കരുത്തുറ്റ തലമുടിക്ക് കറ്റാർവാഴയും മുട്ടയും: ഇങ്ങനെ ചെയ്തു നോക്കൂ

മുഖ സൗന്ദര്യത്തിനൊപ്പം നമ്മൾ  സംരക്ഷിക്കേണ്ട ഒന്നാണ് തലമുടിയുടെ ആരോഗ്യവും. കരുത്തുറ്റ, നീളമുള്ള മുടി ആഗ്രഹിക്കാത്തവർ ആരും തന്നെ ഉണ്ടാകില്ല.  എന്നാൽ അതിന് തടസ്സം സൃഷ്ട്ടിക്കുന്നവയാണ് മുടി കൊഴിച്ചിലും താരനും. ഇവയിൽ നിങ്ങളെ അലട്ടുന്ന പ്രധാന പ്രശ്നം എന്താണ് എന്നും അതിൻ്റെ കാരണവും തിരിച്ചറിയുക. ശേഷം വേരുകളിൽ നിന്നു തന്നെ മുടിയ്ക്കു കരുത്തു പകരാനുള്ള വഴികൾ തേടുക.

കറ്റാർവാഴയും, മുട്ടയും മുടി സംരക്ഷണത്തിന് ഉചിതമായ രണ്ട് വസ്തുക്കളാണ്. ഇവ ഉപയോഗിച്ച് ഒരു ഹെയർമാസ് തയ്യാറാക്കി ആഴ്ച്ചയിൽ ഒരു തവണയെങ്കിലും ഉപയോഗിച്ചു നോക്കൂ

ചേരുവകൾ

• കറ്റാർവാഴ
• മുട്ട

തയ്യാറാക്കുന്ന വിധം

• ഒരു കറ്റാർവാഴയുടെ ജെല്ല് മാത്രം എടുത്തതിലേയ്ക്ക് ഒരു മുട്ട കൂടി ചേർത്ത് അരച്ചെടുക്കുക.
• ഈ മിശ്രിതം തലയോട്ടിയിലും മുടി വേരുകളിലും പുരട്ടുക.
• മുപ്പത് മിനിറ്റിനു ശേഷം തണുത്ത വെള്ളവും, ഷാമ്പുവും ഉപയോഗിച്ച് കഴുകി കളയുക.
• ശേഷം സ്ഥിരമായി ഉപയോഗിക്കുന്ന കണ്ടീഷ്ണറും മറക്കേണ്ട. 

ഗുണങ്ങൾ

• തലമുടിയുടെ വളർച്ചയെ പ്രോത്സാഹിപ്പിക്കുന്ന എൻസൈമുകൾ കറ്റാർവാഴയിൽ അടങ്ങിയിട്ടുണ്ട്. 
• ആരോഗ്യമുള്ള മുടി വളർച്ചയ്ക്ക് ആവശ്യമായ വിറ്റാമിനുകളും ധാതുക്കളും കറ്റാർ വാഴയിൽ ധാരാളം അടങ്ങിയിട്ടുണ്ട്. കറ്റാർ വാഴയിൽ വിറ്റാമിനുകൾ എ, സി, ഇ എന്നിവ അടങ്ങിയിട്ടുണ്ട്. ഈ മൂന്ന് വിറ്റാമിനുകളും കോശങ്ങളുടെ വളർച്ചയ്ക്കും തിളക്കമുള്ള മുടിക്കും സഹായിക്കും.
• കറ്റാർ വാഴയുടെ സ്വഭാവിക മോയ്സ്ച്യുറൈസിങ് ഗുണങ്ങൾ തലയോട്ടിയിൽ ജലാംശം നൽകാനും വരൾച്ച കുറയ്ക്കാനും സഹായിക്കും.
•  ഇതിലെ ആന്റിമൈക്രോബയൽ, ആന്റി-ഇൻഫ്ലമേറ്ററി ഗുണങ്ങൾ താരൻ ഉണ്ടാക്കുന്ന ഫംഗസുകളെ ചെറുക്കാൻ സഹായിക്കുന്നു
• മുടിയ്ക്ക് കരുത്തു പകരാൻ സഹായിക്കുന്ന പ്രോട്ടീനുകളാണ് മുട്ടയുടെ സവിശേഷത.

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• കൈകളിലെ ഇരുണ്ട ചർമ്മം അകറ്റാം: ഇങ്ങനെ ചെയ്തു നോക്കൂ
• ആരോഗ്യമുള്ള ചർമ്മത്തിന് ഈ പഴം കഴിച്ചോളൂ
• കറുവാപ്പട്ടയും, ആപ്പിൾ സിഡർ വിനാഗിരിയും താരൻ അകറ്റാൻ നല്ലതോ?
• മുടി വളർച്ച കൂട്ടും, താരൻ കുറയ്ക്കും; കറ്റാർവാഴ ജെൽ പുരട്ടുന്നതിന്റെ ഗുണങ്ങൾ
• മുടിയുടെ കരുത്ത് വർദ്ധിപ്പിക്കാം, ഈ ഹെയർമാസ്ക് ട്രൈ ചെയ്യൂ
• ആഴ്ചയിൽ എത്ര തവണ മുടി കഴുകാറുണ്ട്? ഇക്കാര്യങ്ങൾ ശ്രദ്ധിക്കൂ
• Skin Home Remedies: മുഖകാന്തിക്ക് വീട്ടിൽ തന്നെയുണ്ട് പരിഹാരം
• കൈകളിലെ കരുവാളിപ്പ് മാറ്റാൻ ഇതാ ഒരു നുറുങ്ങു വിദ്യ
• മുടി കൊഴിച്ചിൽ തടയാൻ വെളിച്ചെണ്ണ ഹെയർ മാസ്ക്
• മുഖത്തെ രോമം കളയണോ? കടലമാവ് ഉപയോഗിക്കൂ