സോഫ്റ്റ് ദോശയോ ചപ്പാത്തിയോ ആകട്ടെ, ഈ വെജ് ചിക്കൻ ഫ്രൈയോടൊപ്പം കഴിക്കാം

നോൺ വെജ് ഭക്ഷണങ്ങളോട് ഏറെ പ്രിയമുള്ളവരുണ്ടോ? സ്റ്റിർ ഫ്രൈ ചെയ്തെടുത്ത ചിക്കനും നല്ല ചൂടൻ ചപ്പാത്തിയും കഴിക്കുന്നത് ഓർത്താൽ തന്നെ കൊതിവരും. എന്നാൽ എപ്പോഴും അത് കിട്ടില്ല. പകരം അതേ രുചിയിൽ മറ്റൊരു ഐറ്റം ട്രൈ ചെയ്യാം. ചിക്കൻ വിഭവങ്ങളോട് പോരടിച്ചു നിൽക്കാൻ ഉപയോഗിക്കുന്ന സോയ തന്നെ ഇതിലും താരം. ചിക്കൻ ഫ്രൈയുടെ അതേ രുചിയിൽ സോയ തയ്യാറാക്കാം. ഇനി വെജിറ്റേറിയനായാലും നോൺ വെജ് പ്രിയരായാലും ഇത് കഴിക്കാൻ കൊതിക്കും. ശ്വേത തൻ്റെ ഇൻസ്റ്റഗ്രാം പേജിലൂടെയാണ് ഇത് തയ്യാറാക്കുന്ന വിധം പരിചയപ്പെടുത്തി തരുന്നത്.

ചേരുവകൾ

• സോയ
• ജീരകം
• കുരുമുളക്
• മല്ലി
• കറുവാപ്പട്ട
• വറ്റൽമുളക്
• ചുക്ക്
• വെളിച്ചെണ്ണ
• ചുവന്നുള്ളി
• കറിവേപ്പില
• കാശ്മീരി മുളകുപൊടി
• മഞ്ഞൾപ്പൊടി
• മല്ലിപ്പൊടി
• ഉപ്പ്
• വെളുത്തുള്ളി
• ഇഞ്ചി

View this post on Instagram

A post shared by Kuralarasi/swetha (@myselftime_87)

തയ്യാറാക്കുന്ന വിധം

• ഒരു പാത്രത്തിൽ വെള്ളമെടുത്ത് അടുപ്പിൽ വച്ചു തിളപ്പിക്കാം.
• അതിലയ്ക്ക് സോയ നന്നായി കഴുകിയെടുത്തതു ചേർക്കാം.
• വെള്ളം നന്നായി തിളച്ച് സോയ സോഫ്റ്റായി വരുന്നതു വരെ കാത്തിരിക്കാം.
• ശേഷം അടുപ്പണച്ച് തണുക്കാൻ മാറ്റി വയ്ക്കാം.
• മറ്റൊരു പാനിൽ ജീരകം, കറുവാപ്പട്ട, മല്ലി, വറ്റൽമുളക്, ചുക്ക്, എന്നിവ ചേർത്തു വറുക്കാം.
• ഇത് മിക്സിയിലിട്ട് പൊടിച്ചെടുക്കാം.
• അതേ പാനിലേയ്ക്ക് എണ്ണ ഒഴിക്കാം. ചൂടാകുമ്പോൾ ജീരകം ചേർക്കാം.
• അതിലേയ്ക്ക് വറ്റൽമുളകും കറിവേപ്പിലയും ചേർത്തു വറുക്കാം. ശേഷം ചെറുതായി അരിഞ്ഞ ചുവന്നുള്ളി ചേർത്തു വഴറ്റാം.
• ചുവന്നുള്ളിയുടെ നിറം ഇളം ബ്രൗൺ നിറമാകുമ്പോൾ കാശ്മീരിമുളകുപൊടി, മഞ്ഞൾപ്പൊടി, മല്ലിപ്പൊടി എന്നിവ ചേർത്തിളക്കി യോജിപ്പിക്കാം.
• വേവിച്ച സോയ കൂടി ചേർത്തു യോജിപ്പിക്കാം.
• ഇഞ്ചിയും വെളുത്തുള്ളിയും അരച്ചെടുത്തും പൊടിച്ചെടുത്ത ഗരംമസാലയും ചേർത്ത് നന്നായി ഇളക്കാം.
• കുറച്ച് വെള്ളം ഇതിലേയ്ക്ക് ഒഴിച്ച് അടച്ചു വച്ച് വേവിക്കാം.
• വെള്ളം വറ്റി നന്നായി വെന്തു കഴിയുമ്പോൾ അടുപ്പണയ്ക്കാം.
• ഇത് ചൂടോടെ ചപ്പാത്തിയോടൊപ്പമോ ദോശയ്‌‌‌‌‌‌‌‌‌‌‌‌ക്കൊപ്പമോ കഴിച്ചു നോക്കൂ. 

Read More:

• 90കളിലെ പ്രിയപ്പെട്ട തേൻ മിഠായി ഇനി കൊതി തീരുവോളം കഴിക്കാം, ഇതാണ് റെസിപ്പി
• ഇനി കടലക്കറി ഉണ്ടാക്കി സമയം കളയേണ്ട, പുട്ട് രുചികരമാക്കാൻ ഒരു നുറുങ്ങു വിദ്യയുണ്ട്
• വേവിച്ച ചോറ് ബാക്കിയുണ്ടോ? ഈ കണ്ണൂരപ്പം തയ്യാറാക്കി നോക്കൂ
• മാവ് കൈകൊണ്ട് കുഴച്ചെടുക്കേണ്ട, ഇടിയപ്പം സോഫ്റ്റായി തയ്യാറാക്കാം ഇങ്ങനെ
• പച്ചക്കറികൾ തീർന്നു പോയോ? എങ്കിൽ ഉച്ചയൂണിന് ഈ നോർത്തിന്ത്യൻ റെസിപ്പി ട്രൈ ചെയ്യൂ
• ഒരു കപ്പ് ചെറുപയർ മതി, ഊർജ്ജവും ഉന്മേഷവും നേടാൻ ഒരു ഹെൽത്തി ഡ്രിങ്ക് തയ്യാറാക്കാം
• സൗത്തിന്ത്യൻ ബിരിയാണി മാത്രമല്ല ഈ ബണ്ണും സ്പെഷ്യലാണ്, കഴിച്ചു നോക്കൂ
• ചപ്പാത്തിയോ പാലപ്പമോ ഏതുമാകട്ടെ, ഇനി ഒരു തവണ​ ഈ ഗ്രീൻ ബീൻസ് കറി ട്രൈ ചെയ്തു നോക്കൂ
• തലശ്ശേരി മൊഞ്ചുള്ള മുട്ടസുർക്കയുടെ ചേരുവകൾ ഇവയാണ്