ഇത് ഗുരുവായൂരമ്പലം അല്ല, ഷൂട്ടിങ് സെറ്റ്; രസകരമായ വീഡിയോയുമായി സംവിധായകൻ

വിപിന്‍ ദാസ് സംവിധാനം ചെയ്ത് തിയേറ്ററിൽ വിജയകരമായ പ്രദർശനം തുടരുന്ന ചിത്രമാണ് 'ഗുരുവായൂരമ്പല നടയിൽ.' പൃഥ്വിരാജ്, ബേസിൽ ജോസഫ് തുടങ്ങിയ വൻ താരനിരയാണ് ചിത്രത്തിൽ വേഷമിടുന്നത്. ചിത്രത്തിനായി സെറ്റിട്ട ഗുരുവായൂർ അമ്പല നടയിൽ നിന്നുള്ള ഒരു രസകരമായ വീഡിയോ പങ്കിട്ടിരിക്കുകയാണ് സംവിധായകൻ.

യഥാർത്ഥമെന്ന് തോന്നിപ്പിക്കുന്ന സെറ്റിൽ പ്രാർഥിച്ചു മടങ്ങുന്ന സ്ത്രീയുടെ വീഡിയോയാണ് വിപിൻ പങ്കുവച്ചിരിക്കുന്നത്. സിനിമയുടെ ഷൂട്ടിങിനിടയിൽ നിരവധി ആളുകൾ സെറ്റിൽ പ്രാർത്ഥിക്കാറുണ്ടായിരുന്നുവെന്ന് നടൻ സിജു സണ്ണി അടുത്തിടെ പറഞ്ഞിരുന്നു. ഇപ്പോഴിതാ അതിലൊരു വീഡിയോ പുറത്ത് വിട്ടിരിക്കുകയാണ് സംവിധായകൻ.

View this post on Instagram

A post shared by Vipin Das (@vipindashb)

ഈ മാസം 16ന് തിയേറ്ററിലെത്തിയ ചിത്രം മികച്ച പ്രതികരണമാണ് നേടുന്നത്. ചിത്രത്തിന്റെ പേരു സൂചിപ്പിക്കുന്നത് പോലെ ഗുരുവായൂർ അമ്പല നടയ്ക്ക് ഏറെ പ്രാധാന്യം ചിത്രത്തിൽ നൽകിയിട്ടുണ്ട്. സിനിമയിലെ ദൈർഘ്യമേറിയ രംഗങ്ങൾ ഏങ്ങനെയാണ് തിരക്കേറിയ ഗുരുവായൂർ ക്ഷേത്രത്തിൽ ചിത്രീകരിച്ചതെന്ന് പലരും സംശയം പ്രകടിപ്പിച്ചിരുന്നു. എന്നാൽ ചിത്രം പുറത്തിറങ്ങുന്നതിന് മുൻപ് തന്നെ അമ്പലം സെറ്റാണെന്ന റിപ്പോർട്ടുകൾ പുറത്ത് വന്നിരുന്നു.

രണ്ടു അളിയന്മാരുടെ സ്നേഹബന്ധത്തിന്റെ കഥ പറയുന്ന ചിത്രമാണ് ഗുരുവായൂരമ്പല നടയിൽ. ബേസിലിനൊപ്പം പൃഥിരാജ് കൂടി ചേരുമ്പോൾ, ആദ്യം മുതൽ അവസാനം വരെ പ്രേക്ഷകർക്ക് ചിരിവിരുന്നൊരുക്കുകയാണ് ചിത്രം. 

'കുഞ്ഞിരാമായണം' എന്ന ചിത്രത്തിനു ശേഷം ദീപു പ്രദീപ് രചന നിർവഹിക്കുന്ന ചിത്രമാണ് ഗുരുവായൂരമ്പലനടയിൽ. നിഖില വിമൽ, അനശ്വര രാജൻ എന്നിവരാണ് നായികമാർ.  തമിഴ് നടൻ യോഗി ബാബു, ജഗദീഷ്, രേഖ, ഇർഷാദ്, സിജു സണ്ണി, സഫ്‌വാൻ, കുഞ്ഞികൃഷ്ണൻ മാസ്റ്റർ, മനോജ്‌ കെ.യു. എന്നിവരാണ് ചിത്രത്തിലെ മറ്റു അഭിനേതാക്കൾ. 

പൃഥ്വിരാജ് പ്രൊഡക്‌ഷൻസിന്റെ ബാനറിൽ സുപ്രിയ മേനോൻ, ഇഫോർ എന്റർടെയ്ൻമെന്റിന്‍റെ ബാനറിൽ മുകേഷ് ആർ. മേത്ത, സി.വി. സാരഥി എന്നിവർ ചേർന്നാണ് ചിത്രം നിർമ്മിച്ചത്. ഛായാഗ്രഹണം നീരജ് രവി,എഡിറ്റർ ജോൺ കുട്ടി,സംഗീതം അങ്കിത് മേനോൻ എന്നിവർ നിർവ്വഹിക്കുന്നു. 

Read More Entertainment Stories Here

• ചാർളി അമ്മയായി; കുഞ്ഞുങ്ങളെ നെഞ്ചോട് ചേർത്ത് രക്ഷിത് ഷെട്ടി
• ടർബോ പ്രെമോഷനിടെ മമ്മൂട്ടി ധരിച്ച ആഢംബര വാച്ചിന്റെ വില അറിയാമോ?
• വേർപിരിഞ്ഞ മകളെ എഐയുടെ സഹായത്തോടെ വർഷങ്ങൾക്കു ശേഷം കണ്ടപ്പോൾ; നിറകണ്ണുകളോടെ വിജയുടെ അമ്മ
• എനിക്ക് ഹിന്ദിയറിയൂലാന്ന് ആരു പറഞ്ഞു, സുഗമ പരീക്ഷക്ക് നൂറായിരുന്നു മാർക്ക്: ബേസിൽ
• ഒത്തൊരുമയുടെ 42വർഷം; വിവാഹ വാർഷികത്തിൽ ഓർമ്മ ചിത്രവുമായി ബാലചന്ദ്രമേനോൻ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• അയാൾക്കൊപ്പം അഭിനയിച്ചു കൊതി തീർന്നില്ല, അതിനു വേണ്ടിമാത്രം ആവേശത്തിന്റെ രണ്ടാം ഭാഗം ചെയ്യാൻ ആഗ്രഹമുണ്ട്: ഫഹദ്