മുട്ടയും പഴവും ഉണ്ടെങ്കിൽ കായ്പോള തയ്യാറാക്കാൻ എന്തെളുപ്പം

തലശ്ശേരി ബിരിയാണി മുതൽ ചട്ടിപത്തിരി വരെയുള്ള വ്യത്യസ്ത വിഭവങ്ങൾ കൊണ്ട് കൊതിപ്പിച്ച ചരിത്രമാണ് മലബാറിനുള്ളത്.  മലയാളികളുടെ നാവിൽ കൊതിവിരിയിക്കുന്ന ഒട്ടനവധി പലഹാരങ്ങളാണ് മലബാർ സ്പെഷ്യലായി ഉള്ളത്. മലബാറിൻ്റെ പെരുമയോടെ തിളങ്ങുന്ന പലഹാരങ്ങളിൽ ഒന്നാണ് കായ്പോള. കാഴ്ചയിൽ കേക്ക് എന്ന് തോന്നുമെങ്കിലും അതിലും രുചികരമാണ്. ആവിയിൽ വേവിച്ചെടുക്കുന്ന ആരോഗ്യപ്രദമായ പലഹാരമാണിത്. നേന്ത്രപ്പഴവും മുട്ടയുമാണ് പ്രധാന ചേരുവകൾ. ഇനി ചായക്കൊപ്പം കായ്പോള കഴിക്കാം, മതിവരുവോളം. മിസ്സിസ് മലബാർ എന്ന യൂട്യൂബ് ചാനലാണ് കായ്പോള തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• പഴം- 2
• മുട്ട- 4
• പഞ്ചസാര- 4 ടേബിൾസ്പൂൺ
• ഏലയ്ക്കപ്പൊടി-  1/2 ടീസ്പൂൺ
• ഉപ്പ്- ആവശ്യത്തിന്
• പാല്- 2 ടേബിൾ സ്പൂൺ
• നെയ്യ്- 2 ടേബിൾ സ്പൂൺ
• അണ്ടിപരിപ്പ്
• ഉണക്കമുന്തിരി

തയ്യാറാക്കുന്ന വിധം

• നേന്ത്രപ്പഴം ചെറിയ കഷ്ണങ്ങളായി മുറിക്കാം.
• ഒരു പാൻ അടുപ്പിൽ വച്ച് രണ്ട് ടേബിൾസ്പൂൺ നെയ്യ് ഒഴിച്ച് ചൂടാക്കുക.
• അതിലേക്ക് അണ്ടിപരിപ്പും മുന്തിരിയും ചേർത്ത് വറുത്ത് മാറ്റാം.
• ബാക്കി വന്ന നെയ്യിലേക്ക് പഴം അരിഞ്ഞു വച്ചത് ചേർത്ത് വേവിക്കാം.
• ഒരു മുട്ട പൊട്ടിച്ചതിലേക്ക്, അൽപ്പം ഉപ്പും, അര ടീസ്പൂൺ ഏലയ്ക്ക പൊടിച്ചതും, രണ്ട് രണ്ട് ടേബിൾസ്പൂൺ പാലും ഒഴിച്ച് നന്നായി പതഞ്ഞ് വരുന്നതു വരെ അരച്ചെടുക്കാം.
• വേവിച്ചെടുത്ത പഴത്തിലേക്ക് അരച്ചെടുത്ത മുട്ട ചേർക്കാം.
• അതിലേക്ക് അണ്ടിപരിപ്പും ഉണക്കമുന്തിരിയും ചേർത്തിളക്കി യോജിപ്പിക്കാം.
• അടി കട്ടിയുള്ള ഒരു പാൻ അടുപ്പിൽ വച്ച് ചൂടാക്കുക.
• അതിനു മുകളിലായി മുട്ടയും പഴവും ചേർത്ത മിശ്രിതത്തിൻ്റെ പാത്രം വയ്ക്കുക.
• അത് അടച്ചു വച്ച് 25 മിനിറ്റോളം കുറഞ്ഞ തീയിൽ വേവിക്കാം.
• ഇരുവശങ്ങളും വേവിച്ചെടുത്ത കായ്പോള, തണുത്തതിനു ശേഷം മുറിച്ച് കഴിക്കാം. 

Read More

• ഇതൽപ്പം വെറൈറ്റിയാണ് രുചികരവുമാണ്, അയലപ്പുട്ട് ഇനി താരമാകും
• അരിയും ഉഴുന്നും വേണ്ട, റവ ഉണ്ടെങ്കിൽ ദോശ ഇനി അടിപൊളിയാകും
• മലബാറിൻ്റെ രുചിക്കൂട്ടിൽ ഉന്നക്കായ
• പുട്ട് പഞ്ഞിപോലെ സോഫ്റ്റാകും ഇങ്ങനെ ചെയ്തു നോക്കൂ
• കൊതിയൂറും തേൻമിഠായി ഇനി മതിവരുവോളം കഴിച്ചോളൂ
• ഏത്തപ്പഴം ഉണ്ടോ? സിംപിൾ കുക്കർ കേക്ക് പരീക്ഷിച്ചോളൂ
• ഇതിലും എളുപ്പത്തിൽ മുട്ട പഫ്സ് വീട്ടിൽ തയ്യാറാക്കാൻ സാധിക്കില്ല
• സവാളയും ഗോതമ്പ് പൊടിയും ഉണ്ടെങ്കിൽ ബ്രേക്ക്ഫാസ്റ്റ് ഇനി സ്പെഷ്യലാകും
• മുട്ടയും ഓവനും ഇല്ലാതെ കിടിലൻ പ്ലം കേക്ക് തയ്യാറാക്കാം
• ജിലേബി തയ്യാറാക്കാൻ ദോശമാവ് മതി
• സിംപിളായിട്ട് ഒരു ഹെൽത്തി സ്നാക്ക്; മുട്ടയും ഗോതമ്പ് പൊടിയും മതിയാകും
• രുചിയിൽ കേമൻ ഈ ചൂര മീൻ അച്ചാർ
• ബീഫല്ല നല്ല ചൂടൻ മട്ടൺ സ്റ്റ്യൂ ആണ്