മീൻ കറി സ്പെഷ്യലാക്കാം, ഈ ചേരുവകൾ കൂടി ചേർത്തോളൂ: Kerala Style Tomato Fish Curry Recipe

Tomato Fish Curry Recipe: മീൻ കറിയ്ക്കു പേരു കേട്ട നാടാണ് കേരളം. വ്യത്യസ്ത രുചിയിൽ കൊതിയൂറുന്ന കറികൾ പ്രാദേശികമായി ഇവിടെ നിലവിലുണ്ട്. കുടംപുളിയിട്ട് കോട്ടയം സ്പെഷ്യൽ മുതൽ തിരുവന്തപുരംകാരുടെ വാളൻപുളി മീൻ കറി വരെ രുചിയിൽ മുന്നിട്ടു നിൽക്കുന്നു. ചേരുവകളിൽ തന്നെ വ്യത്യാസം വരുത്ത് തേങ്ങാപ്പാൽ ചേർത്തും തക്കാളി ചേർത്തു ഈ കറികൾ കൂടുതൽ രുചികരമാക്കാൻ സാധിക്കും. ഇനി നല്ല ഫ്രെഷ് മീൻ കിട്ടിയാൽ അങ്ങനെയൊരു വെറൈറ്റി കറി ട്രൈ ചെയ്യൂ.

Kerala Style Tomato Fish Curry Recipe: ചേരുവകൾ

• മീൻ- 1 കിലോ
• പച്ചതക്കാളി- 2 എണ്ണം
• ഇഞ്ചി- ആവശ്യത്തിന്
• ചുവന്നുള്ളി- 3 
• പച്ചമുളക്- 6
• കറിവേപ്പില- ആവശ്യത്തിന്
• തേങ്ങ- ആവശ്യത്തിന്
• മല്ലിപ്പൊടി- 1 ടേബിൾസ്പൂൺ
• മുളകുപൊടി- 1 ടേബിൾസ്പൂൺ
• മഞ്ഞൾപ്പൊടി- 1/4 ടേബിൾസ്പൂൺ
• ഉലുവപ്പൊടി- 1/4 ടീസ്പൂൺ
• വെളിച്ചെണ്ണ- ആവശ്യത്തിന്
• ഉപ്പ്- ആവശ്യത്തിന്

തയ്യാറാക്കുന്ന വിധം

• ഇഞ്ചി, ചുവന്നുള്ളി, രണ്ട് പച്ചമുളക്, കറിവേപ്പില ഒരു തണ്ട്, മല്ലിപ്പൊടി, മുളകുപൊടി, മഞ്ഞൾപ്പൊടി, ഉലുവപ്പൊടി, ഒപ്പം ചിരകിയ തേങ്ങയും ചേർത്ത് അരയ്ക്കാം.
• ആവശ്യത്തിന് വെള്ളവും ഇതിലേയ്ക്ക് ഒഴിക്കാം.
• അടികട്ടിയുള്ള ഒരു പാത്രം അടുപ്പിൽ വച്ച് മീൻ കഷ്ണങ്ങൾ അതിലേയ്ക്കു മാറ്റാം.
• അരപ്പ് ചേർത്ത് ഇളക്കി യോജിപ്പിക്കാം.
• ആവശ്യത്തിന് വെള്ളവും ഒഴിക്കാം.
• കറി തിളയ്ക്കുമ്പോൾ പച്ചതക്കാളി ചെറിയ കഷ്ണങ്ങളാക്കിയതും ഒരു തണ്ട് കറിവേപ്പിലയും ചേർത്ത് അടച്ചു വയ്ക്കാം. ഇടയ്ക്ക് ഇളക്കി കൊടുക്കുക.
• കറി കുറുകി വരുമ്പോൾ അൽപം വെളിച്ചെണ്ണ ഒഴിച്ച് അടുപ്പണയ്ക്കാം. ശേഷം ചൂടോടെ വിളമ്പി കഴിച്ചു നോക്കൂ.

Read More

• ചോറ് ബാക്കി വന്നാൽ ഇങ്ങനെ ചെയ്തു നോക്കൂ: Shrimp Fried Rice Recipe Kerala Style
• കുട്ടനാടൻ ഞണ്ട് കറിയും നല്ല സോഫ്റ്റ് അപ്പവും, ഇന്ന് തന്നെ ട്രൈ ചെയ്യൂ: Appam And Crab Masala
• ചൂടൻ അപ്പത്തിന് നാടൻ മട്ടൺ സ്റ്റ്യൂ, ഇതാ ഒരു സിംപിൾ റെസിപ്പി: Kerala Style Mutton Stew Recipe
• ഈ പിസ്സ തയ്യാറാക്കാൻ ഓവൻ വേണ്ട
• ഫ്രൈഡ് ചിക്കൻ കൊറിയൻ സ്റ്റൈലിൽ
• റവ ഇല്ലെങ്കിലും ഉപ്പുമാവ് തയ്യാറാക്കാം, മുട്ടയും ബ്രെഡും മതി