Happy Navaratri 2025; Vijayadashami Wishes: അറിവിന്റെ ആദ്യാക്ഷരം കുറിക്കുന്ന ഈ പുണ്യദിനത്തിൽ ആശംസകൾ നേരാം

Happy Navaratri 2025; Vijayadashami: നന്മയുടെ വിജയവും അറിവിന്റെ പ്രകാശവും വിളിച്ചോതുന്ന പുണ്യനാളുകളാണ് ഓരോ വർഷവും ആഘോഷിക്കുന്ന നവരാത്രി. ആദിപരാശക്തിയുടെ ഒമ്പത് ഭാവങ്ങളെ ഒമ്പത് രാത്രികളിലായി ആരാധിക്കുന്ന ഈ മഹോത്സവം ഭാരതമെമ്പാടും ഭക്തിനിർഭരമായി ആചരിക്കുന്നു. 

Also Read: അറിവിൻ്റെയും ഐശ്വര്യത്തിൻ്റെയും വിജയദശമി ദിനത്തിൽ ആശംസകൾ നേരാം

ഈ വർഷം 2025 സെപ്റ്റംബർ 22-നാണ് നവരാത്രി ആഘോഷങ്ങൾക്ക് തുടക്കമായത്. ഒക്ടോബർ 2-ന് വിജയദശമിയോടെയാണ് ആഘോഷങ്ങൾ സമാപിക്കുന്നത്.

Also Read: ഭക്തിയുടെ നിറവിൽ ഇനി നവരാത്രി ദിനങ്ങൾ; പ്രിയപ്പെട്ടവർക്ക് ആശംസകൾ കൈമാറാം

ആദ്യത്തെ മൂന്ന് ദിവസം ദുർഗ്ഗാദേവിയെയും അടുത്ത മൂന്ന് ദിവസം ലക്ഷ്മീദേവിയെയും അവസാന മൂന്ന് ദിവസം സരസ്വതീദേവിയെയുമാണ് പ്രധാനമായും ആരാധിക്കുന്നത്. ഓരോ ദിവസവും ദേവിയുടെ ഓരോ ഭാവങ്ങളെയാണ് പൂജിക്കുന്നത്. ശൈലപുത്രി, ബ്രഹ്മചാരിണി, ചന്ദ്രഘണ്ഡാ, കുഷ്മാണ്ഡ, സ്കന്ദമാതാ, കാത്യായനി, കാളരാത്രി, മഹാഗൗരി, സിദ്ധിദാത്രി എന്നിവരാണ് നവദുർഗ്ഗമാർ.

Also Read: ഭക്തിസാന്ദ്രമായ നവരാത്രി ദിനങ്ങളിൽ ആശംസകൾ നേരാം

കേരളത്തിൽ, അവസാനത്തെ മൂന്ന് ദിവസങ്ങളായ ദുർഗ്ഗാഷ്ടമി, മഹാനവമി, വിജയദശമി എന്നിവയ്ക്ക് പ്രത്യേക പ്രാധാന്യമുണ്ട്. പുസ്തകങ്ങളും തൊഴിലുപകരണങ്ങളും പൂജയ്ക്ക് വെച്ച് വിദ്യയുടെയും ധനത്തിന്റെയും ദേവതകളെ ആരാധിക്കുന്നു. 

Also Read: നവരാത്രി ആഘോഷങ്ങൾ വർണ്ണാഭമാക്കാം ആശംസകൾ കൈമാറാം

ദുർഗ്ഗാഷ്ടമി ദിവസമാണ് പൂജവെപ്പ്. ഒക്ടോബർ 2-ന് വിജയദശമി നാളിൽ പൂജയെടുപ്പും കുട്ടികളെ എഴുത്തിനിരുത്തുന്ന വിദ്യാരംഭ ചടങ്ങുകളും നടക്കും. കൊല്ലൂർ മൂകാംബിക, പനച്ചിക്കാട് സരസ്വതി ക്ഷേത്രം തുടങ്ങിയ ദക്ഷിണ മൂകാംബികാ ക്ഷേത്രങ്ങളിൽ വിദ്യാരംഭത്തിനായി ആയിരക്കണക്കിന് ഭക്തരെത്തും.

Also Read: അറിവിൻ്റെയും വിജയത്തിൻ്റെയും ദിനം, മഹാനവമി ആശംസകൾ നേരാം

നവരാത്രി വ്രതം അനുഷ്ഠിക്കുന്നതിലൂടെ മനസ്സിനും ശരീരത്തിനും ശുദ്ധിവരുത്താനും ദേവിയുടെ അനുഗ്രഹം നേടാനും കഴിയുമെന്നാണ് വിശ്വാസം. ഈ ദിവസങ്ങളിൽ ലളിതാസഹസ്രനാമം പോലുള്ള ദേവീ സ്തുതികൾ ജപിക്കുന്നതും ക്ഷേത്ര ദർശനം നടത്തുന്നതും ഉത്തമമായി കരുതുന്നു. 

Also Read: തിന്മയുടെ മേൽ നന്മ നേടിയ വിജയത്തിൻ്റെ ആഘോഷരാവിൽ ആശംസകൾ നേരാം

ശക്തിയുടെയും ജ്ഞാനത്തിന്റെയും ഈ ദിനരാത്രങ്ങൾ എല്ലാവർക്കും ഐശ്വര്യവും സൗഭാഗ്യവും നൽകട്ടെ.

Read More: അറിവിൻ്റെയും ഐശ്വര്യത്തിൻ്റെയും വിജയദശമി ദിനത്തിൽ ആശംസകൾ നേരാം