ചൂളമടിയിൽ വേൾഡ് ചാമ്പ്യനായി 9 വയസ്സുകാരി

പെൺകുട്ടികൾ ചൂളമടിയ്ക്കാൻ പാടില്ലെന്നു പറഞ്ഞ് പുരികം ചുളിച്ചവരൊക്കെ ഇവിടെ നോക്കൂ. ഇതാ, ഒരു കൊച്ചു പെൺകുട്ടി ചൂളമടിച്ച്  ഇന്ത്യയുടെ പേരിൽ വേൾഡ് റെക്കോർഡ് സ്വന്തമാക്കിയിരിക്കുകയാണ്. 

ബാംഗ്ലൂർ നിവാസികളായ ഷാജേഷ് മേനോൻ്റെയും, ബിനിതാ ഷാജേഷിൻ്റെയും 9 വയസ്സുകാരി സ്വരയാണ് ജപ്പാനിൽ സംഘടിപ്പിച്ച 46 മത് വേൾഡ് വിസ്സിലിങ് കൺവൻഷൻ 2024ൽ രണ്ടാം സ്ഥാനം സ്വന്തമാക്കിയിരിക്കുന്നത്. 13 വയസ്സിനു താഴെയുള്ളവരുടെ കാറ്റഗറിയിൽ നിന്നും നേരിട്ട് അവസാന റൗണ്ടിലേയ്ക്ക് തിരഞ്ഞെടുക്കപ്പെടുകയായിരുന്നു സ്വര. 

വെറുതെ ചൂളമടിച്ചല്ല, നിരന്തരമായ പരിശീലനത്തിലൂടെയാണ് ഈ നേട്ടം സ്വര കരസ്ഥമാക്കിയത്. 2016,2018 വർഷങ്ങളിൽ വിസിലിങ് ചാമ്പ്യനായ നിഖിൽ റാണെയാണ് സ്വരയുടെ മാസ്റ്റർ. എട്ടു മാസമായി നിഖിലിൻ്റെ ഓൺലൈൻ​ കോച്ചിങിലായിരുന്നു സ്വര. തന്റെ ശിഷ്യയുടെ നേട്ടത്തെ കുറിച്ച് നിഖിലും ഇൻസ്റ്റഗ്രാമിൽ ഒരു കുറിപ്പ് പങ്കിട്ടിട്ടുണ്ട്.

View this post on Instagram

A post shared by Nikhil Rane (@smiling_whistler_official)

മെയ് 31 മുതൽ ജൂൺ രണ്ടു വരെ നടന്ന കൺവൻഷനിൽ വ്യത്യസ്ത വിഭാഗങ്ങളിലായാണ് മത്സരം സംഘടിപ്പിക്കപ്പെട്ടത്. അതിൽ കുട്ടികളുടെ വിഭാഗത്തിൽ പങ്കെടുക്കുവാൻ ഇന്ത്യയിൽ നിന്നും തിരഞ്ഞെടുക്കപ്പെട്ട മത്സരാർത്ഥിയായിരുന്നു സ്വര മേനോൻ.

പെൺകുട്ടികൾക്ക് ചൂളമടിച്ചാൽ ആകാശം ഇടിഞ്ഞുവീഴില്ലെന്നു മാത്രമല്ല, ചിലപ്പോൾ ലോക ചാമ്പ്യൻ പട്ടം ഇങ്ങു കൂടെ പോരുകയും ചെയ്യുമെന്ന് തെളിയിച്ചിരിക്കുകയാണ് ഈ കൊച്ചുമിടുക്കി. 

Read More Stories Here

• അശ്വതി മാസ്സാണ്, മാല മോഷ്ടാവിനെ സാഹസികമായ കീഴടക്കി; വൈറൽ വീഡിയോ
• വിരൽ മുറിച്ച് മാലയാക്കി യുവാവ്; വൈറലായി വീഡിയോ
• രംഗണ്ണനും അമ്പാനും തകർത്തൊരു സേവ് ദി ഡേറ്റ്; ഇങ്ങനെയൊന്ന് മുൻപു നിങ്ങൾ കണ്ടു കാണില്ല
• മീമുകളുടെ രാജാവ്, 'കബോസു' ഇനി ഓര്‍മ
• കേദാർനാഥിൽ ലാൻഡിങിനിടെ ഹെലികോപ്റ്ററിന് നിയന്ത്രണം നഷ്ടപ്പെട്ടു, ഒഴിവായത് വൻദുരന്തം; വീഡിയോ
• കേക്കു കട്ടിംഗിനിടയിൽ കുസൃതി കാട്ടി മോഹൻലാലും സുചിത്രയും; വീഡിയോ
• 30 വർഷത്തെ കഷ്ടപ്പാട്, നല്ല വേഷത്തിനായി പലരോടും കെഞ്ചി, കളിയാക്കലുകൾ കേട്ടു, ഒടുവിൽ ഒരു മലയാളി വേണ്ടി വന്നു: കരച്ചിലടക്കാനാവാതെ തമിഴ് നടൻ