വീടിന്റെ ചുമരിൽ ലാലേട്ടന്റെ പടം വരച്ച് ആരാധകൻ; അഭിനന്ദിച്ച് മോഹൻലാൽ

പെയിന്റിംഗുകളോടും ആർട്ട് വർക്കുകളോടുമൊക്കെ വലിയ താൽപ്പര്യമുള്ള വ്യക്തിയാണ് മലയാളത്തിന്റെ അഭിമാനതാരം മോഹൻലാൽ. വളരെ അപൂർവ്വമായ ചിത്രങ്ങളും പെയിന്റിംഗുകളുമൊക്കെ മോഹൻലാലിന്റെ ശേഖരത്തിലുണ്ട്. ചിത്രകാരന്മാരെയും കലാകാരന്മാരെയുമൊക്കെ  അഭിനന്ദിക്കാനും മോഹൻലാൽ ഒരിക്കലും മടി കാണിക്കാറില്ല.

ഇപ്പോഴിതാ, സ്വന്തം വീടിന്റെ ചുമരിൽ ചോക്കു ഉപയോഗിച്ച് തന്റെ പടം വരച്ച ചങ്ങനാശ്ശേരി സ്വദേശി ശ്രീരാജ് എന്ന കലാകാരനെ തേടി മോഹൻലാലിന്റെ ഫോൺകോൾ എത്തിയിരിക്കുകയാണ്. "ശ്രീരാജ്, ലാലേട്ടനാണ്. ഞാനിപ്പോൾ ഗുജറാത്തിലാണ് ഇപ്പോൾ ഉള്ളത്. മോൻ വരച്ച പടം കണ്ടു. വളരെ നന്നായിട്ടുണ്ട്," എന്നാണ് മോഹൻലാൽ ശ്രീരാജിനെ അഭിനന്ദിച്ചത്. 

ദേവദൂതനിലെ മോഹൻലാലിന്റെ കഥാപാത്രമായ വിശാൽ കൃഷ്ണമൂർത്തിയെ ആണ് ശ്രീരാജ് വരച്ചിരിക്കുന്നത്. ദേവദൂതൻ റീ- റിലീസിനോട് അനുബന്ധിച്ചായിരുന്നു വിശാൽ ഈ ചിത്രം ഒരുക്കിയത്. "റി-റിലീസ് ദിവസത്തിൽ തന്നെ വരച്ചതിൽ സന്തോഷം. നാട്ടിൽ വരുമ്പോൾ കാണാം," എന്നു പറഞ്ഞാണ് മോഹൻലാൽ ഫോൺവിളി അവസാനിപ്പിച്ചത്. 

Read More

• സിങ്കവും സിങ്കപ്പെണ്ണും വേറെ ലെവൽ, ഹെവി വർക്കൗട്ടുമായി സൂര്യയും ജ്യോതികയും; വീഡിയോ
• അമ്മയും കുഞ്ഞു ലൂക്കയും ട്വിന്നിംഗ് ആണല്ലോ; ചിത്രങ്ങളുമായി മിയ
• നാഗവല്ലിയല്ലേ ആ മിന്നിമാഞ്ഞു പോയത്?; വൈറലായി വീഡിയോ
• ചേട്ടനെ ടോർച്ചർ ചെയ്യുമ്പോൾ വലിയ സന്തോഷമാണെന്ന് ധനുഷ്: ഇത് ചിന്നതമ്പിയുടെ മധുരപ്രതികാരമെന്ന് ആരാധകർ
• പ്രിയപ്പെട്ട അയൽക്കാരന്റെ വീട്ടിലെ കല്യാണത്തിന് കുടുംബസമേതം എത്തി മമ്മൂട്ടി; വീഡിയോ
• അർമാനും രണ്ടാം ഭാര്യയും ബിഗ് ബോസ് വീട്ടിൽ: വിവാഹ മോചനം പ്രഖ്യാപിച്ച് ഒന്നാം ഭാര്യ പായൽ