യഥാർത്ഥ ദോശ കഴിക്കണമെങ്കിൽ രാമേശ്വരം കഫേ സന്ദർശിക്കണമെന്ന് ഓസ്ട്രേലിയൻ മാസ്റ്റർ ഷെഫ്; തിരുത്തി സോഷ്യൽ മീഡിയ

കഴിഞ്ഞ ദിവസങ്ങളിൽ ഇന്ത്യ സന്ദർശിച്ച മുൻ ഓസ്‌ട്രേലിൻ മാസ്റ്റർഷെഫ് വിധികർത്താവും ഷെഫും റെസ്റ്റോറന്റ് ഉടമയുമായ ഗാരി മെഹിഗൻ ബംഗ്ളൂരുവിലെ പ്രശസ്തമായ ഔട്ട്‌ലെറ്റ് 'ദ രാമേശ്വരം കഫേ' സന്ദർശിക്കുകയും വിവിധ ദക്ഷിണേന്ത്യൻ വിഭവങ്ങൾ പരീക്ഷിക്കുകയും ചെയ്തിരുന്നു.

ഇന്ത്യയിലെ വിവിധ ഭക്ഷണങ്ങൾ പരീക്ഷിക്കുന്ന വീഡിയോയും 56 കാരനായ ഗാരി ഇൻസ്റ്റഗ്രാമിൽ പങ്കുവച്ചു. റാഗി ദോശ, നെയ്യ് റോസ്റ്റ് ദോശ, മെദു വട, നെയ്യ് ഇഡ്ഡലി പൊടി, കേസരി ബാത്ത്, ഫിൽട്ടർ കോഫി എന്നിവ ആസ്വദിക്കുന്ന റീലാണ് അദ്ദേഹം പങ്കുവച്ചത്.

"അതൊരു 'യഥാർത്ഥ' ദോശയായിരുന്നു..... ഈ സ്ഥലം ഇഷ്ടപ്പെട്ടു, ദി രമേശ്വരം കഫേ. ഞങ്ങൾ റാഗി ദോശ, നെയ്യ് റോസ്റ്റ് ദോശ, മേടു വട, നെയ്യ് ഇഡ്‌ലി പൊടി, കേസരി ബാത്ത്, കൂടാതെ കുറച്ച് നല്ല ഫിൽട്ടർ കോഫി എന്നിവയും കഴിച്ചു! ഞാൻ തിരിച്ചുവരാം," ഗാരി പോസ്റ്റിൽ കുറിച്ചു.

എന്നാൽ നല്ല ദോശ വേറെ ധാരാളം ഉണ്ടെന്നതടക്കം നിരവധി സമ്മിശ്ര പ്രതികരണങ്ങളാണ് വീഡിയോയിൽ നിറയുന്നത്. 10 ലക്ഷത്തിലധികം വ്യൂസ് ലഭിച്ച വീഡിയോ 36000ൽ അധികം പേരാണ് ലൈക്കുചെയ്തിരിക്കുന്നത്. 

"കർണാടകയിലെ ഉടുപ്പിയിലാണ് ദോശ ജന്മമെടുത്തത്, അതുകൊണ്ടുതന്നെ യഥാർത്ഥ ദോശ നിങ്ങൾക്ക് ഇവിടെ കാണാം," എന്നാണ് ഒരാൾ കമന്റുചെയ്തത്. "സോറി ഗാരി, ഇതല്ല കൃത്യമായ സ്ഥലം, ഇതിനു വെറുതെ ഹൈപ്പ് നൽകുന്നതാണ്, സൗത്തിൽ നിന്നുള്ള ഒരാളെന്ന നിലയിൽ ഞാൻ പറയുന്നത് ഇത്രയും നെയ് ഉപയോഗിക്കുന്നത്, ദോശയുടെ സ്വാദിനെ നശിപ്പിക്കും" മറ്റൊരാൾ കമന്റിട്ടു. നല്ല ദോശ വേറെയുണ്ടെന്നും അത് കഴിക്കാത്തതുകൊണ്ടാണ് ഇങ്ങനെ പറയുന്നത് എന്ന് ഗാരിയെ തിരുത്തുന്നവരും ഏറെയാണ്. 

രാജ്യത്തിന്റെ വിവിധ ഭാഗങ്ങളിൽ യാത്ര ചെയ്ത് വ്യത്യസ്ത ആഘോഷങ്ങളിൽ പങ്കെടുക്കുന്ന നിരവധി വീഡിയോകൾ മുമ്പും  ഗാരി മെഹിഗൻ പോസ്റ്റ് ചെയ്തിട്ടുണ്ട്.

Read More Trending Stories Here

• പാരച്യൂട്ടിൽ പറക്കുന്ന 97കാരിയെ കണ്ടുഞെട്ടി സൈബർലോകം; വീഡിയോ
• ഇങ്ങനെ കത്തെഴുതിയാൽ ആരായാലും വീണു പോകും
• അച്ഛന്റെ നെഞ്ചിൽ പതിഞ്ഞ മുഖം; ടാറ്റൂ കണ്ട് അമ്പരന്ന് മകൾ
• വിളി ഐ ടി വകുപ്പിനെ: 20 ലക്ഷത്തിന്‍റെ നോട്ട് മാലയണിഞ്ഞെത്തി വരന്‍, വീഡിയോ
• ബൈക്കുകളുടെ ശ്മശാനം
• പുറത്തുനിന്ന് നോക്കുമ്പോൾ ഭീമൻ​ പുൽച്ചാടി; അകത്തുകയറിയാലോ?