മൂന്നു ചേരുവകൾ കൊണ്ട് തയ്യാറാക്കാം കലാഖണ്ട്

പാൽ പിരിഞ്ഞു പോയാൽ എന്തു ചെയ്യും?. ഇനി അതോർത്ത് വിഷമിക്കേണ്ട പിരിഞ്ഞു പോയ പാൽ പനീറാക്കിയാൽ അടിപൊളി മധുരപലഹാരം വീട്ടിൽ തന്നെ തയ്യാറാക്കാം. സ്കൂൾ തുറന്നു കഴിഞ്ഞ് ഏറ്റവും അധികം പ്രയാസപ്പെടുന്നത് വൈകിട്ട് കുട്ടികൾക്ക് കൊടുക്കനുള്ള സ്നാക്കിൻ്റെ കാര്യത്തിലാണ്. എല്ലായിപ്പോഴും കടയിൽ നിന്നും പലഹാരങ്ങൾ വാങ്ങാൻ പറ്റിയെന്നു വരില്ല. പനീർ ഉപയോഗിച്ചുള്ള ഈ പലഹാരം അത്തരം സാഹചര്യങ്ങളിലും ഉപകരിക്കും എന്നതിൽ സംശയമില്ല. കലാഖണ്ട് എന്നാണ് ഇതിൻ്റെ പേര്. ഇന്ത്യയിലും പാകിസ്താനിലും പ്രചാരത്തിലുള്ള ഒന്നാണിത്. ഇന്ത്യയിൽ പ്രധാനമായും ഝാർഖണ്ട്, ഒറീസ്സ, ബംഗാൾ എന്നിവിടങ്ങളിൽ കലാഖണ്ട് പ്രസിദ്ധമാണ്. ഇതിലെ പ്രധാന ചേരുവ പനീറാണ്. വെറും മൂന്നു ചേരുവകൾ കൊണ്ട് തയ്യാറാക്കാവുന്ന രുചികരമായ പലഹാരമാണിത്. ഷമീസ് കിച്ചൺ എന്ന ഇൻസ്റ്റഗ്രാം പേജാണ് കലാഖണ്ട് തയ്യാറാക്കുന്ന വിധം പരിചയപ്പെടുത്തി തരുന്നത്. 

ചേരുവകൾ

• പാൽ 
• വിനാഗിരി അല്ലെങ്കിൽ നാരങ്ങ 
• പഞ്ചസാര 

View this post on Instagram

A post shared by Shamees Kitchen (@shamees_kitchen)

തയ്യാറാക്കുന്ന  വിധം

• അടികട്ടിയുള്ള പാത്രം അടുപ്പിൽ വെച്ച് മീഡിയം തീയിൽ ഒന്നര ലിറ്റർ പാൽ തിളപ്പിക്കുക. അതിലേയ്ക്ക് അൽപ്പം വിനാഗിരിയോ നാരങ്ങാനീരോ ചേർത്തിളക്കി പനീർ തയ്യാറാക്കുക.
• ശേഷം വെള്ളം അരിച്ച് പനീർ മാറ്റി വെയ്ക്കുക.
• അടി കട്ടിയുള്ള മറ്റൊരു പാത്രം അടുപ്പിൽ വെച്ച് അര ലിറ്റർ പാൽ അടുപ്പിൽ വെച്ച് കുറുകി വരുമ്പോൾ മധുരത്തിനാവശ്യമായ പഞ്ചസാര ചേർത്തിളക്കുക.
• മാറ്റി വെച്ചിരിക്കുന്ന പനീർ കൂടി ചേർത്തി നന്നായി ഇളക്കുക.
• വെള്ളം വറ്റി കട്ടിയാകുമ്പോൾ അടുപ്പണച്ച് ഇഷ്ട്ടമുള്ള പാത്രത്തിലേയ്ക്ക് സെറ്റാകാൻ മാറ്റി വെയ്ക്കുക.
• തണുത്തതിനു ശേഷം ഇഷ്ടാനുസരണം മുറിച്ചു കഴിക്കാം. ആവശ്യമെങ്കിൽ അണ്ടിപരിപ്പോ, ബദാമോ ചേർക്കാം.

Read More

• ജാൻവി കപൂറിനു പ്രിയപ്പെട്ട പരിപ്പു കറി, തയ്യാറാക്കുന്നത് ഇങ്ങനെയാണ്
• രുചികരവും ആരോഗ്യപ്രദവുമായ റാഗി ഹൽവ, തയ്യാറാക്കാൻ​ വളരെ എളുപ്പം
• ചോറിനൊപ്പം നാടൻ മുരിങ്ങയില കറിയും, തയ്യാറാക്കി നോക്കൂ
• ചിക്കൻ 65 വരെ മാറി നിൽക്കും ഈ കൂൺ വിഭവത്തിനു മുന്നിൽ
• ഇനി ബീറ്റ്റൂട്ട് തോരൻ ഇങ്ങനെ തയ്യാറാക്കി നോക്കൂ, ഒരു ഹെൽത്തി റെസിപ്പി
• മൂന്നു ചേരുവകൾ കൊണ്ട് മൂന്നു മിനിറ്റിൽ സ്നാക്ക് റെഡി, ട്രൈ ചെയ്യൂ
• അച്ചാർ തയ്യാറാക്കാം 5 മിനിറ്റിൽ, ഇതാ ഒരു ഇൻസ്റ്റൻ്റ് റെസിപ്പി
• ചെറുപയർ ഉണ്ടോ? എങ്കിൽ ദോശ ഇങ്ങനെ തയ്യാറാക്കൂ
• പഴമയുടെ രുചിയിൽ ഒരൽപ്പം പഴം നുറുക്ക് തയ്യാറാക്കി നോക്കൂ