പൂപോലെ സോഫ്റ്റ് ഇഡ്ഡലി വേണോ, ഇക്കാര്യം ശ്രദ്ധിച്ചാൽ മതി

പഞ്ഞിപ്പോലെ സോഫ്റ്റായ ഇഡ്ഡലി തയ്യാറാക്കാനുള്ള ഒരു  വഴിയാണ് ഇവിടെ പറയുന്നത്. ഈ രീതിയിൽ ഇഡ്ഡലി മാവ് തയ്യാറാക്കി വെച്ചാൽ  ഒരാഴ്ചയോളം ഫ്രിഡ്ജിൽ സൂക്ഷിച്ചുവയ്ക്കാനും ആവും. അരിയും ഉഴുന്നും നല്ലതുപോലെ കുതിരാൻ അനുവദിക്കണം, മിനിമം ആറു മണിക്കൂറെങ്കിലും അരിയും ഉഴുന്നു കുതിർത്തുവയ്ക്കണം.

അളവിലും വലിപ്പത്തിലും അൽപ്പം സോഫ്റ്റായും വലിപ്പമേറിയതുപോലെയും തോന്നുന്നതാണ് നന്നായി കുതിർന്ന ഉഴുന്നിന്റെ ലക്ഷണം. ഉഴുന്ന് കുതിർത്ത വെള്ളത്തിൽ തന്നെ ചിലർ അരിയും ഉഴുന്നും അരച്ചെടുക്കാറുണ്ട്, ഇത് മാവ് കൂടുതൽ സോഫ്റ്റാവാൻ സഹായിക്കും. മാവ്  അരച്ചെടുത്താൽ നന്നായി പൊന്തിവരാനായി രാത്രി മുഴുവൻ വയ്ക്കുക. 

ചേരുവകൾ 

• പച്ചരി - 4 കപ്പ്
• ഉഴുന്ന് -1 കപ്പ്
• ഉലുവ -അര ടീസ്പൂൺ
• അവൽ- 4 ടേബിൾസ്പൂൺ 

തയ്യാറാക്കുന്ന വിധം

• അരിയും ഉഴുന്നും കഴുകി ആറ് മുതൽ ഏഴ് മണിക്കൂർ വരെ കുതിർക്കാൻ വയ്ക്കാം. 
• മൂന്ന് മണിക്കൂർ കഴിഞ്ഞ് ഉഴുന്ന് കുതിർത്ത വെള്ളം ഫ്രിഡ്ജിൽ സൂക്ഷിക്കാം. 
  ആദ്യം ഉഴുന്ന് അരയ്ക്കാം.
• ഫ്രിഡ്ജിൽ വച്ച് ഈ വെള്ളം ഉപയോഗിച്ചു വേണം മാവ് അരയ്ക്കാൻ.
• കുതിർത്ത് വച്ച അരി റവയുടെ പരുവത്തിൽ അരച്ചെടുക്കാം. രണ്ട് കപ്പ് അരിയ്ക്കു മുക്കാൽ കപ്പ് വെളളം മതിയാകും. തീരെ അരഞ്ഞു പോകരുത്. ഇതിലേക്ക് കഴുകിയ അവൽ ചേർത്ത് ഒരിക്കിൽ കൂടി അരയ്ക്കാം. ഇതിലേക്ക് ഉഴുന്ന് ചേർത്ത് നന്നായി ഇളക്കി യോജിപ്പിക്കാം.
• തയ്യാറാക്കിയ മാവ് പുളിക്കാൻ വയ്ക്കാം. രാത്രി മാവ് തയ്യാറാക്കി വച്ചാൽ രാവിലെയാവുമ്പോഴേക്കും മാവ് പുളിക്കും.
• ഇഡ്ഡലി തട്ടിൽ എണ്ണ പുരട്ടി ആവശ്യത്തിന് ഉപ്പു ചേർത്ത് ഇളക്കിയ മാവ് ഒഴിക്കാം. ഏഴു മിനിറ്റ് മുതൽ 10 മിനിറ്റ് വരെ ആവിയിൽ വേവിക്കാം. 
• മാവ് ഇൻസ്റ്റൻ്റായി പുളിക്കാൻ രാവിലെ ബേക്കിങ് സോഡ ചേർത്ത് വച്ചാലും മതിയാകും.

Read More

• ബ്രേക്ക്ഫാസ്റ്റ് സ്പെഷ്യലാക്കാൻ അവൽ, ട്രൈ ചെയ്യൂ രുചികരമായ 5 റെസിപ്പികൾ
• ഭക്ഷണത്തിലെ അമിതമായ എണ്ണ മയം കുറയ്ക്കാം, ഇതാ 5 വിദ്യകൾ
• ദം ബിരിയാണി സിംപിളായി വീട്ടിൽ തയ്യാറാക്കാൻ ഇതാ ഒരു വിദ്യ
• ഓർമ ശക്തി കൂട്ടാൻ ഈ ചമ്മന്തി കഴിച്ചു നോക്കൂ
• ബീറ്റ്റൂട്ട് ഒരെണ്ണം മതി, തയ്യാറാക്കാം 5 വിഭവങ്ങൾ; സ്മൂത്തി മുതൽ റൈസ് വരെ സിംപിൾ റെസിപ്പിയിൽ ട്രൈ ചെയ്യൂ
•  ചൂടിനെ കൂളായി നേരിടാം, പൊട്ടു വെള്ളരി ജ്യൂസ് കുടിച്ചോളൂ
• വല്ലാത്ത ചൂടല്ലേ? തണുപ്പിക്കാൻ കപ്പ പുഡ്ഡിംഗ് കഴിക്കാം
• കുട്ടികൾക്കിഷ്ടപ്പെട്ട പാൻ കേക്ക് തയ്യാറാക്കാം മുട്ടയും മൈദയുമില്ലാതെ, ഇതാ ഒരു നുറുങ്ങു വിദ്യ
• പാലും പഴവും ഉണ്ടെങ്കിൽ പായസമല്ല, രുചികരമായ അപ്പം തയ്യാറാക്കാം
• ഈ ഓംലെറ്റിൽ മുട്ടയില്ല, പക്ഷേ ഹെൽത്തിയല്ലെന്ന് ആരും പറയില്ല