സിംപിളായിട്ട് ഒരു ഹെൽത്തി സ്നാക്ക്; മുട്ടയും ഗോതമ്പ് പൊടിയും മതിയാകും

സ്നാക്ക് ഹെൽത്തിയാകണം എന്നാൽ സിംപിൾ റെസിപ്പിയാകണം എന്നാണോ ആഗ്രഹം?. മടി പിടിച്ച ദിവസങ്ങളിൽ ഭക്ഷണ പരീക്ഷണങ്ങൾക്ക് മുതിരാൻ താല്പര്യമില്ലത്തവരാണെങ്കിൽ ട്രൈ ചെയ്യാൻ ഒരു കിടിലൻ റെസിപ്പിയുണ്ട്. ഒരു മുട്ടയും കുറച്ച് ഗോതമ്പ് പൊടിയും മതി. മജീദ തൻ്റെ ഇൻസ്റ്റഗ്രാം പേജിലൂടെയാണ് സ്നാക്ക് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• ഗോതമ്പ് പൊടി- 1 കപ്പ്
• ഉപ്പ്- ആവശ്യത്തിന്
• മുട്ട- 1
• വെള്ളം- 1 1/4 കപ്പ്
• അവൽ- 1/4 കപ്പ്
• ശർക്കരപ്പൊടി- ആവശ്യത്തിന്
• സേമിയ
• നെയ്യ്

View this post on Instagram

A post shared by Pepper hut (@pepper_huut)

തയ്യാറാക്കുന്ന വിധം

• ഒരു ബൗളിലേക്ക് അര കപ്പ് തേങ്ങ ചിരകിയതും അര കപ്പ് അവലും മധുരത്തിനനുസരിച്ച് ശർക്കരയും ചേർത്തിളക്കി യോജിപ്പിച്ച് വയ്ക്കാം.
• മറ്റൊരു ബൗളിൽ ഒരു കപ്പ് ഗോതമ്പ് പൊടിയും ആവശ്യത്തിന് ഉപ്പും ചേർത്തിളക്കാം.
• അതിലേക്ക് ഒരു മുട്ട പൊട്ടിച്ചൊഴിച്ച് ഒന്നേകാൽ കപ്പ് വെള്ളം ഒഴിച്ച് മാവ് തയ്യാറാക്കാം.
• ഒരു പാത്രത്തിൽ അൽപ്പം സേമിയ കൈ ഉപയോഗിച്ച് പൊടിച്ച് മാറ്റി വയ്ക്കാം.
• ഒരു പാൻ അടുപ്പിൽ വച്ച് അൽപ്പം നെയ്യ് ചേർത്ത് ചൂടാക്കാം.
• അതിലേക്ക് തയ്യാറാക്കിയ മാവിൽ നിന്ന് അൽപ്പം ഒഴിച്ച് ഇരുവശങ്ങളും ചുട്ടെടുക്കാം.
• ശേഷം അതിനുള്ളിൽ ശർക്കരയും തേങ്ങയും ചേർത്ത് മടക്കാം.
• ഒരു മുട്ട പൊട്ടിച്ചതിലും, സേമിയ പൊടിച്ചു വച്ചതിലും മുക്കിയെടുക്കാം.
• പാനിൽ കുറച്ചു കൂടി നെയ്യ് ഒഴിച്ച് വറുത്തെടുക്കാം. ചൂടോടെ തന്നെ കഴിച്ചു നോക്കൂ. 

Read More

• രുചിയിൽ കേമൻ ഈ ചൂര മീൻ അച്ചാർ
• ബീഫല്ല നല്ല ചൂടൻ മട്ടൺ സ്റ്റ്യൂ ആണ്
• ചായക്കടയിലെ വെട്ടു കേക്ക് വീട്ടിലുണ്ടാക്കാം
• കുനാഫ ഇനി ആർക്കും തയ്യാറാക്കാം, സിംപിളാണ് റെസിപ്പി
• ഫ്രഞ്ച് ഫ്രൈസ് അല്ല കായ വറുത്തെടുത്തതാണ്
• ചൈനീസ് ഭേൽ തയ്യാറാക്കാൻ ബാക്കി വന്ന ചപ്പാത്തി മതി
• എത്ര കഴിച്ചാലും മതിവരില്ല ഈ ചുവന്നുള്ളി ചമ്മന്തി
• മുട്ട പുഴുങ്ങാതെ കറി ഇനി ഇങ്ങനെ തയ്യാറാക്കി നോക്കൂ
• ഏത്തപ്പഴം ഇങ്ങനെ കഴിച്ചിട്ടുണ്ടാകില്ല, ട്രൈ ചെയ്തു നോക്കൂ
• പഞ്ഞി പോലെ സോഫ്റ്റായ റാഗി ദോശ ചുട്ടാലോ: Instant Ragi Dosa
• കോളിഫ്ലവർ മസാല ട്രൈ ചെയ്തോളൂ, ഇനി ചിക്കൻ കറി തയ്യാറാക്കി സമയം കളയേണ്ട