽ, സുരേഷ് ഗോപിയുടെ ഇപ്പോഴത്തെ ലുക്ക് തന്നെയാണ് വീഡിയോയിലെ ആൾക്കും.

സുരേഷ് ഗോപിയാണോ ഇതെന്ന സംശയത്തിലാണ് പലരും വീഡിയോ പ്ലെ ചെയ്യുന്നത്. എന്നാൽ സൂക്ഷിച്ച് നോക്കിയാൽ ആളുമാറിയെന്ന് മനസിലാകും. എറണാകുളം കുണ്ടന്നൂർ പാലത്തിന് സമീപത്തുനിന്നാണ് വീഡിയോ ചിത്രീകരിച്ചിരിക്കുന്നത്. 'പോൾ കീരിക്കാടൻ' എന്ന ഇൻസ്റ്റഗ്രാം അക്കൗണ്ടിലാണ് വീഡിയോ പ്രത്യക്ഷപ്പെട്ടത്.

View this post on Instagram

A post shared by Paul Keerikkadan ⚡ (@paul_keerikkadan)

നിരവധി രസകരമായ കമന്റുകളും വീഡിയോയ്ക്ക് ലഭിക്കുന്നുണ്ട്. "പടച്ചോനെ, കൊച്ചിയും മൂപ്പര് കൊണ്ട് പോയോ", "മെട്രോ തൃശൂർ കൊണ്ട് പോകാൻ ആരിക്കും", "അത് സുരേഷ് ഗോപി, ഇത് ചില്ലി ഗോപി", "തൃശ്ശൂർ മാത്രമല്ല കൊച്ചിയും ഇങ്ങെടുക്കുവാ," വീഡിയോയിലെ കമന്റുകളിൽ ചിലത് ഇങ്ങനെ.

ലോക്സഭാ തിരഞ്ഞെടുപ്പിൽ കേരളത്തിൽനിന്നും വിജയിച്ച ഏക ബിജെപി അംഗമാണ് സുരേഷ് ഗോപി. മലയാളത്തിൽ സത്യപ്രതിജ്ഞ ചെയ്താണ് ലോക്സഭാ അഗംമായി സുരേഷ് ഗോപി ചുമതലയേറ്റത്. മൂന്നാം മോദി സര്‍ക്കാരിൽ, ടൂറിസം- പെട്രോളിയം വകുപ്പുകളുടെ സഹമന്ത്രിയാണ് സുരേഷ് ഗോപി.

Read More Entertainment Stories Here

• ഒന്ന് ഈവെനിംഗ് വാക്കിന് ഇറങ്ങിയതാ; എംജി റോഡിൽ ബ്ലോക്കുണ്ടാക്കിയ പോത്ത് സാർ
• കേരളത്തെക്കുറിച്ച് നാല് വാക്ക് പറയാൻ പറഞ്ഞതേ ഓർമ്മയുള്ളൂ.. പ്രസംഗം പോയ പോക്ക് കണ്ടോ?
• പാട്ടുമായി ജിമിക്കി ജാനകി, കണ്ണിറുക്കി കാണിച്ച് സായിപ്പ്; റീൽ വൈറൽ
• ലാലേട്ടനെ നെഞ്ചിൽ പതിപ്പിച്ച് ആരാധകൻ; സർപ്രൈസുമായി സാക്ഷാൽ മോഹൻലാൽ
• 6300 കോടി ആസ്തി; ഇന്ത്യൻ സിനിമയിലെ ഏറ്റവും സമ്പന്നൻ ഈ സൂപ്പർ താരം
• അവളെ തൊട്ടതെന്തിന്? ഷൂട്ടിംഗിനിടയിലെ പ്രണയം, സല്‍മാനോട്‌ ദേഷ്യപ്പെട്ട് സംവിധായകന്‍
• അച്ഛൻ വെയിറ്ററായി ജോലിചെയ്ത മൂന്നു ഹോട്ടലുകൾ ഇപ്പോഴും എന്റെ സ്വന്തം: സുനിൽ ഷെട്ടി