സാരിയിൽ അതീവ സുന്ദരിയായി പാർവ്വതി തിരുവോത്ത്: 'തങ്കലാൻ' പ്രമോഷൻ ലുക്ക്

പ്രേക്ഷകർ ഏറ്റെടുത്ത 'ഉള്ളൊഴുക്ക്' എന്ന സിനിമയിലെ അഭിനയത്തിനു ശേഷം തമിഴിൽ വിക്രത്തിനൊപ്പം തിളങ്ങാൻ ഒരുങ്ങുകയാണ് പാർവ്വതി തിരുവോത്ത്. തമിഴ് സിനിമ ലോകം ഏറെ പ്രതീക്ഷയോടെ കാത്തിരിക്കുന്ന 'തങ്കലാൻ' ആണത് . ചിത്രത്തിൻ്റെ പ്രൊമോഷൻ തിരക്കിലാണ് പാർവതി. തിരക്കിനിടയിലും തൻ്റെ പ്രമോഷൻ ലുക്കുകൾ സോഷ്യൽ മീഡിയയിലൂടെ പങ്കുവെയ്ക്കാൻ പാർവതി മറക്കാറില്ല. അങ്ങനെ ചില ചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നത്. ചുവപ്പ് നിറത്തിലുള്ള സാരിയുടുത്ത പാർവതിയാണ് ചിത്രങ്ങളിൽ.

തോരണിയുടെ ഗുൽമോഹർ കളക്ഷനിൽ നിന്നുള്ള സാരിയാണിത്. ഗുൽമോഹർ ദിയ എന്നാണ് ഇതിനു നൽകിയിരിക്കുന്ന പേര്. ചുവപ്പ് നിറത്തിലുള്ള ക്ലാസിക്  ഓർഗൻസ് മെറ്റീരിയലിൽ എംബ്രോയിഡറി വർക്കുകൾ കൊടുത്തിരിക്കുന്നതു കാണാം. സാരിയുടെ അതേ നിറത്തിലുള്ള ബ്ലൗസ് കട്ടി കുറഞ്ഞ ഓർഗൻസ് മെറ്റീരിയലിലാണ് തുന്നിയിരിക്കുന്നത്.

61,500 രൂപ വില വരുന്ന സാരിയാണിത്. ബ്ലൗസിൽ ചുവപ്പ് നൂലും, സീക്വൻസും മറ്റും ഉപയോഗിച്ചു ചെയ്തിരിക്കുന്ന എംബ്രോയിഡറി വർക്കുകൾ ഏറെ ആകർഷണീയമാണ്.

ക്യൂരിയോ കോട്ടേജ് ജൂവല്ലറി എന്ന  നീല കല്ല് പതിപ്പിച്ച സ്റ്റഡ് കമ്മൽ മാത്രമാണ് ആഭരണമായി അണിഞ്ഞിരിക്കുന്നത്. 

റെഡ് സാരി ആയതിനാൽ മേക്കപ്പിലും ആ നിറത്തിന് പ്രാധാന്യം കൊടുത്തിട്ടുണ്ട്. ബോൾഡ് ലിപ്സ്റ്റിക്കും, ലൈറ്റ് റെഡ് ബ്ലെഷും, കട്ടി കൂടിയ പിരികങ്ങളുമാണ് മേക്കപ്പിൽ ഹൈലൈറ്റ് ചെയ്തിരിക്കുന്നത്. അഭിനവാണ് പാർവ്വതിയുടെ ഈ സാരി സ്റ്റൈലിനു പിന്നിൽ.

Read More

• ആഴ്ചയിൽ എത്ര തവണ മുടി കഴുകാറുണ്ട്? ഇക്കാര്യങ്ങൾ ശ്രദ്ധിക്കൂ
• Skin Home Remedies: മുഖകാന്തിക്ക് വീട്ടിൽ തന്നെയുണ്ട് പരിഹാരം
• കൈകളിലെ കരുവാളിപ്പ് മാറ്റാൻ ഇതാ ഒരു നുറുങ്ങു വിദ്യ
• മുടി കൊഴിച്ചിൽ തടയാൻ വെളിച്ചെണ്ണ ഹെയർ മാസ്ക്
• മുഖത്തെ രോമം കളയണോ? കടലമാവ് ഉപയോഗിക്കൂ
• ഒരു ഹെയർക്ലിപ്പിന്റെ വില ഇത്രയുമോ? ഷാരൂഖിന്റെ മകളല്ലേയെന്ന് ആരാധകർ
• മുടി തിളക്കമുള്ളതാക്കാം, വീട്ടിൽ ചെയ്യാവുന്ന ചില പൊടിക്കൈകൾ
• സ്റ്റണ്ണിങ് ബോൾഡ് ലുക്കെന്ന് ആരാധകർ; ലെമൺ ഗ്രീൻ സാരി ട്രെൻഡിലാക്കി സംയുക്ത മേനോൻ
• ഗോൾഡിൽ ഗ്ലാമറസായി പ്രിയാമണി: ഫിലിം ഫെയർ സ്പെഷ്യൽ ലുക്ക്