പച്ചവെള്ളം പോലെ മലയാളം; തനിയെ പഠിച്ചതെന്ന് ജർമ്മൻ യുവതി; അമ്പരന്ന് ടാക്സി ഡ്രൈവർ; വീഡിയോ

വിദേശ രാജ്യങ്ങളിലേക്കുള്ള യാത്രകളിൽ പലപ്പോഴും ഭാഷ വെല്ലുവിളി സൃഷ്ടിക്കാറുണ്ട്. മറ്റൊരു രാജ്യത്ത് എത്തുമ്പോൾ, അവിടുത്തെ പ്രാദേശിക ഭാഷ അറിയുന്നത് നമ്മുടെ യാത്രയേയും അനുഭവങ്ങളെയും കൂടുതൽ മനോഹരമാക്കും. അപ്രതീക്ഷിതമായി ലഭിക്കുന്ന സൗഹൃദങ്ങളിലേക്കും ബന്ധങ്ങളിലേക്കും പോലും ഇത് വാതിൽ തുറക്കും. ഹൃദയസ്പർശിയായ ഒരു വൈറൽ വീഡിയോ അത് തെളിയിക്കുകയാണ്.

ജർമ്മൻ അധ്യാപികയായ ക്ലാര എന്ന യുവതിയാണ് പച്ചവെള്ളം പോലെ മലയാളം സംസാരിച്ചുകൊണ്ട് സോഷ്യൽ മീഡിയയിൽ ശ്രദ്ധനേടുന്നത്. യുവതിയുടെ സംസാരം കേട്ട് അത്ഭുതപ്പെടുന്ന മലയാളിയായ ഡ്രൈവറെയും വീഡിയോയിൽ കാണാം.

View this post on Instagram

A post shared by ക്ലാര - Klara (@keralaklara)

കേരളത്തിൽ വെക്കേഷനു വന്നതാണെന്നും, തനിയെ ആണ് മലയാളം പഠിച്ചതെന്നും യുവതി വീഡിയോയിൽ പറയുന്നു. ജർമ്മനിയിൽ മലയാളികളായ സുഹൃത്തുക്കളുണ്ട്. അങ്ങനെയാണ് മലയാളം പഠിച്ചത്. അഞ്ചു വർഷമായി മലയാളം അറിയാമെന്നും ക്ലാര പറയുന്നു.

ഇൻസ്റ്റഗ്രാമിൽ പങ്കുവച്ച ഇരുവരുടെയും സംഭാഷണത്തിന്റെ വീഡിയോയാണ് വൈറലാകുന്നത്. 1.9 ദശലക്ഷത്തിലധികം കാഴ്ചകളും വീഡിയോയ്ക്ക് ലഭിച്ചിട്ടുണ്ട്. മലയാളം സംസാരിക്കുന്ന നിരവധി റീൽ വീഡിയോകൾ ക്ലാര തന്റെ ഇൻസ്റ്റഗ്രാമം അക്കൗണ്ടിൽ പങ്കുവച്ചിട്ടുണ്ട്.

Read More

• മുട്ടയ്ക്കും മാംസത്തിനും വൻ ഡിമാൻഡ്; പാലക്കാട്ടെ 'ദിനോസർ' കൃഷി വൈറൽ
• Empuraan: ഓടിയും ചാടിയും വീണും എമ്പുരാന് ടിക്കറ്റെടുക്കാൻ ആരാധകർ; വീഡിയോ
• സ്റ്റീഫനൊപ്പം മമ്മൂട്ടിയും, എമ്പുരാനിലെ 'കാമിയോ' വൈറൽ
• 'ഗോട്ടിനെ കണ്ടുമുട്ടി;' കോഹ്ലിക്കൊപ്പം ആർസിബി ജേഴ്സിയിൽ ഹനുമാൻ കൈൻഡ്
• ആറാട്ടണ്ണൻ അല്ല എൻ തമ്പിയെന്ന് പേളി, എനിക്കും ചിലത് പറയാനുണ്ടെന്ന് ശ്രീനിഷ്
• 'ഫോൺ കൈകൊണ്ട് തൊടരുതെന്നാ ടീച്ചർ പറഞ്ഞേ...' അമ്മയുടെ ഫോൺ വെള്ളത്തിലെറിഞ്ഞ് കുഞ്ഞ്; വൈറലായി വീഡിയോ