'ഒന്നു തൊഴുതേക്കാം, ചുട്ട കോഴിയെ പറപ്പിക്കാനുള്ള ഹോമം ആണെന്ന് തോന്നുന്നു;' വീഡിയോ

കുട്ടികളുടെ നിഷ്കളങ്കമായ വീഡിയോകൾ എപ്പോഴും സോഷ്യൽ മീഡിയയ്ക്ക് പ്രിയപ്പെട്ടതാണ്. റസ്റ്റോറന്റിൽ ഭക്ഷണം കഴിക്കുന്നതിനിടെ ചിക്കൻ ചൂടാക്കുന്നതുകണ്ട് കൈകൂപ്പി തൊഴുന്ന ഒരു കുഞ്ഞിന്റെ രസകരമായ വീഡിയോയാണ് സൈബറിടത്ത് ഇപ്പോൾ വൈറലാകുന്നത്.

വിളമ്പാനായി മേശപ്പുറത്ത് വച്ചിരിക്കുന്ന ചിക്കൻ തീകൊണ്ട് ചൂടാക്കുന്നത് വീഡിയോയിൽ കാണാം. ഹോട്ടൽ ജീവനക്കാൻ ഭക്ഷണത്തിലേക്ക് തീ പടർത്തുന്നതു കണ്ട് അല്പമൊന്ന് ഞെട്ടിയ കുഞ്ഞ് കൈകൂപ്പി തൊഴുന്നതാണ് വീഡിയോയിലെ കൗതുകം.

View this post on Instagram

A post shared by Shara Raj (@shararaj)

തീ കണ്ടപ്പോൾ ഹോമം നടക്കുന്നതായി തെറ്റിദ്ധരിച്ചായിരിക്കും കുഞ്ഞ് കൈകൂപ്പിയതെന്നാണ് വീഡിയോയിൽ പലരും കമന്റു ചെയ്യുന്നത്. "ലെ കുഞ്ഞ്: എന്താണിത് തീയും പുകയും, ദൈവമെ... തൊഴുതേക്കാം" എന്നാണ് ഒരാൾ വീഡിയോയിൽ കുറിച്ചത്. "തീ കണ്ടാൽ അപ്പൊ തൊഴും", "ഭക്ഷണം കഴിക്കാൻ എന്നു പറഞ്ഞ് അമ്പലത്തിൽ ആണോ കൊണ്ടു വന്നത്, തീ ഒക്കെ ഉണ്ടല്ലോ", "പേടിച്ച് ഭക്തനായി", "സമാധി ആണെന്ന് കരുതിക്കാണും" എന്നിങ്ങനെയാണ് വീഡിയോയിലെ കമന്റുകൾ.

'ഒന്നു തൊഴുതേക്കാം' എന്ന ക്യാപ്ഷനോടെ 'shararaj' എന്ന ഇൻസ്റ്റഗ്രാം അക്കൗണ്ടാണ് വീഡിയോ പങ്കുവച്ചത്. 4.8 മില്യണിലധികം കാഴ്ചകളാണ് വീഡിയോ നേടിയത്. മൂന്നു ലക്ഷത്തോളം ലൈക്കും ലഭിച്ചിട്ടുണ്ട്.

Read More

• കൊടും ചതി; കട്ടപ്പ പോലും ഇങ്ങനെ പിന്നിൽ നിന്നും കുത്തി കാണില്ല
• 'മോള് വീട്ടിൽപ്പോ, അച്ഛൻ ഇന്ന് പൊളിച്ച് അടുക്കും,' സോഷ്യൽ മീഡിയയുടെ ഹൃദയം കവർന്ന് ഒരു അച്ഛനും മോളും
• 'ഒരുത്തനെ കൊന്നിട്ട് എല്ലാം കൂടി ചിരിച്ചോണ്ട് നിൽക്കുവാ;' മരണമാസ്സിലെ നിഗൂഢത ചികഞ്ഞ് ആരാധകർ
• 'സ്റ്റീഫൻ നെടുമ്പള്ളി ആയാലും പെണ്ണുകെട്ടിയാൽ ഇതാ ഗതി,'