കൊച്ചിയിൽ ഓടിക്കൊണ്ടിരുന്ന കെഎസ്ആര്‍ടിസി ബസ് കത്തി നശിച്ചു

കൊച്ചി: എറണാകുളം ചിറ്റൂരിൽ ഓടിക്കൊണ്ടിരുന്ന കെഎസ്ആര്‍ടിസി ബസിന് തീ പിടിച്ചു. ബസിൽ യാത്രക്കാരുണ്ടായിരുന്നെങ്കിലും ആർക്കും പരിക്കില്ലെന്നാണ് വിവരം. ബസിന്റെ പിൻഭാഗം പൂർണമായും കത്തി നശിച്ചിട്ടുണ്ട്. ചിറ്റൂർ റോഡിൽ 3.30 ഓടെയാണ് തീപിടുത്തം ഉണ്ടായത്.

തൊടുപുഴയിലേക്ക് പുറപ്പെട്ട കെഎസ്ആര്‍ടിസിയുടെ ലോഫ്ലോർ ബസാണ് കത്തി നശിച്ചത്. അപകട സമയം ബസിൽ 20ൽ അധികം യാത്രക്കാരുണ്ടായിരുന്നതായാണ് വിവരം. ഫയർ ഫോഴസ് എത്തിയാണ് തീയണച്ചത്. പത്തു മിനിറ്റോളം സമയം ബസ് നിന്നു കത്തി. ഇതിനു ശേഷമാണ് തീ നിയന്ത്രണ വിധേയമാക്കാൻ സാധിച്ചത്. 

ബസിന്റെ സീറ്റുകൾ അടക്കം ഉൾഭാഗം പൂർണമായും കത്തി നശിച്ചിട്ടുണ്ട്. 'പുക ഉയർന്ന ഉടൻതന്നെ യാത്രക്കാരെ പുറത്തിറക്കിയതായും, എങ്ങനെയാണ് തീപിടിച്ചതെന്ന് മനസിലായില്ലെന്നും ഡ്രൈവർ പറഞ്ഞു. 

Read More

• രാജ്യത്ത് ഭരണഘടനയെ അട്ടിമറിക്കാൻ ശ്രമം നടക്കുന്നു; പ്രിയങ്ക ഗാന്ധി
• പ്രിയങ്ക ഗാന്ധിയുടെ നാമനിർദേശ പത്രിക സ്വീകരിച്ചു
• പൂരം കലക്കൽ; പ്രത്യേക അന്വേഷണ സംഘത്തിന്റെ പരാതിയിൽ കേസെടുത്ത് പൊലീസ്
• തൃശൂർ പൂരം കലങ്ങിയത് തന്നെ; മുഖ്യമന്ത്രിയെ തള്ളി ബിനോയ് വിശ്വം
• തൃശൂർ പൂരം കലങ്ങിയിട്ടില്ല; വെടിക്കെട്ട് മാത്രം വൈകി: മുഖ്യമന്ത്രി
• ഇങ്ങോട്ട് വാ എന്ന് കേന്ദ്രം, ഇവിടെ നില്ലെന്ന്കേരളം; തിരഞ്ഞെടുപ്പ് കമ്മീഷണറുടെ നിയമനത്തിന് പിന്നിലെ കഥ
• യുവതിയെ കെട്ടിയിട്ട് പീഡിപ്പിക്കാൻ ശ്രമം; രണ്ട് പേർ പിടിയിൽ
• പാലക്കാട് കോൺഗ്രസിലെ കത്ത് വിവാദം; രാഷ്ട്രീയായുധമാക്കി സിപിഎം