'അതിപ്പ ലാഭായല്ലോ;' മീറ്റർ ബോക്സ് തുറന്ന കെഎസ്ഇബി ജീവനക്കാരന് സർപ്രൈസായി മദ്യക്കുപ്പി; വീഡിയോ

ഭാര്യയെ പേടിച്ച് വീടിന്റെ പലഭാഗങ്ങളിലായി മദ്യക്കുപ്പി ഒളിപ്പിക്കുന്ന ഭർത്താവിനെയും, അത് കണ്ടു പിടിക്കുന്ന ഭാര്യമാരെയും ഇടക്കിടെ വൈറൽ റീലുകളിൽ കാണാറുണ്ട്. എന്നാൽ ഒരിക്കലും പ്രിതീക്ഷിക്കാത്തൊരിടത്തു നിന്ന് മദ്യക്കുപ്പി കണ്ടെത്തുന്ന ഒരു കെഎസ്ഇബി ജീവനക്കാരന്റെ വീഡിയോയാണ് ഇപ്പോൾ ഇൻസ്റ്റഗ്രാമിൽ വൈറലാകുന്നത്.

റീഡിങ്ങെടുക്കാനായി മീറ്റർ ബോക്സ് തുറന്നപ്പോൾ അപ്രതീക്ഷിതമായി മദ്യക്കുപ്പി കാണുന്ന ജീവനക്കാരന്റെ വീഡിയോയാണിത്. മീറ്ററിന് സമീപത്തായി വിദേശ മദ്യക്കുപ്പിയാണ് സീക്ഷിച്ചു വച്ചിരിക്കുന്നത്. മുക്കാൽ ഭാഗത്തോളം മദ്യവും കുപ്പിയിലുണ്ട്.

"fz_dragster" എന്ന ഇൻസ്റ്റഗ്രാം അക്കൗണ്ടിലൂടെയാണ് വീഡിയോ പങ്കുവച്ചിരിക്കുന്നത്. വീഡിയോ യഥാർത്ഥമാണോ എന്ന കാര്യത്തിൽ വ്യക്തത ഇല്ലെങ്കിലും, വീഡിയോ വളരെ പെട്ടന്നു തന്നെ വൈറലാകുകയും 8 ലക്ഷത്തോളം കാഴ്ചകൾ ലഭിക്കുകയും ചെയ്തു.

View this post on Instagram

A post shared by тнє_∂яαgѕтєя || ʏᴀᴍᴀʜᴀ ʙɪᴋᴇʀ ♡ (@fz_dragster)

നിരവധി രസകരമായ കമന്റുകളാണ് വീഡിയോയ്ക്ക് ലഭിക്കുന്നത്. "നടതുറന്നപ്പോ പ്രതിഷ്ഠ കണ്ട് ഭക്തൻ അമ്പരന്നു, ജവാൻ ആയിരുന്നേൽ മീറ്ററിനൊരു കാവലും കൂടി ആയേനെ, ഒന്നും വിചാരിക്കരുത്... മീറ്റർ ചാർജാവാൻ വച്ചതാ, ഭാര്യ ചോദിച്ചാൽ മീറ്ററിൽ ഒഴിക്കുന്ന ഓയിൽ ആണെന്ന് പറയാം, ഭാര്യ കാണാതെ ഒളിപ്പിച്ചുവെച്ചതാണ് ഇപ്പോൾ നാട്ടുകാര് മൊത്തം കണ്ടല്ലോ," കമന്റുകളിൽ ചിലത് ഇങ്ങനെ.

Read More Stories Here

• മീമുകളുടെ രാജാവ്, 'കബോസു' ഇനി ഓര്‍മ
• കേദാർനാഥിൽ ലാൻഡിങിനിടെ ഹെലികോപ്റ്ററിന് നിയന്ത്രണം നഷ്ടപ്പെട്ടു, ഒഴിവായത് വൻദുരന്തം; വീഡിയോ
• കേക്കു കട്ടിംഗിനിടയിൽ കുസൃതി കാട്ടി മോഹൻലാലും സുചിത്രയും; വീഡിയോ
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ
• മമ്മൂട്ടിയുടെ മകളായും കാമുകിയായും അമ്മയായും അഭിനയിച്ച നടിയാണിത്; ആളെ മനസ്സിലായോ?
• ഇതെന്താ യൂണിഫോമോ? രമേശിന്റെ കടയിൽ നിന്നു വാങ്ങിയതാണോ?: വൈറലായി ട്രോൾ:Bigg Bossmalayalam6