ആശുപത്രി കിടക്കയിൽ പ്രിയപ്പെട്ടവളുടെ കൈകോർത്തുപിടിച്ച് അജിത്, ശാലിനിക്ക് എന്ത് പറ്റിയെന്ന് ആരാധകർ

സിനിമാപ്രേമികളുടെ പ്രിയപ്പെട്ട താരജോഡികളാണ് അജിത്തും ശാലിനിയും. മലയാളികളുടെ പ്രയനടിയായ ശാലിനിയെ വിവാഹം കഴിച്ച അജിത്തിനോട് മലയാളികൾക്കും പ്രത്യേക ഇഷ്ടമുണ്ട്. വിവാഹശേഷം അഭിനയത്തിൽ നിന്നും വിട്ടുനിൽക്കുകയാണ് ശാലിനി. അജിത് സമൂഹമാധ്യമങ്ങളിൽ അത്ര സജീവമല്ല. ശാലിനിയും അടുത്തിടെ മാത്രമാണ് ഇൻസ്റ്റഗ്രാമിൽ സജീവമായി തുടങ്ങിയത്. അതിനാൽ തന്നെ ശാലിനിയുടെയും അജിത്തിന്റെയും കുടുംബചിത്രങ്ങൾ  വളരെ അപൂർവ്വമായി സമൂഹമാധ്യമങ്ങളിൽ പ്രത്യക്ഷപ്പെടുമ്പോൾ ആരാധകർ അതു ആഘോഷമാക്കാറുണ്ട്.

എന്നാൽ, ശാലിനി പങ്കുവച്ച പുതിയ ചിത്രം ആരാധകരിൽ ആശങ്കയുണർത്തുകയാണ്. ആശുപത്രിയിൽ നിന്നുള്ളതാണ് ചിത്രം. ശാലിനിയുടെ കൈകളിൽ മുറുകെ പിടിച്ചിരിക്കുന്ന അജിത്തിനെയും ചിത്രത്തിൽ കാണാം. എന്തു പറ്റി ശാലിനിയ്ക്ക് എന്നാണ് ആരാധകർ തിരക്കുന്നത്. 

View this post on Instagram

A post shared by Shalini Ajith Kumar (@shaliniajithkumar2022)

അതേസമയം, ശാലിനിയെ ഉടനടിയൊരു ഓപ്പറേഷനു വിധേയമാക്കേണ്ടി വന്നു എന്ന രീതിയിലും റിപ്പോർട്ടുകൾ പ്രചരിക്കുന്നുണ്ട്. എന്തിനാണ് ഓപ്പറേഷൻ നടത്തിയതെന്നത് സംബന്ധിച്ച വിവരങ്ങൾ പുറത്തുവന്നിട്ടില്ല. മാത്രമല്ല, അജിത്തോ ശാലിനിയോ ഇരുവരോടും അടുത്ത വൃത്തങ്ങളോ ഇക്കാര്യങ്ങൾ സ്ഥിരീകരിച്ചിട്ടില്ല.  

അജിത്ത് ഷൂട്ടിംഗുമായി ബന്ധപ്പെട്ട് അസർബൈജാനിൽ ആയിരുന്നതിനാൽ ഓപ്പറേഷൻ സമയത്ത് എത്തിച്ചേരാനായില്ലെന്നും റിപ്പോർട്ടുണ്ട്. അവസാന ഘട്ട ഷൂട്ടായിരുന്നതിനാൽ നിർത്തി വെച്ച് വരാൻ സാധിച്ചില്ല. കഴിഞ്ഞ ദിവസമായിരുന്നു ശാലിനിയുടെ ഓപ്പറേഷൻ എന്നും ഷൂട്ടിംഗ് പൂർത്തിയാക്കിയ ഉടനെ അജിത് ചെന്നൈയിലേക്കു തിരിക്കുകയായിരുന്നുവെന്നും റിപ്പോർട്ടിൽ പറയുന്നു. 

Read More Entertainment Stories Here

• രണ്ടു ഭാര്യമാർക്കൊപ്പം ബിഗ് ബോസിൽ മത്സരിക്കാനെത്തിയ മത്സരാർത്ഥി; എല്ലാ കണ്ണുകളും അർമാനിലേക്ക്
• ആദ്യ ഭാര്യ പുറത്തേക്ക്; ബിഗ് ബോസ് വീടിനകത്ത് ഇനി ശേഷിക്കുന്നത് അർമാനും രണ്ടാം ഭാര്യയും
• ബി​ഗ് ബോസിലേക്ക് കയറാൻ നേരം അവർ കണ്ണു കെട്ടാൻ വന്നു, ഞാൻ സമ്മതിച്ചില്ല: ഉർവശി
• സൽമാന്റെ ഒക്കത്തിരിക്കുന്ന ഈ കുട്ടിയാണ് സോനാക്ഷിയുടെ വരൻ; കൗതുകമുണർത്തി ത്രോബാക്ക് ചിത്രം
• വീടിന്റെ പേര് രാമായണം, രാമനും ശത്രുഘ്നനും മുതൽ ലവ കുശന്മാർ വരെ വീട്ടിലുണ്ട്: സൊനാക്ഷി സിൻഹ
• ചേച്ചി ഏതു പാട്ടിനു ഡാൻസ് ചെയ്താലും ഞങ്ങൾക്ക് മനസ്സിൽ ഈ പാട്ടേ വരൂ; ശോഭനയോട് ആരാധകർ