പ്രിയപ്പെട്ട അയൽക്കാരന്റെ വീട്ടിലെ കല്യാണത്തിന് കുടുംബസമേതം എത്തി മമ്മൂട്ടി; വീഡിയോ

മമ്മൂട്ടിയുമായും കുടുംബവുമായും അടുത്ത സൗഹൃദം സൂക്ഷിക്കുന്നയാളാണ് നടൻ കുഞ്ചൻ. വർഷങ്ങളോളം മമ്മൂട്ടിയുടെ അയൽക്കാരനായിരുന്നു കുഞ്ചൻ. പനമ്പള്ളി നഗറിലെ കുഞ്ചന്റെ വീടിന്റെ മേൽവിലാസം തന്നെ മമ്മൂട്ടിയുടെ വീടിന്റെ എതിർവശത്തെ ധാരാളം പൂക്കളും ചെടികളുമുള്ള വീട് എന്നതാണ്. മമ്മൂട്ടിയുമായുള്ള വർഷങ്ങൾ പഴക്കമുള്ള ആത്മബന്ധത്തെ കുറിച്ചും പല അവസരങ്ങളിലും കുഞ്ചൻ തുറന്നു പറഞ്ഞിട്ടുണ്ട്.

കുഞ്ചന്റെ മകളും ഫാഷൻ ഡിസൈനറുമായ സ്വാതി കുഞ്ചന്റെ വിവാഹത്തിൽ പങ്കെടുക്കാൻ കുടുംബസമേതമാണ് മമ്മൂട്ടി എത്തിയത്. ഭാര്യ സുൽഫത്ത്, മകൻ ദുൽഖർ, മകൾ സുറുമി, മരുമകൾ അമാൽ, സുറുമിയുടെ കുടുംബം എന്നിവരും മമ്മൂട്ടിയ്ക്ക് ഒപ്പം വിവാഹം കൂടാൻ എത്തിയിരുന്നു. 

അഭിനന്ദ് ബസന്ത് ആണ് സ്വാതി കുഞ്ചൻ്റെ വരൻ. താരപുത്രി എന്ന ലേബലിന് പുറത്ത് ഫാഷൻ ഡിസൈനിങ് മേഖലയിൽ തന്റേതായ ഇടം നേടിയെടുത്ത വ്യക്തിത്വമാണ് സ്വാതിയുടേത്. നിത അംബാനിയുടെ ഹർ സർക്കിൾ, ഫെമിന എന്നിവയിലും പ്രവർത്തനപരിചയമുണ്ട് സ്വാതിക്ക്.  ഏറെ തിരക്കുള്ള ലക്ഷങ്ങൾ പ്രതിഫലം വാങ്ങുന്ന ഫാഷൻ സ്റ്റൈലിസ്റ്റ് ആണ് സ്വാതി ഇന്ന്. 

മമ്മൂട്ടിയും മോഹൻലാലും ഉൾപ്പെടെ മലയാള സിനിമയിലെ പ്രമുഖരെല്ലാം പങ്കെടുത്ത താരനിബിഢമായ സദസിലായിരുന്നു വിവാഹം നടന്നത്. കുഞ്ചൻ, ശോഭ ദമ്പതികളുടെ ഇളയ മകളാണ് സ്വാതി. 

Read More Entertainment Stories Here

• ഉപ്പൂപ്പ- മറിയം വൈബ് അതു വേറെ തന്നെ: വൈറലായി മമ്മൂട്ടിയുടെ വീഡിയോ
• ബോക്സ് ഓഫീസിൽ പുതുചരിത്രം; 25 ദിവസംകൊണ്ട് ആടുജീവിതം നേടിയത്
• 'അപ്പന്' ശേഷം മജുവിന്റെ പെരുമാനി; ടീസർ പുറത്തിറക്കി ദുൽഖർ സൽമാൻ
• ആരാധ്യക്കൊപ്പം വിവാഹ വാർഷികം ആഘോഷിച്ച് ഐശ്വര്യയും അഭിഷേകും
• സൂപ്പർ കൂളാണ് ഈ നായിക; അനിയനൊപ്പം നിൽക്കുന്ന താരത്തെ മനസ്സിലായോ?
• ആവേശം കണ്ട് ആദ്യം അഭിനന്ദിച്ചത് ആ നടൻ
• ഓരില താളി ഞാൻ തേച്ചു തരാം; മിന്നാരം ഷൂട്ടിംഗ് വീഡിയോ നിങ്ങൾ കണ്ടിട്ടുണ്ടോ?