'ഫോൺ കൈകൊണ്ട് തൊടരുതെന്നാ ടീച്ചർ പറഞ്ഞേ...' അമ്മയുടെ ഫോൺ വെള്ളത്തിലെറിഞ്ഞ് കുഞ്ഞ്; വൈറലായി വീഡിയോ

കുട്ടികളുടെ മൊബൈൽ ഫോൺ ഉപയോഗവുമായി ബന്ധപ്പെട്ട ചർച്ചകൾ ഏറെക്കാലമായി സമൂഹത്തിൽ സജീവമാണ്. ഫോൺ കിട്ടിയാൽ മറ്റെല്ലാം മറന്ന് അതിൽ മുഴുകിയിരിക്കുന്ന കുട്ടികളെയും നമ്മൾ കാണാറുണ്ട്. ഇപ്പോഴിതാ, ഇതിനു വിപരീതമായി അമ്മയുടെ ഫോൺ വെള്ളത്തിലേക്കെറിയുന്ന ഒരു കുട്ടിയുടെ റീൽ വീഡിയോയും അതിലെ കമന്റുകളുമാണ് ശ്രദ്ധനേടുന്നത്.

അലങ്കാര മത്സ്യക്കുളത്തിന് സമീപത്തായി കുഞ്ഞുമായി നിൽക്കുകയാണ് അമ്മ. ഈ സമയം കുഞ്ഞ് തന്റെ കൈയ്യിലിരുന്ന ഫോൺ കുളത്തിലേക്ക് വലിച്ചെറിയുന്നതാണ് വീഡിയോ. ഫോൺ കുളത്തിൽ വീഴുന്നത് കണ്ട് 'എന്താ ചാടിയേ'എന്ന് ഒരാൾ പറയുന്നതും 'അയ്യോ, എന്റെ ഫോൺ' എന്ന് കുട്ടിയുടെ അമ്മ പറയുന്നതും വീഡിയോയിലുണ്ട്.

View this post on Instagram

A post shared by PAYYANUR troll GALLERY > PG (@payyanur__gallery)

വീഡിയോയിൽ നിരവധി ഉപയോക്താക്കളാണ് രസകരമായ കമന്റുകൾ പങ്കുവയ്ക്കുന്നത്. ​"മൊബൈൽ ദുരുപയോഗം മനസിലാക്കിയ പുതുതലമുറ അത് വലിച്ചെറിയുന്നു" എന്നാണ് ഒരാൾ കമന്റിൽ കുറിച്ചത്. "ഫോൺ കൈകൊണ്ട് തൊടരുതെന്നാ ടീച്ചർ പറഞ്ഞേ" എന്നായിരുന്നു മറ്റൊരാളുടെ കമന്റ്.

"ലെ കുഞ്ഞ്: ഇതാ ഇതും കൂടി തിന്നോ മീനെ", "ഇതാണ് അമ്മേ അണ്ടർ വാട്ടർ വീഡിയോഗ്രഫി", "രക്ഷിക്കാൻ കടലീന്ന് ആരേലും വിളിക്കാൻ ഉണ്ടെങ്കിൽ വിളിച്ചിട്ട് താ," എന്നിങ്ങനെയും കമന്റുകളുണ്ട്. ​"payyanur gallery" എന്ന ഇൻസ്റ്റഗ്രാം അക്കൗണ്ടിൽ പോസ്റ്റു ചെയ്തിരിക്കുന്ന വീഡിയോ 2.2 മില്യണിലധികം കാഴ്ചകൾ നേടിയിട്ടുണ്ട്. ഒരു ലക്ഷത്തിലേറെ ആളുകളാണ് റീൽ വീഡിയോ ലൈക്കു ചെയ്തത്.

Read More

• ഒറ്റക്കടിക്ക് മൂർഖൻ രണ്ടു കഷ്ണം; യജമാനനെ കാത്ത് റോട്ട്‌വീലർ; വീഡിയോ വൈറൽ
• 'മോള് വീട്ടിൽപ്പോ, അച്ഛൻ ഇന്ന് പൊളിച്ച് അടുക്കും,' സോഷ്യൽ മീഡിയയുടെ ഹൃദയം കവർന്ന് ഒരു അച്ഛനും മോളും
• ഇനിയെങ്ങാനും സ്വർണം കിട്ടിയാലോ;' സിനിമ കണ്ട് കോട്ട കുഴിച്ച് നാട്ടുകാർ
• 'ആ കുട്ടികളെക്കാൾ കുഞ്ഞു മനസാണ് സാറിനിപ്പോൾ, അറിയാതെ വിതുമ്പിപ്പോയി;' വീഡിയോ
• 'തുരുത്തിൽ പെട്ടാല്ലോ ദൈവമേ, പോരാത്തതിന് ഒരു ചോരക്കൺ മുയലും;' വൈറലായി വീഡിയോ
• 'ഒന്നു തൊഴുതേക്കാം, ചുട്ട കോഴിയെ പറപ്പിക്കാനുള്ള ഹോമം ആണെന്ന് തോന്നുന്നു;' വീഡിയോ