റീൽസ് എടുക്കാൻ എസ്‌യുവി പാളത്തില്‍ കയറ്റി; പണി പാളിയപ്പോൾ സാഹസിക രക്ഷപെടൽ; വീഡിയോ

സാമൂഹ്യ മാധ്യമങ്ങളിൽ പങ്കുവയ്ക്കുന്നതിനായി സാഹസികത ചിത്രീകരിച്ച് അപകടം വരുത്തിവയ്ക്കുന്ന സംഭവങ്ങൾ പലപ്പോഴായി വാർത്തകളിൽ ശ്രദ്ധനേടിയിട്ടുണ്ട്. ഇപ്പോഴിതാ രാജസ്ഥാനിൽ മദ്യപിച്ച് റെയിൽവേ ട്രാക്കിൽ വാഹനം ഓടിച്ചു കയറ്റുന്ന യുവാവിന്റെ വീഡിയോയാണ് വ്യാപകമായി പ്രചരിക്കുന്നത്.

ജയ്പൂരിലാണ് സംഭവം. എസ്‌യുവി റെയില്‍വേ പാളത്തിലൂടെ ഓടിക്കാനായിരുന്നു ശ്രമം. വാഹനം പാളത്തിൽ കയറ്റിയതിന് പിന്നാലെ ഗുഡ്സ് ട്രെയിന്‍ വരുന്നത് കണ്ട് വണ്ടി പാളത്തില്‍ നിന്ന് മാറ്റാന്‍ ശ്രമിച്ചെങ്കിലും സാധിച്ചില്ല. ഇതോടെ വാഹനം പാളത്തിൽ പെട്ടുപോയി.

സംഭവം ശ്രദ്ധയിൽപ്പെട്ട് ലോക്കോപൈലറ്റ് എമർജൻസി ബ്രേക്ക് പ്രയോഗിച്ചതിനാൽ വൻ ദുരന്തം ഒഴിവായി. പൊലീസും നാട്ടുകാരും ചേര്‍ന്നാണ് വാഹനം പാളത്തിന് പുറത്തെത്തിക്കാന്‍ സഹായിച്ചത്. എന്നാൽ അലക്ഷ്യമായി വാഹനം പിന്നോട്ടെടുത്ത യുവാവ്, അമിത വേഗത്തിൽ സ്ഥലത്തു നിന്ന് കടന്നുകളഞ്ഞു. 

രക്ഷപെടാനുള്ള ശ്രമത്തിനിടെ മൂന്നു പേരെ വാഹനം ഇടച്ചതായാണ് വിവരം. വാഹനത്തെ പിന്തുടര്‍ന്നാണ് പ്രതിയെ പൊലീസ് പിടികൂടിയത്. വാഹനവും കസ്റ്റഡിയിലെടുത്തിട്ടുണ്ട്. മദ്യപിച്ചാണ് യുവാവ് പരാക്രമം കാട്ടിയതെന്ന് പൊലീസ് അറിയിച്ചു. വാഹനം പാളത്തിൽ നിന്നു പുറത്തെടുക്കുന്നതിന്റെയും, അമിത വേഗത്തിൽ രക്ഷപെടുന്നതിന്റെയും വീഡിയോ സാമൂഹ്യമാധ്യമങ്ങളിൽ വൈറലാണ്.

Yesterday in Jaipur, some guys rented a Thar and were performing stunts on a live railway track.

Seeing such posts everyday really makes me feel like starting a campaign to teach people what 4x4 is actually about! pic.twitter.com/5b08NoYqdL

— Rattan Dhillon (@ShivrattanDhil1) November 13, 2024

ഈ മാസം ആദ്യം ഉത്തർപ്രദേശിലെ കാൺപൂരിൽ റെയിൽവേ പാളത്തിൽ റീൽ ചിത്രീകരിക്കുന്നതിനിടെ രണ്ടു പേർ ട്രെയിനിടിച്ച് മരിച്ചിരുന്നു.

Read More

• കോഹ്ലിക്ക് ആരാധകരുടെ പിറന്നാൾ സർപ്രൈസ്; നാണത്തോടെ സൂപ്പർതാരം
• Most viewed YouTube videos: യൂട്യൂബിൽ ഏറ്റവും അധികം ആളുകൾ കണ്ട 10 വീഡിയോകൾ
• 25 ലക്ഷം ദീപപ്രഭയിൽ അയോധ്യ; ലോക റെക്കോഡ്
• ഭാരം കുറയ്ക്കാനുള്ള ശ്രമം; ലോകത്തിലെ ഏറ്റവും തടിയൻ പൂച്ച വിടപറഞ്ഞു
• ബിഎംഡബ്യു കാറിലെത്തി പൂച്ചട്ടി മോഷണം; യുവതിയുടെ വീഡിയോ വൈറൽ
• സിനിമയിലെ വില്ലൻ തിയേറ്ററിൽ എത്തി; ഓടിവന്ന് കരണത്ത് അടിച്ച് പ്രേക്ഷക: Telugu actor NT Ramaswamy slapped