ചിക്കൻ 65 വരെ മാറി നിൽക്കും ഈ കൂൺ വിഭവത്തിനു മുന്നിൽ

കോഴിയിറച്ചി ഉപേക്ഷിച്ചു കഴിഞ്ഞാൽ അതേ രുചിയിൽ എന്താണ് കഴിക്കാനുള്ളത് എന്ന് ചിന്തിച്ചിട്ടുണ്ടോ. എങ്കിൽ ഒരു മികച്ച ഓപ്ഷനാണ് കൂൺ. ഭക്ഷണയോഗ്യമായ കൂണുകൾ വളരെ കുറവാണ്. ധാരാളം ആൻ്റി ഓക്സിഡൻ്റുകളും, അമിനോ ആസിഡുകളും, പ്രോട്ടീനും ഇതിൽ അടങ്ങിയിട്ടുണ്ട്. ഇവ രോഗപ്രതിരോധ ശേഷി വർദ്ധിപ്പിച്ച് അണുബാധയിൽ നിന്നും മറ്റും സംരക്ഷണം നൽകുന്നു. കൂണിൽ അടങ്ങിയിരിക്കുന്ന നാരുകൾ, വൈറ്റമിൻ സി എന്നിവ ഹൃദയാരോഗ്യത്തിന് നല്ലതാണ്. അതുപോലെ രക്തത്തിലെ പഞ്ചസാരയുടെ അളവ് നിയന്ത്രിക്കുന്നതിന് നാരുകളുടെ സാന്നിധ്യം സഹായിക്കും. എല്ലുകളുടെ ആരോഗ്യം മെച്ചപ്പെടുത്തുന്നതിന് ആവശ്യമായ വൈറ്റമിൻ ഡിയും, കാൽസ്യവും കൂണിലുണ്ട്. കൂൺ വ്യത്യസ്ത തരത്തിൽ തയ്യാറാക്കാൻ സാധിക്കും. ചിക്കൻ 65 തയ്യാറാക്കുന്ന അതേ രീതിയിൽ, രുചിയോടെ കൂൺ ഇനി തയ്യാറാക്കി നോക്കൂ. ഹഗ്രി സാപ്പിയൻസ് എന്ന ഇൻസ്റ്റഗ്രാം പേജാണ് ഈ കൂൺ 65 റെസിപ്പി പരിചയപ്പെടുത്തി തരുന്നത്. 

ചേരുവകൾ

• കൂൺ
• തൈര്
• ഇഞ്ചി
• വെളുത്തുള്ളി
• കാശ്മീരി മുളകുപൊടി
• മുളകുപൊടി
• ജീരകപ്പൊടി
• മല്ലിപ്പൊടി
• കോൺഫ്ലോർ
• അരിപ്പൊടി
• കറിവേപ്പില
• ഉപ്പ്
• സോയസോസ്
• തക്കാളിസോസ്
• വിനാഗിരി
• വെള്ളം

View this post on Instagram

A post shared by Shibangee Ghosh (@hungry_sapiens)

തയ്യാറാക്കുന്ന വിധം

• ആവശ്യത്തിന് കൂൺ നടുവെ മുറിച്ച് വെച്ചതിലേയ്ക്ക് ഇഞ്ചി വെളുത്തുള്ളി പച്ചമുളക് എന്നിവ അരച്ച പേസ്റ്റ് രണ്ടോ മൂന്നോ  ടീസ്പൂൺ ചേർക്കുക.
• ഒപ്പം അര ടീസ്പൂൺ മുളകുപൊടി, ഒരു ടീസ്പൂൺ കാശ്മീരി മുളകുപൊടി, അര ടീസ്പൂൺ വറുത്ത ജീരകപ്പൊടി, അര ടീസ്പൂൺ മല്ലിപ്പൊടി, രണ്ടോ മൂന്നോ ടീസ്പൂൺ കോൺഫ്ലോർ, അരിപ്പൊടി, ആവശ്യത്തിന് ഉപ്പ് എന്നിവ ചേർത്ത് ഇളക്കുക.
• അടികട്ടിയുള്ള  പാത്രം അടുപ്പിൽ വെച്ച് എണ്ണയൊഴിച്ച് ചൂടാക്കി കൂൺ വറുത്ത് മാറ്റി വെയ്ക്കുക.
• ശേഷം അൽപ്പം കറിവേപ്പില, ഒരു ടീസ്പൂൺ ഇഞ്ചി ചെറുതായ് ചതച്ചത് ഒരു ടീസ്പൂൺ, വെളുത്തുള്ളി ചതച്ചത് രണ്ട് ടീസ്പൂൺ, ഒന്നോ രണ്ടോ പച്ചമുളക് അരിഞ്ഞത്, അര ടീസ്പൂൺ സോയസോസ്, ഒരു ടീസ്പൂൺ തക്കാളി സോസ്, അര ടീസ്പൂൺ വിനാഗിരി എന്നിവ ചേർത്തിളക്കുക. അതിലേയ്ക്ക് വേവിച്ചു വെച്ചിരിക്കുന്ന കൂൺ ചേർത്ത് ഒരിക്കൽ കൂടി വറുത്തെടുക്കുക. 

Read More

• ഇനി ബീറ്റ്റൂട്ട് തോരൻ ഇങ്ങനെ തയ്യാറാക്കി നോക്കൂ, ഒരു ഹെൽത്തി റെസിപ്പി
• പ്രമേഹമുള്ളവർ കൂൺ കഴിക്കാമോ?
• അവോക്കാഡോ, കൂൺ തുടങ്ങിയ ഭക്ഷണങ്ങൾ പ്രോട്ടീന്റെ മികച്ച ഉറവിടമാണോ?
• മൂന്നു ചേരുവകൾ കൊണ്ട് മൂന്നു മിനിറ്റിൽ സ്നാക്ക് റെഡി, ട്രൈ ചെയ്യൂ
• അച്ചാർ തയ്യാറാക്കാം 5 മിനിറ്റിൽ, ഇതാ ഒരു ഇൻസ്റ്റൻ്റ് റെസിപ്പി
• ചെറുപയർ ഉണ്ടോ? എങ്കിൽ ദോശ ഇങ്ങനെ തയ്യാറാക്കൂ
• പഴമയുടെ രുചിയിൽ ഒരൽപ്പം പഴം നുറുക്ക് തയ്യാറാക്കി നോക്കൂ
• മധുരവും പുളിയും ചേർന്ന മാംഗോ സൽസ, തയ്യാറാക്കി നോക്കൂ
• ക്രിസ്പ്പിയായിട്ടുള്ള ഫ്രഞ്ച് ഫ്രൈസ് വേണോ? ഇങ്ങനെ തയ്യാറാക്കി നോക്കൂ