നിയന്ത്രണ രേഖയിലുണ്ടായ പാക് ഷെല്ലാക്രമണത്തിൽ ജവാന് വീരമൃത്യു

ഡൽഹി: വെള്ളിയാഴ്ച പുലർച്ചെ നിയന്ത്രണ രേഖയ്ക്ക് സമീപമുണ്ടായ പാക്കിസ്ഥാന്റെ ഷെല്ലാക്രമണത്തിൽ സൈനികന് വീരമൃത്യു. ആന്ധ്രാപ്രദേശിലെ സത്യസായ് ജില്ലയിലെ ഗൊരാണ്ട്​ല സ്വദേശിയായ എം. മുരളി നായിക് (25) ആണ് വീരമൃത്യു വരിച്ചത്.

പുലർച്ചെ മൂന്നു മണിയോടെയുണ്ടായ ആക്രമണത്തിലാണ് മുരളി നായികിന് പരിക്കേറ്റത്. എയര്‍ലിഫ്റ്റ് ചെയ്യാനുള്ള ശ്രമങ്ങള്‍ക്കിടെയാണ് മരണം സംഭവിച്ചത്. സൈനികന് പരിക്കേറ്റെന്നും ഡല്‍ഹിയിലേക്ക് മാറ്റുന്നതിനിടെ മരണപ്പെട്ടുവെന്നും സീനയർ ഉദ്യോഗസ്ഥൻ കുടുംബത്തെ അറിയിക്കുകയായിരുന്നെന്ന് ബന്ധു പറഞ്ഞു.

സൈനികന്റെ മരണത്തിൽ ആന്ധ്ര മുഖ്യമന്ത്രി എൻ. ചന്ദ്രബാബു നായിഡു അനുശോചനം രേഖപ്പെടുത്തി. 25-ാം വയസ്സിലുണ്ടായ ത്യാഗത്തെ രാഷ്ട്രം ഓർക്കുമെന്ന് അദ്ദേഹം പറഞ്ഞു. 2022 ലാണ് മുരളി നായിക് സൈന്യത്തിൽ ചേർന്നത്. 851 ലൈറ്റ് റെജിമെന്റിലായിരുന്നു. പിതാവ് മുദവത് ശ്രീറാമും മാതാവ് ജ്യോതിഭായിയും മുംബൈയിൽ നിർമ്മാണ മേഖലയിലാണ് ജോലി ചെയ്യുന്നത്.

Read More

• നാനൂറോളം പാക് ഡ്രോണുകൾ; രാജ്യത്തെ 36 കേന്ദ്രങ്ങൾ ലക്ഷ്യമിട്ട് ആക്രമണം; സ്ഥിരീകരിച്ച് ഇന്ത്യ
• പാക് വ്യോമാക്രമണത്തിന്റെ മുനയൊടിച്ച് എസ് 400; കരുത്തുകാട്ടി ഇന്ത്യയുടെ സ്വന്തം ആകാശ്
• ഇന്ത്യ-പാകിസ്ഥാൻ സംഘർഷം; ഐ.പി.എൽ മത്സരം നിർത്തിവെച്ചേക്കും
• ഓപ്പറേഷൻ സിന്ദൂർ; എല്ലാ വിമാനത്താവളങ്ങളിലും കർശന സുരക്ഷ, യാത്രക്കാർ നേരത്തെ എത്തണമെന്ന് എയർ ഇന്ത്യ
• ഓപ്പറേഷൻ സിന്ദൂർ: പാക്കിസ്ഥാൻ ആക്രമണം തുടർന്നാൽ ഏതറ്റം വരെയും പോകും; മുന്നറിയിപ്പുമായി ഇന്ത്യ
• പാക് ഡ്രോണുകൾ ചാമ്പലാക്കി ഇന്ത്യ; കശ്മീർ മുതൽ രാജസ്ഥാൻ വരെ ബ്ലാക്ക്ഔട്ട്