കഴുത്തിനു ചുറ്റിലുമുള്ള കറുപ്പ് അകറ്റാം, ഇതാ 3 വഴികൾ

കഴുത്തിനു ചുറ്റിലുമുള്ള കറുപ്പ് നിറം പലരിലും സാധാരണമായി കണ്ടുവരുന്നുണ്ട്. എക്സ്ഫോളിയേഷൻ കുറവ്, അമിതമായി സൂര്യപ്രകാശമേൽക്കുന്നത് അല്ലെങ്കിൽ ഹോർമോണുകളുടെ ഏറ്റക്കുറച്ചിലുകൾ തുടങ്ങി പല കാരണങ്ങൾ കൊണ്ട് ഇതുണ്ടാകാം. പൂർണമായും ഇത് ചികിത്സിച്ചു മാറ്റാൻ കഴിയും. 

കഴുത്തിലെ കറുപ്പ് അകറ്റാൻ വീട്ടിൽ ചെയ്യാവുന്ന ചില പൊടിക്കൈകളുണ്ട്. ഇതിൽ ബേക്കിങ് സോഡ വളരെ ഫലപ്രദമാണെന്ന് തെളിയിക്കപ്പെട്ടിട്ടുണ്ട്. കഴുത്തിലെ കറുപ്പ് അകറ്റാൻ ബേക്കിങ് സോഡ ഉപയോഗിക്കുന്നതെങ്ങനെയെന്ന് നോക്കാം.

ഓറഞ്ച് തൊലി, ബേക്കിങ് സോഡ സ്ക്രബ്

ഒരു ഓറഞ്ച് തൊലി എടുക്കുക. അതിൽ ബേക്കിങ് സോഡ വിതറിയശേഷം കുറച്ച് തുള്ളി നാരങ്ങ നീര് ചേർക്കുക. ഏതാനും മിനിറ്റ് കഴുത്തിലെ കറുപ്പുള്ള ഭാഗങ്ങളിൽ നന്നായി ഇതുപയോഗിച്ച് റബ് ചെയ്യുക. 15-20 മിനിറ്റുകൾക്കുശേഷം കഴുകി കളയുക. ഓറഞ്ച് തൊലി ഉണക്കി പൊടിച്ചതും ബേക്കിങ് സോഡയും നാരങ്ങ നീരും ചേർത്ത് തയ്യാറാക്കിയ പേസ്റ്റും ഉപയോഗിക്കാവുന്നതാണ്. ഈ പേസ്റ്റ് കറുപ്പുള്ള ഭാഗങ്ങളിൽ പുരട്ടുക. ഉണങ്ങിയശേഷം കഴുകി കളയുക.

കറ്റാർവാഴ ജെല്ലും ബേക്കിങ് സോഡും

കറ്റാർവാഴ ജെല്ലും ഒരു ടേബിൾസ്പൂൺ ബേക്കിങ് സോഡയും നന്നായി മിക്സ് ചെയ്യുക. ഈ മിശ്രിതം കറുപ്പുള്ള ഭാഗങ്ങളിൽ പുരട്ടുക. 30 മിനിറ്റിനുശേഷം കഴുകി കളയുക.

ഉരുളക്കിഴങ്ങും ബേക്കിങ് സോഡയും

ഉരുളക്കിഴങ്ങ് തൊലി കളഞ്ഞശേഷം മിക്സി ജാറിലിട്ട് അടിച്ചെടുക്കുക. ഇത് അരിച്ചെടുത്ത് കിട്ടുന്ന ജ്യൂസ് ഒരു പാത്രത്തിലേക്ക് മാറ്റുക. ഇതിലേക്ക് ഒരു ടേബിൾസ്പീൺ ബേക്കിങ് സോഡ ചേർത്ത് പേസ്റ്റ് രൂപത്തിലാക്കുക. ഒരു കോട്ടൺ ബോൾ ഉപയോഗിച്ച് കറുപ്പുള്ള ഭാഗങ്ങളിൽ തേച്ചുപിടിപ്പിക്കുക. 10 മിനിറ്റിനുശേഷം കഴുകി കളയുക. 

മുകളിലുള്ള ലേഖനം അറിവ് നൽകുന്നതിന് മാത്രമുള്ളതാണ്, പ്രൊഫഷണൽ മെഡിക്കൽ നിർദേശത്തിന് പകരമാകാൻ ഉദ്ദേശിച്ചുള്ളതല്ല. നിങ്ങളുടെ ആരോഗ്യത്തെക്കുറിച്ചോ ആരോഗ്യസ്ഥിതിയെക്കുറിച്ചോ ഉണ്ടായേക്കാവുന്ന എന്തെങ്കിലും ചോദ്യങ്ങൾക്ക് എല്ലായ്പ്പോഴും നിങ്ങളുടെ ഡോക്ടറുടെയോ മറ്റ് യോഗ്യതയുള്ള ആരോഗ്യ പ്രൊഫഷണലിന്റെയോ മാർഗ്ഗനിർദ്ദേശം തേടുക.

Read More

• മഴക്കാലത്തെ മുടി കൊഴിച്ചിൽ, ശീലങ്ങളിൽ കൊണ്ടു വരാം ഈ മാറ്റങ്ങൾ
• ദിവസവും മുടി കഴുകുന്നത് താരൻ അകറ്റാൻ​ സഹായിക്കുമോ?
• ചുരുണ്ട മുടിക്കാരാണോ? ഇക്കാര്യങ്ങൾ ശ്രദ്ധിക്കൂ
• മഴക്കാലത്ത് മുടികൊഴിച്ചിൽ ബുദ്ധിമുട്ടിക്കുന്നുണ്ടോ? 5 ടിപ്‌സുകൾ
• അനന്ത്-രാധിക കല്യാണത്തിൽ തിളങ്ങിയ മുൻ മിസ് വേൾഡ് ജേതാക്കൾ
• രാധിക വിവാഹ വസ്ത്രത്തിനൊപ്പം അണിഞ്ഞ ഈ മാല അൽപം സ്പെഷ്യലാണ്