വിമാനത്തിനകത്ത് പാട്ടും ഡാൻസും മേളവും; മകളുടെ വിവാഹം ആകാശത്തു ആഘോഷിച്ച് ഒരച്ഛൻ

യുഎഇ ആസ്ഥാനമായി പ്രവർത്തിക്കുന്ന ഇന്ത്യൻ വ്യവസായിയാണ് തന്റെ മകളുടെ വിവാഹം ആകാശത്തുവച്ച് ആഘോഷിച്ചത്. ജെറ്റക്‌സ് ബോയിംഗ് 747 എന്ന പ്രൈവറ്റ് ജെറ്റിലാണ് 350 അതിഥികൾ പങ്കെടുത്ത വെറൈറ്റി വിവാഹം നടന്നത്. നവംബർ 24ന് നടന്ന വിവാഹ വീഡിയോ വാർത്താ ഏജൻസിയായ പിടിഐയാണ് ഓൺലൈനിൽ പോസ്റ്റു ചെയ്തത്.

വിവാഹത്തിനെത്തിയ അതിഥികൾ ബോളിവുഡ് ഗാനത്തിന് അനുസരിച്ച് വിമാനത്തിൽ നൃത്തം ചെയ്യുന്നതും വീഡിയോയിൽ കാണാം. വ്യവസായിയായ ദിലീപ് പോപ്ലിയാണ് മകൾ വിധി പോപ്ലിയുടെ വിവാഹം ആകാശത്ത് ആഘോഷിച്ചത്.  ഹൃദേഷ് സൈനാനിയാണ് വരൻ. ദുബായിൽ നിന്ന് ഒമാനിലേക്ക് മൂന്ന് മണിക്കൂറായിരുന്നു 'വിവാഹ പറക്കൽ'.

തന്റെ "ഹൈസ്‌കൂൾ പ്രണയിനിയെ" വിവാഹം കഴിച്ചതിൽ സന്തോഷമുണ്ടെന്നും ചടങ്ങിന് തന്റെ പിതാവിനും ഭാര്യാ പിതാവിനും നന്ദി പറയുന്നതായും വരൻ പറയുന്നു. "എന്റെ ബാല്യകാല പ്രണയിനിയെ, ഹൈസ്‌കൂൾ പ്രണയിനിയെ വിമാനത്തിൽ വച്ച് വിവാഹം കഴിച്ചതിൽ വളരെ സന്തോഷമുണ്ട്," ഹൃദേഷ് സൈനാനി പറഞ്ഞു.

വിവാഹത്തിന്റെ അനുഭവം അവിസ്മരണീയമാക്കിയതിന് സ്വകാര്യ ചാർട്ടർ ഫ്ലൈറ്റ് ഓപ്പറേറ്ററായ ജെടെക്‌സിനും അദ്ദേഹം നന്ദി പറഞ്ഞു.

"ഞാൻ വളരെ ആവേശത്തിലാണ്. എനിക്ക് ഒരിക്കലും സങ്കൽപ്പിക്കാൻ കഴിയുമായിരുന്നില്ല," എന്നാണ് വധുവായ വിധി പോപ്ലി പറഞ്ഞത്.

VIDEO | UAE-based Indian businessman Dilip Popley hosted his daughter's wedding aboard a private Jetex Boeing 747 aircraft on November 24, in Dubai.

(Full video available on PTI Videos - https://t.co/n147TvqRQz) pic.twitter.com/lciNdxrmzz

— Press Trust of India (@PTI_News) November 25, 2023

യുണൈറ്റഡ് അറബ് എമിറേറ്റ്സിലും ഇന്ത്യയിലും ബ്രാഞ്ചുകളുള്ള പ്രശസ്തമായ ജ്വല്ലറി ഗ്രൂപ്പിന്റ ഉടമസ്ഥരാണ് പോപ്ലി കുടുംബം. പോപ്ലി ജ്വല്ലേഴ്‌സിന്റെ ഉടമയായ ലക്ഷ്മൺ പോപ്ലി, 1994-ൽ തന്റെ മകൻ ദിലീപിന്റെ വിവാഹം എയർ ഇന്ത്യ വിമാനത്തിൽ ആഘോഷിച്ചിട്ടുണ്ടെന്ന് ദി ഖലീജ് ടൈംസ് റിപ്പോർട്ട് ചെയ്യുന്നു.

Read More Viral Stories Here

• പാരച്യൂട്ടിൽ പറക്കുന്ന 97കാരിയെ കണ്ടുഞെട്ടി സൈബർലോകം; വീഡിയോ
• ഇങ്ങനെ കത്തെഴുതിയാൽ ആരായാലും വീണു പോകും
• അച്ഛന്റെ നെഞ്ചിൽ പതിഞ്ഞ മുഖം; ടാറ്റൂ കണ്ട് അമ്പരന്ന് മകൾ
• വിളി ഐ ടി വകുപ്പിനെ: 20 ലക്ഷത്തിന്‍റെ നോട്ട് മാലയണിഞ്ഞെത്തി വരന്‍, വീഡിയോ
• ബൈക്കുകളുടെ ശ്മശാനം
• പുറത്തുനിന്ന് നോക്കുമ്പോൾ ഭീമൻ​ പുൽച്ചാടി; അകത്തുകയറിയാലോ?