പഴമയുടെ രുചിക്കൂട്ടിൽ പഴം നുറുക്ക് തയ്യാറാക്കി നോക്കൂ

കേരളത്തിൻ്റെ തനതു വിഭവമാണ് പഴം നുറുക്ക്. നാളികേരം ധാരാളം ലഭിച്ചിരുന്ന കാലങ്ങളിൽ അടുക്കളയിലെ സ്ഥിരം സാന്നിധ്യമായിരുന്നു ഇത്. അക്കാലത്തെ ഓണം വിഷു മുതലായ ആഘോഷ വേളകളുടെ ഭാഗമായിരുന്നു പഴം നുറുക്ക്. പഴവും, ശർക്കരയും, തേങ്ങയുമാണ് ഇതിലെ പ്രധാന ചേരുവകൾ. പഴം നുറുക്കിയതിലേയ്ക്കു പപ്പടം കൂടി പൊടിച്ചു ചേർത്താണ് കഴിക്കേണ്ടത്. ബാല്യകാല സ്മരണകളിലേയ്ക്കു കൊണ്ടു പോകുന്ന ഈ പഴം നുറുക്ക് തയ്യാറാക്കി നോക്കിയാലോ. വില്ലേജ് കുക്കിങ്ങ്സ് എന്ന ഇൻസ്റ്റഗ്രാം പേജാണ് ഇതിൻ്റെ റെസിപ്പി പരിചയപ്പെടുത്തി തരുന്നത്. 

ചേരുവകൾ

• പഴം
• ശർക്കര
• തേങ്ങ
• നെയ്യ്
• വെള്ളം
• പഞ്ചസാര
• ഏലയ്ക്ക
• എള്ള്
• പപ്പടം

View this post on Instagram

A post shared by Village Cookings (@villagecookings)

തയ്യാറാക്കുന്ന വിധം

• ഒരു പാൻ അടുപ്പിൽ വെച്ച് വെള്ളം ചൂടാക്കി ശർക്കര അലിയിച്ചു മാറ്റി വെയ്ക്കുക.
• മറ്റൊരു പാൻ അടുപ്പിൽ വെച്ച് അൽപ്പം നെയ്യൊഴിച്ച് ചൂടാക്കി രണ്ടോ മൂന്നോ പഴം ചേർത്ത് വേവിക്കുക.
• ശേഷം തയ്യാറാക്കിയ ശർക്കര ലായനി അരിച്ചു വെച്ചത് ഒരു കപ്പ്  കൂടി ചേർത്തിളക്കുക.
• അൽപ്പം സമയത്തിനു ശേഷം ഒരു കപ്പ് തേങ്ങ ചിരകിയതും ഒരു ടീസ്പൂൺ എള്ളും കൂടി ചേർക്കുക.
• ശർക്കരയും പഞ്ചസാരയും പൊടിച്ചതു കൂടി ചേർത്ത്  ശർക്കര ലായനി കട്ടിയാകുന്നതു വരെ ഇളക്കുക. 
• ശേഷം അടുപ്പിൽ നിന്നും മാറ്റി വെയ്ക്കുക. ഇതിനു മുകളിൽ  ഒരു പപ്പടം പൊടിച്ചതു കൂടി ചേർത്ത് ചൂടോടെ  കഴിക്കാം.

Read More

• മധുരവും പുളിയും ചേർന്ന മാംഗോ സൽസ, തയ്യാറാക്കി നോക്കൂ
• ക്രിസ്പ്പിയായിട്ടുള്ള ഫ്രഞ്ച് ഫ്രൈസ് വേണോ? ഇങ്ങനെ തയ്യാറാക്കി നോക്കൂ
• ഇഡ്ഡലി മാവ് കൊണ്ട് ഇനി ഇങ്ങനെ തയ്യാറാക്കി നോക്കൂ
• റവയും മുട്ടയും ചേർന്നാൽ മിനിറ്റുകൾക്കുള്ളിൽ സ്നാക്ക് റെഡി
• രുചികരമായ ഉണ്ണിയപ്പം ചക്കപ്പഴം കൊണ്ട് തയ്യാറാക്കാം
• ചൂടുപിടിച്ച ചർച്ചകൾക്കിടയിൽ ക്ഷീണമകറ്റാൻ പച്ചമാങ്ങ സംഭാരം ട്രൈ ചെയ്യൂ
• ഓവൻ്റെ ആവശ്യമില്ല, ഓറഞ്ച് കേക്ക് തയ്യാറാക്കാം 10 മിനിറ്റിൽ