Nilambur By-Election: സ്ഥാനാർഥിയ്‌ക്കെതിരായ പരാമർശം പിൻവലിച്ചാൻ അസോസിയേറ്റ് അംഗമാക്കാം: അൻവറിനോട് യു.ഡി.എഫ്.

Nilambur By Election: തിരുവനന്തപുരം: നിലമ്പൂരിലെ യു.ഡി.എഫ്. സ്ഥാനാർഥി ആര്യാടൻ ഷൗക്കത്തിനെതിരെയുള്ള പരമാർശങ്ങൾ പിൻവലിച്ചാൽ പി.വി. അൻവറിന് അസോസിയേറ്റ് അംഗത്വം നൽകാമെന്ന് ഐക്യജനാധിപത്യ മുന്നണി. വെള്ളിയാഴ്ച ചേർന്ന് യു.ഡി.എഫ്. നേതൃയോഗത്തിന് ശേഷം യു.ഡി.എഫ്. കൺവീനർ അടൂർ പ്രകാശാണ് ഇക്കാര്യം മാധ്യമങ്ങളെ അറിയിച്ചത്.

Also Read: നിലമ്പൂരിൽ ചിത്രം വ്യക്തം; ഇനി നിർണായകം അൻവറിന്റെ നീക്കം

"ഏത് മുന്നണിയും സ്ഥാനാർഥിയെ നിർത്തുന്നത് വിജയിപ്പിക്കാനാണ്. എന്നാൽ, യു.ഡി.എഫ്. സ്ഥാനാർഥിയെപ്പറ്റി പറയാൻ പാടില്ലാത്ത പരാമർശങ്ങളാണ് അൻവർ നടത്തിയത്. ഇത് പാടില്ലായിരുന്നു. അൻവർ പരാമർശങ്ങൾ തിരുത്തിയാൽ യു.ഡി.എഫിൽ അസോസിയേറ്റ് അംഗത്വം നൽകാം. ഇക്കാര്യം അൻവറിനെ ഫോണിലൂടെ അറിയിച്ചിട്ടുണ്ട്. അൻവർ തിരുത്തുമെന്നാണ് പ്രതീക്ഷിക്കുന്നത്"- അടൂർ പ്രകാശ് മാധ്യമങ്ങളോട് പറഞ്ഞു. 

Also Read:നിലമ്പൂരിൽ എം. സ്വരാജ് എൽ. ഡി. എഫ്. സ്ഥാനാർത്ഥി

തൃണമൂൽ കോൺഗ്രസിനെ യു.ഡി.എഫിൽ എടുക്കുന്നതിന് എ.ഐ.സി.സി.യുടെ അനുമതി വേണമെന്നാണ് കോൺഗ്രസ് യു.ഡി.എഫ്. യോഗത്തിൽ സ്വകരിച്ച നിലപാട്. നേരിട്ട് അംഗത്വം നൽകാൻ സാധിക്കില്ലെന്ന് കോൺഗ്രസ് നിലപാട് മറ്റ് കക്ഷികൾ അംഗീകരിച്ചു.

എന്നാൽ, അസോസിയേറ്റ് അംഗത്വം അംഗീകരിക്കില്ലെന്നും മുന്നണിയിൽ പൂർണ അംഗത്വം വേണമെന്നുമാണ് പി.വി.അൻവറിന്റെ നിലപാട്. നിലപാട് വ്യക്തമാക്കാൻ ശനിയാഴ്ച അൻവർ മാധ്യമങ്ങളെ കാണും. തൃണമൂൽ കോൺഗ്രസിനെ യുഡിഎഫ് ഘടകക്ഷിയാക്കിയില്ലെങ്കിൽ സ്ഥാനാർഥിത്വം പ്രഖ്യാപിക്കുമെന്നാണ് നേരത്തെ പി.വി. അൻവർ തീരുമാനിച്ചിരുന്നത്. 

അതേസമയം, എം.സ്വരാജിനെ സ്ഥാനാർഥിയാക്കി എൽ.ഡി.എഫ്. പ്രഖ്യാപനം കൂടി വന്നതോടെ നിലമ്പൂർ ഉപതിരഞ്ഞെടുപ്പിന്റെ ഏകദേശ ചിത്രം വ്യക്തമായി. എ.കെ.ജി. സെന്ററിൽ നടന്ന വാർത്താസമ്മേളനത്തിൽ സി.പി.എം സംസ്ഥാന സെക്രട്ടറി എം.വി ഗോവിന്ദൻ ആണ് സ്ഥാനാർത്ഥിയെ പ്രഖ്യാപിച്ചത്. ഇന്നു രാവിലെ ചേർന്ന സംസ്ഥാന സെക്രട്ടറിയേറ്റ് യോഗത്തിനു ശേഷമായിരുന്നു സ്ഥാനാർഥിയെ അന്തിമമായി തീരുമാനിച്ചതെന്നാണ് വിവരം. എൻ.ഡി.എ. സ്ഥാനാർഥി പ്രഖ്യാപനവും ഉടനുണ്ടാകുമെന്നാണ് വിവരം. 

Read More

• നിലമ്പൂർ ഉപതിരഞ്ഞെടുപ്പ്; അൻവറിന്റെ കാര്യത്തിൽ അനിശ്ചിതത്വം തുടർന്ന് കോൺഗ്രസ്
• നിലമ്പൂർ ഉപതിരഞ്ഞെടുപ്പ്; അൻവറിനായി സുധാകരൻ, പറഞ്ഞതിൽ മാറ്റമില്ലെന്ന് സതീശൻ: യുഡിഎഫിൽ ഭിന്നത രൂക്ഷം
• ഇനി യുഡിഎഫിന്റെ കാലുപിടിക്കാനില്ല, പ്രതീക്ഷ കെ.സി.വേണുഗോപാലിൽ: പി.വി.അൻവർ
• നിലമ്പൂർ ഉപതിരഞ്ഞെടുപ്പ്; ഇടഞ്ഞുതന്നെ അൻവർ, തത്കാലം പ്രചാരണത്തിനില്ല