ഉച്ചയൂണിന് വെള്ളരിക്ക കറി ഒരു തവണ ഇങ്ങനെ തയ്യാറാക്കാം, സിംപിളാണ് രുചികരമാണ്

കടുക് വറുത്ത് തേങ്ങ അരച്ചു ചേർത്തു തയ്യാറാക്കുന്ന സ്ഥിരം വെള്ളരിക്ക കറി മലയാളികൾക്ക് സുപരിചിതമായിരിക്കും. എന്നാൽ അത് പാകം ചെയ്തെടുക്കാൻ അധിക സമയം വേണ്ടി വരും. ഇനി ഒരിക്കലെങ്കിലും വെള്ളരി കിട്ടിയാൽ ആന്ധ്രാ സ്റ്റൈലിൽ വെള്ളരിക്ക കറി വച്ചു നോക്കൂ. അധികം ചാറില്ലാതെ കുറുകിയ പ്രകൃതമായതിനാൽ ചോറിനും ചപ്പാത്തിക്കുമൊപ്പം ഇത് കഴിക്കാം.

ചേരുവകൾ

• വെള്ളരി- 11/2 കപ്പ്
• ഉള്ളി- 3/4 കപ്പ്
• തക്കാളി- 1/2 കപ്പ്
• മല്ലിയില- 1 ടേബിൾസ്പൂൺ
• പച്ചമുളക്- 1
• വെളിച്ചെണ്ണ- 1 1/2 ടേബിൾസ്പൂൺ
• കടുക്- 1/4 ടേബിൾസ്പൂൺ
• കറിവേപ്പില- 1 തണ്ട്
• ജീരകം- 1/2 ടേബിൾസ്പൂൺ
• ഉഴുന്നു പരിപ്പ്- 1/2 ടേബിൾസ്പൂൺ
• കടലപരിപ്പ്- 1/2 ടേബിൾസ്പൂൺ
• മുളകുപൊടി-1/2 ടേബിൾസ്പൂൺ
• ഉപ്പ്- ആവശ്യത്തിന്
• മഞ്ഞൾപ്പൊടി- ആവശ്യത്തിന്

തയ്യാറാക്കുന്ന വിധം

• വെള്ളരിക്ക നന്നായി കഴുകി ചെറിയ കഷ്ണങ്ങളായി മുറിച്ചെടുക്കാം.
• ഒരു പാൻ അടുപ്പിൽ വച്ചു ചൂടാക്കി എണ്ണ ഒഴിക്കാം.
• അതിലേയ്ക്ക് കടുക്, ജീരകം, ഉഴുന്നു പരിപ്പ്, കടല പരിപ്പ് എന്നിവ ചേർത്തു വറുക്കാം. പരിപ്പുകൾ മഞ്ഞ നിറമായി വരുമ്പോൾ പച്ചമുളകും കറിവേപ്പിലയും ചേർത്തു വഴറ്റാം.
• ഇതിലേയ്ക്ക ചുവന്നുള്ളി ചെറുതായി അരിഞ്ഞതും ചേർക്കാം.
• സവാള വഴന്നു വരുമ്പോൾ കഷ്ണങ്ങളാക്കിയ തക്കാളി ചേർത്ത് മൃദുവാകുന്നതു വരെ ഇളക്കാം.
• ശേഷം മുളകുപൊടിയും ആവശ്യത്തിന് മഞ്ഞൾപ്പൊടിയും ചേർക്കാം.
• ഇതിലേയ്ക്ക് വെള്ളരി കഷ്ണങ്ങൾ ചേർത്ത് അൽപം വെള്ളം കൂടി ഒഴിച്ച് അടച്ചു വച്ച് വേവിക്കാം.
• വെള്ള് വറ്റി കഷ്ണങ്ങൾ വെന്തതിനു ശേഷം അടുപ്പണച്ച് മുകളിലായി മല്ലിയില ചേർക്കാം. ശേഷം ചൂടോടെ ചോറിനൊപ്പം വിളമ്പി കഴിക്കൂ. 

Read More

• പ്രോട്ടീൻ സമ്പന്നം ഈ ദോശ, ശരീരഭാരം കുറയ്ക്കാൻ ഗുണകരമായ ബ്രേക്ക്ഫാസ്റ്റ്
• ഒരു മുട്ട മതി സ്പാനിഷ് ഓംലെറ്റ് മിനിറ്റുകൾക്കുള്ളിൽ റെഡി
• തക്കാളി ഒരുപാടുണ്ടെങ്കിൽ അച്ചാർ തയ്യാറാക്കി സൂക്ഷിക്കാം
• ദഹനക്കേടും മലബന്ധവും അലട്ടാറുണ്ടോ? എങ്കിൽ ചായ ഇങ്ങനെ തയ്യാറാക്കി കുടിക്കൂ
• ഉപ്പുമാവിൻ്റെ രുചി നാവിൽ നിന്നും മായില്ല, ഇതാ ഒരു ഉഗ്രൻ റെസിപ്പി
• അമിതവണ്ണം ഇനി നിങ്ങളെ ബുദ്ധിമുട്ടിക്കില്ല, ഈ പുഡ്ഡിംഗ് ശീലമാക്കൂ
• വർക്കൗട്ടിനു ശേഷം പ്രോട്ടീൻ അടങ്ങിയ ബ്രേക്ക്ഫാസ്റ്റ്, ഓരോ ദിവസവും ട്രൈ ചെയ്യൂ ഈ 5 റെസിപ്പികൾ
• ഒരു തുള്ളി എണ്ണ ചേർക്കാതെ മീൻ ഫ്രൈ ചെയ്തെടുക്കാം
• മീൻ വറുക്കുമ്പോൾ ഈ സൂത്രപ്പണി ഒന്നു പരീക്ഷിച്ചുനോക്കൂ
• അരിപ്പൊടിക്കൊപ്പം ഇതു കൂടി ചേർക്കാം, പുട്ട് കിടിലനാകും
• പൂപോലെ സോഫ്റ്റ് ഇഡ്ഡലി വേണോ, ഇക്കാര്യം ശ്രദ്ധിച്ചാൽ മതി
• ബ്രേക്ക്ഫാസ്റ്റ് സ്പെഷ്യലാക്കാൻ അവൽ, ട്രൈ ചെയ്യൂ രുചികരമായ 5 റെസിപ്പികൾ