ഇത്തിരി കുഞ്ഞൻ അമ്മിണി കൊഴുക്കട്ട രുചിയിൽ കേമനാണ്

മലയാളികളുടെ ഇഷ്ടപ്പെട്ട പലഹാരങ്ങളിൽ ഒന്നാണ് കൊഴുക്കട്ട. വറുത്തെടുത്ത അരിപ്പൊടിയിൽ ശർക്കരയും തേങ്ങയും വച്ച് ഉരുട്ടി ആവിയിൽ വേവിച്ചെടുക്കുന്ന നല്ല ചൂടൻ കൊഴുക്കട്ട കഴിക്കേണ്ടതു തന്നെയാണ്. എന്നാൽ മധുരം ഇഷ്ടമില്ലാത്തവർക്ക് കഴിക്കാൻ ഇതേ കൊഴുക്കട്ടയുടെ ഒരു കുഞ്ഞൻ പതിപ്പുണ്ട്.  ആവിയിൽ വേവിച്ചെടുത്ത അമ്മിണി കൊഴുക്കട്ടയാണ് ഐറ്റം. അരിപ്പൊടി തന്നെയാണ് പ്രധാന ചേരുവ. എന്നാൽ മധുരത്തിന് പകരം അൽപ്പം സ്പൈസിയാണെന്നു മാത്രം. ഡോ.സ്വാതി റിജി തൻ്റെ ഇൻസ്റ്റഗ്രാം പേജിലൂടെയാണ് അമ്മിണി കൊഴുക്കട്ട തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• വെള്ളം- 1 3/4 കപ്പ്
• അരിപ്പൊടി- 1 കപ്പ്
• ഉപ്പ്- ആവശ്യത്തിന്
• വെളിച്ചെണ്ണ- 1 ടീസ്പൂൺ
• തേങ്ങ- 1/4 കപ്പ്
• ചുവന്നുള്ളി- 3 എണ്ണം
• പെരുംജീരകം- 1 നുള്ള്
• മഞ്ഞൾപ്പൊടി- 1/4 ടീസ്പൂൺ
• കടുക്- 1 ടീസ്പൂൺ
• വറ്റൽമുളക്- 3 എണ്ണം
• കറിവേപ്പില- 2 തണ്ട്

View this post on Instagram

A post shared by The Malabari Foodgasm (@themalabarifoodgasm)

തയ്യാറാക്കുന്ന വിധം

• ഒന്നേമുക്കാൽ കപ്പ് വെള്ളം ഒരു പാനിലെടുത്ത് അടുപ്പിൽ വച്ച് ചൂടാക്കാം.
• അതിലേക്ക് ആവശ്യത്തിന് ഉപ്പും ഒരു ടീസ്പൂൺ വെളിച്ചെണ്ണയും ചേർക്കാം.
• വെള്ളം ചൂടായി വരുമ്പോൾ ഒരു കപ്പ് അരിപ്പൊടി ചേർത്ത് ഇളക്കാം.
• വെള്ളം വറ്റി കഴിഞ്ഞ് അടുപ്പണച്ച് തണുക്കാൻ മാറ്റി വയ്ക്കാം.
• തണുത്തതിനു ശേഷം അരിപ്പൊടി ഉടച്ചെടുക്കാം.
• അവ ചെറിയ ഉരുളകളാക്കി മാറ്റാം. ആ ഉരുളകൾ ആവിയിൽ വേവിച്ചെടുത്തോളൂ.
• കാൽ കപ്പ് തേങ്ങ ചിരകിയതിലേക്ക്, മൂന്ന് ചുവന്നുള്ളിയും, ഒരു നുള്ള് പെരും ജീരകവും, കാൽ ടീസ്പൂൺ മഞ്ഞൾപ്പൊടിയും ചേർത്ത് അരയ്ക്കാം.
• ഒരു പാൻ അടുപ്പിൽ വച്ച് ആവശ്യത്തിന് വെളിച്ചെണ്ണ ഒഴിച്ചു ചൂടാക്കാം.​
• അതിലേക്ക് ഒരു ടീസ്പൂൺ കടുക് ചേർത്ത് പൊട്ടിക്കുക.
• 3 വറ്റൽമുളകും അരപ്പും ചേർത്തിളക്കുക.
• ഇതിലേക്ക് വേവിച്ച കൊഴുക്കട്ട ചേർത്തിളക്കി യോജിപ്പിക്കാം.
• കുറച്ച് കറിവേപ്പില കൂടി ചേർത്ത് അടുപ്പിൽ നിന്നും മാറ്റാം. അമ്മിണി കൊഴുക്കട്ട തയ്യാർ.

Read More

• മുട്ടയും പഴവും ഉണ്ടെങ്കിൽ കായ്പോള തയ്യാറാക്കാൻ എന്തെളുപ്പം
• ഇതൽപ്പം വെറൈറ്റിയാണ് രുചികരവുമാണ്, അയലപ്പുട്ട് ഇനി താരമാകും
• അരിയും ഉഴുന്നും വേണ്ട, റവ ഉണ്ടെങ്കിൽ ദോശ ഇനി അടിപൊളിയാകും
• മലബാറിൻ്റെ രുചിക്കൂട്ടിൽ ഉന്നക്കായ
• പുട്ട് പഞ്ഞിപോലെ സോഫ്റ്റാകും ഇങ്ങനെ ചെയ്തു നോക്കൂ
• കൊതിയൂറും തേൻമിഠായി ഇനി മതിവരുവോളം കഴിച്ചോളൂ
• ഏത്തപ്പഴം ഉണ്ടോ? സിംപിൾ കുക്കർ കേക്ക് പരീക്ഷിച്ചോളൂ
• ഇതിലും എളുപ്പത്തിൽ മുട്ട പഫ്സ് വീട്ടിൽ തയ്യാറാക്കാൻ സാധിക്കില്ല
• സവാളയും ഗോതമ്പ് പൊടിയും ഉണ്ടെങ്കിൽ ബ്രേക്ക്ഫാസ്റ്റ് ഇനി സ്പെഷ്യലാകും
• മുട്ടയും ഓവനും ഇല്ലാതെ കിടിലൻ പ്ലം കേക്ക് തയ്യാറാക്കാം
• ജിലേബി തയ്യാറാക്കാൻ ദോശമാവ് മതി
• സിംപിളായിട്ട് ഒരു ഹെൽത്തി സ്നാക്ക്; മുട്ടയും ഗോതമ്പ് പൊടിയും മതിയാകും
• രുചിയിൽ കേമൻ ഈ ചൂര മീൻ അച്ചാർ