'അടുപ്പു കത്തിക്കാൻ ഇനി തീപ്പെട്ടി വേണ്ട,' തീ തുപ്പുന്ന ഡ്രാഗണ് പാലൂട്ടി വളർത്തുന്ന അമ്മ വൈറൽ; എഐ വീഡിയോ

പാലക്കാട്ടെ ദിനോമുക്കിലെ ദിനോസർ കൃഷിയുടെ വിശേഷങ്ങളാണ് സാമൂഹ്യ മാധ്യമങ്ങളിൽ ഇപ്പോൾ വൈറലാകുന്നത്. എഐ നിർമ്മിത വീഡിയോയിൽ ദിനോസറുകളെ പരിപാലിക്കുകയും അതിലൂടെ ഉപജീവനം നടത്തുകയും ചെയ്യുന്ന ഒരു കാർഷിക ഗ്രാമത്തെ കുറിച്ചായിരുന്നു വളരെ രസകരമായി പറഞ്ഞത്. സിനിമ മോഹികളായ യുവാക്കളുടെ കൂട്ടായ്മയായ സ്റ്റോറി ടെല്ലേഴ്സ് യൂണിയന്റെ ഭാവനയിൽ പിറന്നതായിരുന്നു ദിനോമുക്കും ദിനോസർ കൃഷിയുമെല്ലാം.

ഇപ്പോഴിതാ ഒരു മലയാളി വീട്ടമ്മയുടെയും അവർ വളർത്തി വലുതാക്കിയ ഒരു ഡ്രാഗണിന്റെയും ആത്മബന്ധത്തിന്റെ കഥയാണ് സൈബറിടത്ത് വൈറലാകുന്നത്. ​"wild spell studio" എന്ന ഇൻസ്റ്റഗ്രാം അക്കൗണ്ടാണ് എഐ നിർമ്മിത വീഡിയോ പങ്കുവച്ചത്.

View this post on Instagram

A post shared by Wild Spell Studio (@wild.spell_studio)

സ്ത്രീ, സ്വന്തം കുഞ്ഞിനെപ്പോലെ ഡ്രാഗണെ സ്നേഹിച്ച് വളർത്തി വലുതാക്കുന്നതും, അതിന്റെ മുകളിലിരുന്ന് യാത്ര ചെയ്യുന്നതുമെല്ലാമാണ് വീഡിയോയിൽ. ടെലിവിഷൻ ചരിത്രത്തിലെ ഏറ്റവും പ്രശസ്തമായ ഷോകളിൽ ഒന്നായ ഗെയിം ഓഫ് ത്രോൺസിനെ അനുസ്മരിപ്പിക്കുന്ന രംഗങ്ങളാണ് വീഡിയോയിൽ. 

സംവിധായകൻ ജിതിൻ ലാൽ, നടി സുരഭി ലക്ഷ്മി തുടങ്ങി നിരവധി പേർ വീഡിയോയിൽ രസകരമായ കമന്റുകളും പങ്കുവച്ചിട്ടുണ്ട്. "അടുപ്പു കത്തിക്കാൻ ഇനി തീപ്പെട്ടി വേണ്ട", "പാലക്കാട് ദിനോസർമുക്കിലെ ഒരു ശരാശരി വീട്ടമ്മ","ഉയർന്നു വാ എന്നു പറഞ്ഞപ്പോൾ ഇത്രേം ഉയരുമെന്ന് പ്രതീക്ഷിച്ചില്ല", "ചന്തയിൽ പോകാൻ ഇനി നടക്കണ്ട", ഇങ്ങനെ പോവുന്നു വീഡിയോയ്ക്ക് താഴെ പ്രത്യക്ഷപ്പെട്ട കമന്റുകൾ.

Read More

• മുട്ടയ്ക്കും മാംസത്തിനും വൻ ഡിമാൻഡ്; പാലക്കാട്ടെ 'ദിനോസർ' കൃഷി വൈറൽ
• പിള്ളേർക്കൊപ്പം ഫുട്ബോൾ കളിക്കുന്ന, തേങ്ങയിട്ടു കൊടുക്കുന്ന ദിനോസർ: വൈറൽ വീഡിയോയ്ക്ക് പിന്നിലെ കഥ
• ഉഷ മിസ്സിന്റെ പിറന്നാളിന് പാതിരാത്രി അസംബ്ലി കൂടി പിള്ളേർ; വൈറൽ വീഡിയോ
• Empuraan: ഓടിയും ചാടിയും വീണും എമ്പുരാന് ടിക്കറ്റെടുക്കാൻ ആരാധകർ; വീഡിയോ
• സ്റ്റീഫനൊപ്പം മമ്മൂട്ടിയും, എമ്പുരാനിലെ 'കാമിയോ' വൈറൽ
• 'ഗോട്ടിനെ കണ്ടുമുട്ടി;' കോഹ്ലിക്കൊപ്പം ആർസിബി ജേഴ്സിയിൽ ഹനുമാൻ കൈൻഡ്