വാൽപ്പാറയിൽ ബസ് താഴ്ചയിലേക്ക് മറിഞ്ഞ് അപകടം; 14 പേരുടെ നില ഗുരുതരം

ചെന്നൈ: വാൽപ്പാറയിൽ ബസ് നിയന്ത്രണം നഷ്ടപ്പെട്ട് താഴ്ചയിലേക്ക് മറിഞ്ഞ് ഇരുപതിലേറെ ആളുകൾക്ക് പരിക്കേറ്റതായി റിപ്പോർട്ട്. പരിക്കേറ്റ 14 പേരുടെ നില ഗൂരുതരമാണെന്നാണ് വിവരം. തിരുപ്പൂരിൽ നിന്നും വാൽപ്പാറയിലേക്ക് വരികയായിരുന്ന സർക്കാർ ബസ് ആണ് മറിഞ്ഞത്.

ഹെയർപിൻ വളവ് തിരിയുന്നതിനിടെ നിയന്ത്രണം നഷ്ടപ്പെട്ട ബസ് താഴ്ചയിലേക്ക് മറിയുകയായിരുന്നു. വാൽപ്പാറയ്ക്ക് സമീപം കവേഴ്‌സ് എസ്റ്റേറ്റ് ഭാഗത്തെ സൂചി വലയിലാണ് സംഭവമെന്ന് ടിവി ചാനലുകൾ റിപ്പോർട്ടു ചെയ്തു. 10 അടി താഴ്ചയിലേക്കാണ് ബസ് മറിഞ്ഞത്.

രാത്രി ഒരു മണിയോടെയാണ് അപകടമുണ്ടായത്. പരിക്കേറ്റവരെ വിവിധ ആശുപത്രികളിലായി പ്രവേശിപ്പിച്ചു. ഗുരുതരമായി പരിക്കേറ്റ ഡ്രൈവറെ പൊള്ളാച്ചിയിലെ ആശുപത്രിയിൽ പ്രവേശിപ്പിച്ചതായാണ് വിവരം. പൊലീസും ഫയർഫോഴ്സും സ്ഥലത്തെത്തിയിട്ടുണ്ട്. എഴുപതിലേറെ യാത്രക്കാർ അപകട സമയം ബസിലുണ്ടായിരുന്നതായാണ് വിവരം.

Read More

• ലിയോ പതിനാലാമൻ മാർപാപ്പയുടെ സ്ഥാനാരോഹണം ഇന്ന്; ഒരുങ്ങി വത്തിക്കാൻ
• മൂന്നാം ഘട്ടത്തിൽ അപ്രതീക്ഷിത തകരാർ; പിഎസ്എല്‍വി സി-61 വിക്ഷേപണം പരാജയം
• വിദേശത്തേക്കുള്ള പ്രതിനിധി സംഘം; കോൺഗ്രസ് നിർദേശിച്ച പേരുകൾ വെട്ടി, ഇടം നേടി തരൂർ
• പാക് ഭീകരത തുറന്നുകാട്ടാൻ പ്രതിനിധികൾ വിദേശത്തേക്ക്; തരൂരും കനിമൊഴിയും സംഘത്തിൽ
• അധികം ഭക്ഷണം കഴിക്കാറില്ല, ഇംഗ്ലീഷ് മാത്രമേ സംസാരിക്കൂ; തിഹാർ ജയിലിലെ തഹാവൂർ റാണയുടെ ജീവിതം
• മുംബൈ ഭീകരാക്രമണത്തിലെ മുഖ്യപ്രതി; ആരാണ് തഹാവൂർ റാണ?
• സൽമാൻ റുഷ്ദിയെ ആക്രമിച്ച കേസ്; പ്രതിക്ക് 25 വർഷം തടവ് ശിക്ഷ