മാങ്ങയും നാരങ്ങയും വേണ്ട, തക്കാളി ഉണ്ടെങ്കിൽ രുചികരമായ അച്ചാർ തയ്യാറാക്കാം

അച്ചാറിൽ തന്നെ വ്യത്യസ്ത പരീക്ഷണങ്ങൾ നടത്തുന്നതിൽ മലയാളി ഒട്ടും പിന്നിലല്ല. മാങ്ങയും നാരങ്ങയും എന്തിനേറെ പറയുന്നു കരാറ്റ് കൊണ്ടുള്ള അച്ചാർ വരെ ഇപ്പോൾ പ്രചാരത്തിലുണ്ട് അങ്ങനെയെങ്കിൽ അടുക്കളയിൽ ബാക്കി വന്ന തക്കാളിയും ആ പട്ടികയിൽ ചേർത്തോളൂ. വളരെ പെട്ടെന്ന് കേടാകുന്ന ഒരു പച്ചക്കറിയാണ് തക്കാളി. കുറച്ചധികം തക്കാളി കിട്ടിയാൽ അവ നന്നായി കഴുകി തുടച്ചെടുക്കാം. നല്ലെണ്ണ ചേർത്ത് കുറുക്കി രുചികരമായ അച്ചാർ തയ്യാറാക്കാം. രമ്യ തൻ്റെ ഇൻസ്റ്റഗ്രാം പേജിലൂടെയാണ് തക്കാളി അച്ചാർ റെസിപ്പി പരിചയപ്പെടുത്തി തരുന്നത്. 

ചേരുവകള്‍

• വാളൻപുളി - 30 ഗ്രാം
• തക്കാളി- 1 കിലോ ഗ്രാം
• ഉലുവ - 1 ടീ സ്പൂണ്‍
• നല്ലെണ്ണ- 200 മില്ലി 
• കടുക് - 1 ടീസ്പൂണ്‍
• വെളുത്തുളളി- 10 അല്ലി
• കാശ്മീരി മുളകുപൊടി - 50 ഗ്രാം
• ഉപ്പ് - ആവശ്യത്തിന്
• കായപ്പൊടി- 1 ടീസ്പൂൺ

View this post on Instagram

A post shared by Bharathicooks ™ By Ramya (@bharathicooks)

തയ്യാറാക്കുന്ന വിധം

• പഴുത്ത തക്കാളി ഒരു കിലോ, 30 ഗ്രാം വരുന്ന വാളൻപുളി എന്നിവ ആവിയിൽ വേവിക്കാം.
• ഒരു പാൻ അടുപ്പിൽ വച്ച് ഉലുവയും കടുകും വറുത്തെടുക്കാം, അത് പൊടിച്ച് മാറ്റി വച്ചോളൂ.  
• വേവിച്ചെടുത്ത തക്കാളിയുടെ തൊലി കളഞ്ഞ് പുളി ചേർത്ത് അരച്ചെടുക്കാം.
• ഒരു പാൻ അടുപ്പിൽ വച്ച് ആവശ്യത്തിന് നല്ലെണ്ണ ഒഴിക്കാം.
• അതിലേക്ക് ഒരു ടീസ്പൂൺ കടുക് ചേർത്ത് പൊട്ടിക്കുക.
• ഇതിലേക്ക് 10 അല്ലി വെളുത്തുള്ളി കഷ്ണങ്ങളാക്കിയതു ചേർക്കാം.
• എരിവിനനുസരിച്ച് മുളകുപൊടി, ഒരു ടീസ്പൂൺ കായപ്പൊടി, ആവശ്യത്തിന് ഉപ്പ് എന്നിവ ചേർത്തിളക്കാം.
• അരച്ചെടുത്ത തക്കാളിയും ഉലുവയും കടുകും പൊടിച്ചതും ചേർത്തിളക്കി യോജിപ്പിക്കാം.
• എണ്ണ തെളിഞ്ഞു വരുമ്പോൾ അടുപ്പണയ്ക്കാം. ചൂടാറിയതിനു ശേഷം ഈർപ്പമില്ലാത്ത പാത്രത്തിലേക്കു മാറ്റി സൂക്ഷിക്കാം.

Read More

• ഇത്തിരി കുഞ്ഞൻ അമ്മിണി കൊഴുക്കട്ട രുചിയിൽ കേമനാണ്
• മുട്ടയും പഴവും ഉണ്ടെങ്കിൽ കായ്പോള തയ്യാറാക്കാൻ എന്തെളുപ്പം
• ഇതൽപ്പം വെറൈറ്റിയാണ് രുചികരവുമാണ്, അയലപ്പുട്ട് ഇനി താരമാകും
• അരിയും ഉഴുന്നും വേണ്ട, റവ ഉണ്ടെങ്കിൽ ദോശ ഇനി അടിപൊളിയാകും
• മലബാറിൻ്റെ രുചിക്കൂട്ടിൽ ഉന്നക്കായ
• പുട്ട് പഞ്ഞിപോലെ സോഫ്റ്റാകും ഇങ്ങനെ ചെയ്തു നോക്കൂ
• കൊതിയൂറും തേൻമിഠായി ഇനി മതിവരുവോളം കഴിച്ചോളൂ
• ഏത്തപ്പഴം ഉണ്ടോ? സിംപിൾ കുക്കർ കേക്ക് പരീക്ഷിച്ചോളൂ
• ഇതിലും എളുപ്പത്തിൽ മുട്ട പഫ്സ് വീട്ടിൽ തയ്യാറാക്കാൻ സാധിക്കില്ല
• സവാളയും ഗോതമ്പ് പൊടിയും ഉണ്ടെങ്കിൽ ബ്രേക്ക്ഫാസ്റ്റ് ഇനി സ്പെഷ്യലാകും
• മുട്ടയും ഓവനും ഇല്ലാതെ കിടിലൻ പ്ലം കേക്ക് തയ്യാറാക്കാം
• ജിലേബി തയ്യാറാക്കാൻ ദോശമാവ് മതി
• സിംപിളായിട്ട് ഒരു ഹെൽത്തി സ്നാക്ക്; മുട്ടയും ഗോതമ്പ് പൊടിയും മതിയാകും