Malayalam New Year Astrology: വർഷഫലം; അശ്വതി മുതൽ രേവതി വരെ

മേടക്കൂറ് (അശ്വതി,ഭരണി,കാർത്തിക 1/4)

ആരോഗ്യപൂർണ്ണമായ ജീവിതം നയിക്കാൻ സാധിക്കും. സുഹൃത്തുക്കളിൽ നിന്നും സഹപ്രവർത്തകരിൽ നിന്നും ലഭിക്കുന്ന സഹായസഹകരണങ്ങൾ മൂലം തൊഴിൽ രംഗം ശോഭനമാകും. സ്വന്തം കാര്യങ്ങൾക്കായി സമയം കണ്ടെത്തുവാനും അദ്ധ്വാനിക്കുവാനും ശ്രമിക്കണം. സാമ്പത്തികനില മെച്ചപ്പെടും. ദീർഘകാല രോഗികൾക്ക് ആശ്വാസവും മനഃസമാധാനവും ഉണ്ടാകും. ചിങ്ങം, കന്നി, തുലാം മാസങ്ങളിൽ നേതൃ പദവികൾ, കാർഷികാദായം, ശത്രുപീഡ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ മനഃസുഖം,അപ്രതീക്ഷിതമായ ചിലവുകൾ, ദേഹാസ്വസ്ഥതകൾ എന്നിവ ഉണ്ടാകും. കുംഭം, മീനം, മേടം മാസങ്ങളിൽ ഭാഗ്യാനുഭവം, കുടുംബപുഷ്ടി, ശ്രേയസ്സ് എന്നിവ ഉണ്ടാകും. ഇടവം, മിഥുനം, കർക്കിടകം മാസങ്ങളിൽ കച്ചവാടാഭിവൃദ്ധി, ഔദ്യോഗിക രംഗത്ത് ഉയർച്ച, മെച്ചപ്പെട്ട ജീവിത സാഹചര്യങ്ങൾ എന്നിവ ഉണ്ടാകും.

ഇടവക്കൂറ് (കാർത്തിക3/4, രോഹിണി, മകയിരം 1/2)

വർഷാരംഭത്തിൽ സാമ്പത്തിക ബുദ്ധിമുട്ടുകൾ ഉണ്ടാകും. മനോവ്യാകുലതകൾ പ്രയാസങ്ങൾ സൃഷ്ടിക്കും. അനാവശ്യ ചിലവുകൾ ഒഴിവാക്കുവാനും സാമ്പത്തിക നില മെച്ചപ്പെടുത്തുവാനും ആവശ്യമായ കാര്യങ്ങൾ ചെയ്യുവാൻ സാധിക്കും. തൊഴിലന്വേഷകർക്കും വിദ്യാർത്ഥികൾക്കും കാലം ഗുണകരം ആണ്. കലാകാരന്മാർ, സാഹിത്യപ്രവർത്തകർ എന്നിവർക്ക് പ്രശസ്തിയും അംഗീകാരങ്ങളും ലഭിക്കും. ചിങ്ങം, കന്നി, തുലാം മാസങ്ങളിൽ ഔദ്യോഗികരംഗത്ത് എതിർപ്പുകൾ, ഉത്സാഹ ശീലം, അംഗീകാരങ്ങൾ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ മെച്ചപ്പെട്ട സാമ്പത്തിക സ്ഥിതി, പരീക്ഷകളിൽ വിജയം, മനഃസുഖം എന്നിവ ഉണ്ടാകും. കുംഭം, മീനം, മേടം മാസങ്ങളിൽ തൊഴിൽ രംഗത്ത് മാറ്റങ്ങൾ, ഭൂമി ലാഭം, ഗൃഹനിർമ്മാണം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ദുഃഖാനുഭവങ്ങൾ, അപ്രതീക്ഷിതമായ ചിലവുകൾ എന്നിവ ഉണ്ടാകും.

Also Read: ചിങ്ങ മാസത്തെ സമ്പൂർണ്ണ നക്ഷത്രഫലം, അശ്വതി മുതൽ രേവതി വരെ

മിഥുനക്കൂറ് (മകയിരം 1/2, തിരുവാതിര, പുണർതം 3/4)

ശ്രേയസ്സും സൗഭാഗ്യവും ഉണ്ടാകുന്ന വർഷമാണ്. ബാദ്ധ്യതകൾ തീർക്കുവാനും പുതിയ സംരംഭങ്ങൾക്ക് തുടക്കം കുറിക്കുവാനും സാധിക്കും. കുടുംബ പുഷ്ടി, ആഗ്രഹ സഫലീകരണം, ഭാഗ്യാനുഭവം എന്നിവ ഉണ്ടാകും. തൊഴിൽ രംഗത്ത് പുതിയ വെല്ലുവിളികൾ ഏറ്റെടുക്കേണ്ടി വരും. ആരോഗ്യരംഗം തൃപ്തികരം ആയിരിക്കും. ചിങ്ങം, കന്നി, തുലാം മാസങ്ങളിൽ അംഗീകാരങ്ങൾ, സന്താന സൗഭാഗ്യം, ഉയർന്ന പദവികൾ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ പുണ്യപ്രവൃത്തികൾ, കാർഷികാദായം, ഗൃഹനിർമ്മാണം എന്നിവ ഉണ്ടാകും. കുംഭം, മീനം, മേടം മാസങ്ങളിൽ മത്സര പരീക്ഷകളിൽ വിജയം, മനഃക്ലേശം, ജനസമ്മിതി എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ സ്ഥലം മാറ്റം, കീർത്തി, സാമ്പത്തികാഭിവൃദ്ധി എന്നിവ ഉണ്ടാകും.

Also Read: കർക്കടക മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ

കർക്കടകക്കൂറ് (പുണർതം1/4, പൂയം, ആയില്യം)

ജീവിത ചിലവുകൾ വർദ്ധിക്കും. തൊഴിൽ രംഗത്ത് മേലധികാരികളുമായി തർക്കങ്ങൾ ഉണ്ടാകും. കുടുംബ രംഗത്ത് നിലനിന്നിരുന്ന പ്രയാസങ്ങൾ പരിഹരിക്കപ്പെടും. പരീക്ഷകളിലും അഭിമുഖങ്ങളിലും വിജയം, ആഗ്രഹ സഫലീകരണം എന്നിവ ഉണ്ടാകും. ദേഹാരിഷ്ടങ്ങളും മനഃക്ലേശവും ഉണ്ടാകും. ചിങ്ങം, കന്നി, തുലാം മാസങ്ങളിൽ ബഹുജന സമ്മിതി, സ്ഥലം മാറ്റം, പ്രശസ്തി എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ വ്യാപാര പുരോഗതി, പരീക്ഷാ വിജയം, അധിക ചിലവുകൾ എന്നിവ ഉണ്ടാകും. കുംഭം, മീനം, മേടം മാസങ്ങളിൽ തൊഴിൽ മേഖലയിൽ മാറ്റങ്ങൾ, പ്രിയ ജനാനുകൂല്യം കാര്യവിജയം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ദൂരയാത്രകൾ, അന്യദേശവാസം, ഇഷ്ടജനവിരഹം എന്നിവ ഉണ്ടാകും.

ചിങ്ങക്കൂറ് (മകം, പൂരം, ഉത്രം1/4)

കർമ്മരംഗത്ത് ഉത്തരവാദിത്വബോധവും ഉണർവ്വും പ്രകടിപ്പിക്കും. സാമ്പത്തികരംഗത്ത് നിലനിന്നിരുന്ന പ്രയാസങ്ങൾ പരിഹരിക്കപ്പെടും. സർക്കാരിൽ നിന്നും അനുകൂല്യങ്ങൾ ലഭിക്കും. ലഘുവായ ദേഹാസ്വസ്ഥതൾ പ്രയാസങ്ങൾ സൃഷ്ടിക്കും. കച്ചവടം, കൃഷി എന്നിവ ഗുണകരമായിരിക്കും. ചിങ്ങം, കന്നി, തുലാം മാസങ്ങളിൽ നേതൃ പദവികൾ, ബന്ധുജന സുഖം, കീർത്തി എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ ശത്രുപീഡ, ആരോഗ്യരംഗത്ത് വിഷമതകൾ, പുണ്യപ്രവൃത്തികൾ എന്നിവ ഉണ്ടാകും. കുംഭം, മീനം, മേടം മാസങ്ങളിൽ മനഃസന്തോഷം, യശസ്സ്, സന്താനസൗഭാഗ്യം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ബന്ധുജനങ്ങളിൽ നിന്ന് സഹായം, ഭൂമിലാഭം എന്നിവ ഉണ്ടാകും.

കന്നിക്കൂറ് (ഉത്രം3/4, അത്തം, ചിത്തിര1/2)

ഔദ്യോഗിക രംഗത്ത് ഉത്തരവാദിത്വങ്ങൾ പൂർത്തീകരിക്കുന്നതിൽ പ്രയാസങ്ങൾ നേരിടും. കട ബാദ്ധ്യതകൾ തീർക്കുവാൻ കഴിയും. തൊഴിൽ രഹിതർക്ക് സ്ഥിര വരുമാനം ഉണ്ടാകും. പൊതുപ്രവർത്തനം സംതൃപ്തി നൽകില്ല. കുടുംബ രംഗത്ത് മംഗളകർമ്മങ്ങളുടെ നേതൃസ്ഥാനം ഏറ്റെടുക്കേണ്ടി വരും. ചിങ്ങം, കന്നി, തുലാം മാസങ്ങളിൽ നേതൃപദവികൾ, വാഹനലാഭം, വസ്ത്രഭരണാദി സിദ്ധി എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ ബഹുജനസമ്മിതി, കാര്യവിജയം, ദേഹാരിഷ്ടുകൾ എന്നിവ ഉണ്ടാകും. കുംഭം, മീനം, മേടം മാസങ്ങളിൽ സാമ്പത്തിക ലാഭം, പരീക്ഷാവിജയം, മനഃ ക്ലേശം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ഐശ്വര്യം, മത്സരവിജയം, ഇഷ്ടജനവിരഹം എന്നിവ ഉണ്ടാകും.

തുലാക്കൂറ് (ചിത്തിര1/2, ചോതി, വിശാഖം3/4)

സന്തോഷപൂർണ്ണമായ കുടുംബജീവിതം, മികച്ച സാമ്പത്തിക സ്ഥിതി എന്നിവ ഉണ്ടാകും. ഒന്നിലധികം വരുമാനമാർഗങ്ങൾ, പുതിയ സംരംഭങ്ങൾ എന്നിവ ഉണ്ടാകും. ആരോഗ്യരംഗത്ത് പ്രയാസങ്ങൾ അനുഭവപ്പെടും. കലാകാരന്മാർ, സാഹിത്യപ്രവർത്തകർ എന്നിവരുടെ പ്രശസ്തി വർദ്ധിക്കും.കച്ചവടം, കൃഷി എന്നിവ ലാഭകരം ആയിരിക്കും. ചിങ്ങം, കന്നി, തുലാം മാസങ്ങളിൽ ഔദ്യോഗിക രംഗത്ത് മാറ്റങ്ങൾ, ആരോഗ്യപരമായ വിഷമതകൾ, ശത്രുപീഡ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ ധനലാഭം, ബന്ധുജനസുഖം, ആഗ്രഹസഫലീകരണം എന്നിവ ഉണ്ടാകും. കുംഭം, മീനം,മേടം മാസങ്ങളിൽ അന്യദേശവാസം, ശ്രേയസ്സ്, മനഃസന്തോഷം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ വരുമാന വർദ്ധനവ്, പുണ്യ പ്രവൃത്തികൾ, ഭൂമിലാഭം എന്നിവ ഉണ്ടാകും.

Also Read: ഓഗസ്റ്റ് മാസത്തെ സമ്പൂർണ നക്ഷത്രഫലം, അശ്വതി മുതൽ രേവതിവരെ

വൃശ്ചികക്കൂറ്‍ (വിശാഖം1/4, അനിഴം, തൃക്കേട്ട)

അനാവശ്യചിലവുകൾ ഒഴിവാക്കിയും ആഡംബരഭ്രമം കുറച്ചും സാമ്പത്തിക പ്രയാസങ്ങളെ തരണം ചെയ്യാൻ സാധിക്കും. കർമ്മരംഗത്ത് നേട്ടങ്ങൾ, ജോലിസംബന്ധമായ ദൂരയാത്രകൾ എന്നിവ ഉണ്ടാകും. വ്യാപാരികൾക്ക് വർഷാരംഭത്തിൽ തടസ്സങ്ങൾ ഉണ്ടാകും. വിദ്യാഭ്യാസരംഗത്ത് ഉയർച്ച ഉണ്ടാകും. തൊഴിലന്വേഷകർക്ക് അവസരങ്ങൾ ഉണ്ടാകും. ചിങ്ങം, കന്നി, തുലാം മാസങ്ങളിൽ ബന്ധുജനവിരഹം, കച്ചവടാഭിവൃദ്ധി, ധനലാഭം എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ ഗൃഹനിർമ്മാണം, വിദ്യാലാഭം, കീർത്തി എന്നിവ ഉണ്ടാകും. കുംഭം, മീനം, മേടം മാസങ്ങളിൽ ശ്രേയസ്സ്, മനോവ്യാകുലതകൾ, അംഗീകാരങ്ങൾ എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ സ്ഥലമാറ്റം, ഉദരരോഗങ്ങൾ, കാർഷികാദായം എന്നിവ ഉണ്ടാകും.

Also Read:ഈ ആഴ്‌ച നിങ്ങൾക്കെങ്ങനെ?

ധനുക്കൂറ്‍ (മൂലം, പൂരാടം, ഉത്രാടം1/4)

ഭാഗ്യവും ശ്രേയസ്സും അനുഭവിക്കുന്ന കാലമാണ്. കുടുംബ ജീവിതത്തിൽ നിലനിന്നിരുന്ന പ്രയാസങ്ങൾ പരിഹരിക്കപ്പെടും. വരുമാനമാർഗ്ഗങ്ങൾക്ക് താൽക്കാലിക തടസ്സങ്ങൾ ഉണ്ടാകും. അനാവശ്യ കാര്യങ്ങൾക്ക് പണം ധാരാളം ചിലവഴിക്കും. ആരോഗ്യരംഗം തൃപ്തികരം ആയിരിക്കും. ചിങ്ങം, കന്നി, തുലാം മാസങ്ങളിൽ കച്ചവട പുരോഗതി, ദൂര യാത്രകൾ, വിദ്യാലാഭം എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ കുടുംബപുഷ്ടി, ധനധാന്യസമൃദ്ധി, സത്കർമ്മങ്ങൾ എന്നിവ ഉണ്ടാകും. കുംഭം, മീനം, മേടം മാസങ്ങളിൽ സർവകാര്യവിജയം, നേതൃസ്ഥാന ലബ്ധി, ധനലാഭം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ഗൃഹ ഐശ്വര്യം, പരീക്ഷാവിജയം, വാഹന ലാഭം എന്നിവ  ഉണ്ടാകും.

മകരക്കൂറ് (ഉത്രാടം3/4, തിരുവോണം, അവിട്ടം1/2)

കർമ്മരംഗത്ത് കഠിനാദ്ധ്വാനം ചെയ്യുന്നതിന്റെ ഫലം അനുഭവിക്കും. അനുകൂലമായ സ്ഥലംമാറ്റം, നേതൃപദവികൾ  എന്നിവ ഉണ്ടാകും. പ്രതിസന്ധികളെ വിവേകപൂർവ്വം നേരിടും. കൃഷിയിൽ നിന്നും നഷ്ടം വരാതിരിക്കാൻ പ്രത്യേകം ശ്രദ്ധിക്കണം. ദീർഘകാല രോഗികൾ പ്രത്യേകം ശ്രദ്ധിക്കണം. ചിങ്ങം, കന്നി, തുലാം മാസങ്ങളിൽ നേതൃപദവികൾ, സ്ഥലം മാറ്റം, കച്ചവട ലാഭം, ഭൂമി ലാഭം എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ പരീക്ഷാ വിജയം, അന്യദേശവാസം, ബന്ധുജനസുഖം എന്നിവ ഉണ്ടാകും. കുംഭം മീനം, മേടം മാസങ്ങളിൽ പുണ്യപ്രവൃത്തികൾ, പ്രശസ്തി, വ്യാപാര പുരോഗതി, സർക്കാരിൽ നിന്നും ആനുകൂല്യങ്ങൾ എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ സാമ്പത്തികമായ ഉയർച്ച, കർമ്മപുഷ്ടി, മനഃസുഖം എന്നിവ ഉണ്ടാകും.

Also Read: ശുക്രൻ കർക്കടകം, ചിങ്ങം രാശികളിലേക്ക്; അശ്വതി മുതൽ രേവതി വരെ

കുംഭക്കൂറ് (അവിട്ടം1/2, ചതയം, പൂരുരുട്ടാതി3/4)

സാമ്പത്തികസ്ഥിതി മാറ്റമില്ലാതെ തുടരും. മറ്റുള്ളവരുടെ ആദരവ്, അംഗീകാരങ്ങൾ എന്നിവ ലഭിക്കും. വ്യാപരികൾക്ക് വർഷാരംഭം ഗുണകരമാവില്ല. ഭവനനിർമ്മാണ പ്രവർത്തനങ്ങൾക്ക് തടസ്സങ്ങൾ നേരിടും. പ്രവർത്തനമേഖലകളിൽ ബുദ്ധിശക്തിയും ഉത്തരവാദിത്വബോധവും പ്രകടിപ്പിക്കും. ചിങ്ങം, കന്നി, തുലാം മാസങ്ങളിൽ കാര്യവിജയം, സ്വജന കലഹം, തൊഴിൽ മേഖലയിൽ മാറ്റങ്ങൾ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ കുടുംബ പുരോഗതി, സന്താന സൗഭാഗ്യം, കർമ്മലബ്ധി എന്നിവ ഉണ്ടാകും. കുംഭം, മീനം, മേടം മാസങ്ങളിൽ കലഹങ്ങൾ, പുതിയ സംരംഭങ്ങൾ, ദേഹാരിഷ്ടുകൾ എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ മനഃസുഖം, പദവികൾ, സാഹസികത എന്നിവ ഉണ്ടാകും.

മീനക്കൂറ്‍ (പൂരുരുട്ടാതി1/4, ഉത്രട്ടാതി, രേവതി)

സാമ്പത്തിക മേഖലയിൽ നിലനിൽക്കുന്ന പ്രയാസങ്ങൾ പരിഹരിക്കപ്പെടും. കഠിനാധ്വാനം ചെയ്യുന്നതിന്റെ ഫലം ലഭിക്കും. ഒന്നിലധികം വരുമാന മാർഗ്ഗങ്ങൾ ഉണ്ടാകും. പ്രശസ്തി, അംഗീകാരങ്ങൾ എന്നിവ ഉണ്ടാകും. ആരോഗ്യ പരമായ വിഷമതകൾ പ്രയാസങ്ങൾ സൃഷ്ടിക്കും. ചിങ്ങം, കന്നി, തുലാം മാസങ്ങളിൽ ധനധാന്യ സമൃദ്ധി, ദേഹാരിഷ്ടുകൾ, കാര്യവിഘ്നങ്ങൾ എന്നിവ ഉണ്ടാകും. വൃശ്ചികം, ധനു, മകരം മാസങ്ങളിൽ കുടുംബ സുഖം, വ്യാപാര പുരോഗതി, പരീക്ഷാ വിജയം എന്നിവ ഉണ്ടാകും. കുംഭം, മീനം, മേടം മാസങ്ങളിൽ പുണ്യപ്രവൃത്തികൾ, ജനസമ്മിതി, കാര്യവിജയം എന്നിവ ഉണ്ടാകും. ഇടവം, മിഥുനം, കർക്കടകം മാസങ്ങളിൽ ദൂരയാത്രകൾ, ഭൂമിലാഭം, സ്വജനക്ലേശം എന്നിവ ഉണ്ടാകും.

Read More: നിങ്ങളുടെ ജീവിതപങ്കാളി എങ്ങനെയുള്ള ആളാവും?