Happy Navaratri 2025; Vijayadashami Wishes: അറിവിൻ്റെയും ഐശ്വര്യത്തിൻ്റെയും വിജയദശമി ദിനത്തിൽ ആശംസകൾ നേരാം

Happy Navaratri 2025; Vijayadashami: വിജയദശമി അഥവാ ദസറ, ഹൈന്ദവ സംസ്കാരത്തിൽ അത്യധികം പ്രാധാന്യമുള്ള ഒരുത്സവമാണ്. നവരാത്രി ആഘോഷങ്ങളുടെ സമാപനം കുറിക്കുന്ന ഈ ദിനം, തിന്മയുടെ മേൽ നന്മ നേടിയ വിജയത്തെയാണ് അനുസ്മരിക്കുന്നത്. ദുർഗ്ഗാദേവി മഹിഷാസുരനെ നിഗ്രഹിച്ചതിൻ്റെ വിജയദിനമായും, ശ്രീരാമൻ രാവണനെ വധിച്ചതിൻ്റെ വിജയദിനമായും ഈ ദിനം കണക്കാക്കപ്പെടുന്നു. ഭാരതത്തിൽ പലയിടത്തും വിവിധ ആചാരങ്ങളോടെയാണ് വിജയദശമി ആഘോഷിക്കുന്നത്.

Also Read: തിന്മയുടെ മേൽ നന്മ നേടിയ വിജയത്തിൻ്റെ ആഘോഷരാവിൽ ആശംസകൾ നേരാം

Also Read: അറിവിൻ്റെയും വിജയത്തിൻ്റെയും ദിനം, മഹാനവമി ആശംസകൾ നേരാം

കേരളത്തിൽ വിജയദശമിക്ക് സവിശേഷമായ പ്രാധാന്യമുണ്ട്, പ്രത്യേകിച്ച് വിദ്യാഭ്യാസപരമായ കാര്യങ്ങളിൽ. നവരാത്രിയുടെ അവസാന ദിനമായ ഈ ദിവസം കേരളീയർ, പ്രധാനമായും അറിവിൻ്റെ ദേവതയായ സരസ്വതീ ദേവിയെ ആരാധിക്കുന്നു. ഇവിടെ ഇത് വിദ്യാരംഭത്തിന് ഏറ്റവും ശുഭകരമായ ദിവസമായി കണക്കാക്കപ്പെടുന്നു. കുട്ടികളെ എഴുത്തിനിരുത്തുന്ന ചടങ്ങ് ഈ ദിവസത്തെ പ്രധാന ചടങ്ങാണ്. അറിവിൻ്റെ ആദ്യാക്ഷരം കുറിക്കാനുള്ള ഉത്തമദിനമാണിത്. 

Also Read: നവരാത്രി ആഘോഷങ്ങൾ വർണ്ണാഭമാക്കാം ആശംസകൾ കൈമാറാം

നവരാത്രിയുടെ എട്ടാം ദിവസമായ ദുർഗ്ഗാഷ്ടമിക്ക് ഗ്രന്ഥങ്ങൾ, സംഗീതോപകരണങ്ങൾ, തൊഴിലുപകരണങ്ങൾ എന്നിവ പൂജക്കായി വെക്കുന്നു. ഒമ്പതാം ദിവസമായ മഹാനവമിയിൽ പൂജയും വിശ്രമവുമാണ്. വിജയദശമി ദിനത്തിൽ രാവിലെ പൂജയെടുപ്പോടെയാണ് ചടങ്ങുകൾ ആരംഭിക്കുന്നത്. 

Also Read: ഭക്തിസാന്ദ്രമായ നവരാത്രി ദിനങ്ങളിൽ ആശംസകൾ നേരാം

ക്ഷേത്രങ്ങളിലും വീടുകളിലും വിദ്യാരംഭം നടക്കുന്നു. ഗുരുക്കന്മാരോ അച്ഛനമ്മമാരോ കുട്ടികളെ മടിയിലിരുത്തി സ്വർണ്ണമോതിരം ഉപയോഗിച്ച് നാവിൽ 'ഹരിശ്രീ ഗണപതയെ നമഃ' എന്ന് എഴുതുന്നു. തുടർന്ന്, അരിയിൽ ചൂണ്ടുവിരൽ പിടിച്ച് ഇതേ മന്ത്രം എഴുതിക്കുന്നു.

Also Read: ഭക്തിയുടെ നിറവിൽ ഇനി നവരാത്രി ദിനങ്ങൾ; പ്രിയപ്പെട്ടവർക്ക് ആശംസകൾ കൈമാറാം

പുതിയ തുടക്കങ്ങൾക്കായി ഈ ദിനം തിരഞ്ഞെടുക്കുന്നവരുമുണ്ട്. മലയാളിക്ക് വിജയത്തിൻ്റെയും അറിവിൻ്റെയും പുത്തൻ തുടക്കമാണ്. 

Read More: ഭക്തിസാന്ദ്രമായ നവരാത്രി ദിനങ്ങളിൽ ആശംസകൾ നേരാം