ആൾക്കൂട്ടത്തിലേക്ക് ട്രക്ക് പാഞ്ഞുകയറി 10 മരണം; നിരവധി പേർക്ക് പരിക്ക്; ഭീകരാക്രമണമെന്ന് മേയർ

ഡൽഹി: ജനക്കൂട്ടത്തിനിടയിലേക്ക് ട്രക്ക് ഓടിച്ചു കയറ്റിയ ശേഷം വെടിയുതിർത്ത സംഭവത്തിൽ 10 പേർക്ക് ദാരുണാന്ത്യം. അമേരിക്കയിലെ ന്യൂ ഓർലിയൻസിൽ ബുധനാഴ്ചയാണ് ആക്രമണം ഉണ്ടായത്. 30 പേർക്ക് പരിക്കേറ്റതായി ന്യൂ ഓർലിയൻസ് സിറ്റി അധികൃതർ അറിയിച്ചു.

അതിവേഗത്തിൽ എത്തിയ ട്രക്ക് ജനക്കൂട്ടിത്തേലേക്ക് ഇടിച്ചു കയറുകയും, വാഹനത്തിൽ നിന്ന് പുറത്തിറങ്ങിയ ഡ്രൈവർ വെടിയുതിർക്കാൻ തുടങ്ങുകയുമായിരുന്നു. പരിക്കേറ്റവരെ സമീപത്തെ അഞ്ച് ആശുപത്രികളിലേക്കായി മാറ്റിയതായി സിബിഎസ് ന്യൂസ് റിപ്പോർട്ട് ചെയ്തു. പൊലീസുമായുണ്ടായ ഏറ്റുമുട്ടലിൽ അക്രമി കൊല്ലപ്പെട്ടതായാണ് വിവരം.

ഭീകരാക്രമണം ആണ് ഉണ്ടായതെന്ന് ന്യൂ ഓർലിയൻസ് മേയർ പറഞ്ഞു. ബുധനാഴ്ച പുലർച്ചെയാണ് സംഭവം. എഫ്ബിഐ അന്വേഷണം ആരംഭിച്ചിട്ടുണ്ടെന്നാണ് വിവരം. പുതുവത്സര ആഘോഷങ്ങൾക്ക് ശേഷം ആളുകൾ മടങ്ങുന്നതിനിടെയാണ് ആക്രമണം ഉണ്ടായത്.

#TBCWorld | US :10 killed, over 35 injured as vehicle plows into crowd on Bourbon Street in New Orleans

Details in 🧵
Follow :@thbharatcurrentpic.twitter.com/CwBqzWmJZg

— The Bharat Current (@thbharatcurrent) January 1, 2025

സംഭവ സ്ഥലത്തു നിന്നുള്ള വീഡിയോ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. അതേസമയം, മുൻപും സമാന സംഭവങ്ങൾക്ക് നഗരം സാക്ഷ്യം വഹിച്ചിട്ടുണ്ടെന്നാണ് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നത്. 2024 നവംബറിൽ ഉണ്ടായ രണ്ട് വ്യത്യസ്ത സംഭവങ്ങളിൽ രണ്ട് പേർ കൊല്ലപ്പെടുകയും 10 പേർക്ക് പരിക്കേൽക്കുകയും ചെയ്തതായി റിപ്പോർട്ടുകൾ പറയുന്നു.

Read More

• പുതുവർഷ ദിനത്തിൽ അമ്മയെയും നാല് സഹോദരിമാരെയും കൊലപ്പെടുത്തി യുവാവ്
• മൻമോഹൻ സിങ്ങിന് ഭാരതരത്‌നം; വിവാദങ്ങൾ മുറുകുന്നു
• മണിപ്പൂർ കലാപം; പുതുവർഷത്തിൽ ജനങ്ങളോട് മാപ്പ് പറഞ്ഞ് മുഖ്യമന്ത്രി
• വെൽക്കം 2025 ; കിരിബാത്തിയിലും ന്യൂസിലൻഡിലും പുതുവർഷം പിറന്നു
• ഇനി ജനറേഷൻ ബീറ്റ; 2025 മുതൽ പുതിയ ജനസംഖ്യാ ഗ്രൂപ്പ്
• വോട്ടുത്സവത്തിന്റെ 2024
• പിഫ് തുക എടിഎം വഴി പിൻവലിക്കാം, എവിടെനിന്നും പെൻഷൻ വാങ്ങാം; പുതുവർഷത്തിലെ മാറ്റങ്ങൾ