പച്ചതക്കാളിയും ഉണക്ക ചെമ്മീനും ചേർന്നാൽ അടിപൊളി രുചിയാണ്

ചെമ്മീൻ കിട്ടിയാൽ ഇനി വെറുതെ കറി തയ്യാറാക്കി സമയം കളയേണ്ട. കുറച്ച് തേങ്ങാപ്പാൽ കൂടി ചേർത്ത് രുചികരമായ റോസ്റ്റ് റെഡിയാക്കിക്കോളൂ. അതിനൊപ്പം ഒരു പച്ചതക്കാളി കൂടി ചേർത്തു നോക്കൂ. എണ്ണ ചേർക്കാതെ വറുത്തെടുത്ത ചെമ്മീനിലേയ്ക്കാണ് തേങ്ങാപ്പാൽ ചേർക്കേണ്ടത്, കിടിലൻ​ രുചിയാണ്.  വളരെ കുറഞ്ഞ സമയം കൊണ്ട് തയ്യാറാക്കാവുന്ന വിഭവമാണിത്. കല തൻ്റെ ഇൻസ്റ്റഗ്രാം പേജിലൂടെയാണ്  ഈ സ്പെഷ്യൽ ചെമ്മീൻ കറി തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• പച്ചതക്കാളി
• മഞ്ഞൾപ്പൊടി
• ഉപ്പ്
• മുളകുപൊടി
• പച്ചമുളക് ചുവന്നുള്ളി
• തേങ്ങ
• ചെമ്മീൻ
• കടുക്
• വറ്റൽമുളക്
• കറിവേപ്പില

View this post on Instagram

A post shared by Through Kala’s Window (@sasikalaullas)

തയ്യാറാക്കുന്ന വിധം

• അടി കട്ടിയുള്ള ഒരു പാത്രം അടുപ്പിൽ വച്ച് ചൂടാക്കാം.
• അതിലേയ്ക്ക് പച്ചതക്കാളി ചെറിയ കഷ്ണങ്ങളാക്കി ചേർക്കാം.
• ഒരു നുള്ള് മഞ്ഞൾപ്പൊടി, ആവശ്യത്തിന് ഉപ്പ്, മുളകുപൊടി എന്നിവ‌യ്‌ക്കൊപ്പം അര ഗ്ലാസ് വെള്ളം കൂടി ചേർത്ത് അടച്ചു വച്ച് വേവിക്കാം.
• ഇതേ സമയം തേങ്ങ ചിരകിയതിലേയ്ക്ക് ചുവന്നുള്ളി, പച്ചമുളക് ഉപ്പ് എന്നിവ ചേർത്ത് അരയ്ക്കാം.
• തക്കാളി വെന്തതിലേയ്ക്ക് ഈ അരപ്പ് ചേർത്തിളക്കാം.
• മറ്റൊരു പാനിലേയ്ക്ക് ചെമ്മീൻ ചേർത്തു വറുക്കാം.
• തിളച്ചു വരുന്ന കറിയിലേയ്ക്ക് ചെമ്മീൻ ചേർക്കാം.
• കറി കുറുകി വരുമ്പോൾ എണ്ണയിൽ വറുത്തെടുത്ത കടുക്, വറ്റൽമുളക്, കറിവേപ്പില എന്നിവ ചേർത്തിളക്കി യോജിപ്പിക്കാം.
• ചൂടോടെ ചോറിനൊപ്പം കഴിച്ചു നോക്കൂ.

Read More

• റോൾ മുതൽ കേക്ക് വരെ; ബ്രെഡ് മാത്രം മതി ഈ വിഭവങ്ങൾ തയ്യാറാക്കാൻ
• കട്ലറ്റും ജ്യൂസും മാത്രമല്ല, ബീറ്റ്റൂട്ട് താരമായ കറികളും സ്നാക്കും ഇവയാണ്
• അരിയും ഉഴുന്നും വേണ്ട, ദോശ ഇൻസ്റ്റൻ്റായി ചുട്ടെടുക്കാൻ വഴിയുണ്ട്: Kerala Style Besan Carrot Dosa
• മീൻ കറി സ്പെഷ്യലാക്കാം, ഈ ചേരുവകൾ കൂടി ചേർത്തോളൂ: Kerala Style Tomato Fish Curry Recipe
• ചോറ് ബാക്കി വന്നാൽ ഇങ്ങനെ ചെയ്തു നോക്കൂ: Shrimp Fried Rice Recipe Kerala Style
• കുട്ടനാടൻ ഞണ്ട് കറിയും നല്ല സോഫ്റ്റ് അപ്പവും, ഇന്ന് തന്നെ ട്രൈ ചെയ്യൂ: Appam And Crab Masala
• കോഴിക്കറി ഇനി മിനിറ്റുകൾക്കുള്ളിൽ തയ്യാറാക്കാം, ഒരു കിടിലൻ വിദ്യയുണ്ട്: Kerala Style Chicken Curry Recipe