Vallyettan 4K OTT: അറയ്ക്കൽ മാധവനുണ്ണിയെ 4കെയിൽ കാണാം; 'വല്യേട്ടൻ' ഒടിടിയിലേക്ക്

Vallyettan 4K Ott Release Date, Platform: രഞ്ജിത്തിന്റെ തിരക്കഥയിൽ മമ്മൂട്ടിയെ നായകനാക്കി ഷാജി കൈലാസ് സംവിധാനം ചെയ്ത ബ്ലോക്ബസ്റ്റർ ചിത്രമായിരുന്നു 'വല്യേട്ടൻ'. അറക്കൽ മാധവനുണ്ണിയായി മമ്മൂട്ടി നിറഞ്ഞാടിയ സിനിമ 4കെ ഡോൾബി അറ്റ്‌മോസ് സിസ്റ്റത്തിൽ നൂതനശബ്ദ ദൃശ്യവിസ്മയങ്ങളുടെ അകമ്പടിയോടെ വീണ്ടും തിയേറ്ററുകളിൽ എത്തിയിരുന്നു. ഇപ്പോഴിതാ ചിത്രം 4കെ മികവിൽ ഒടിടിയിലേക്കും എത്തുകയാണ്.

ഇരുപത്തിയഞ്ച് വർഷങ്ങൾക്കു ശേഷമാണ് ചിത്രം വീണ്ടും തിയേറ്ററുകളിലെത്തിയത്.  അമ്പലക്കര ഫിലിംസിന്റെ ബാനറിൽ ബൈജു അമ്പലക്കര, അനിൽ അമ്പലക്കര എന്നിവരാണ് ചിത്രത്തിന്റെ നിർമ്മാണം. മാറ്റിനി നൗ എന്ന കമ്പനിയാണ് ചിത്രം 4കെ ഡോൾബി അറ്റ്‌മോസ് സിസ്റ്റത്തിൽ അവതരിപ്പിച്ചത്. അമേരിക്കയിലായിരുന്നു ചിത്രത്തിന്റെ 4കെ വിഷ്യൽ ട്രാൻസ്ഫർ നടത്തിയത്.

ശോഭന, സായ്കുമാർ, മനോജ്. കെ. ജയൻ എൽ.എഫ്. വർഗീസ്, കലാഭവൻ മണി, വിജയകുമാർ, സുധീഷ് തുടങ്ങിയ പ്രമുഖതാരങ്ങളെല്ലാം ചിത്രത്തിൽ അഭിനയിച്ചിട്ടുണ്ട്. ഗിരീഷ് പുത്തഞ്ചേരിയാണ് ചിത്രത്തിന്റെ ഗാനങ്ങൾ ഒരുക്കിയത്. സംഗീതം രാജാമണി, ഛായാഗ്രഹണം  രവിവർമ്മൻ, എഡിറ്റിങ് എൽ. ഭൂമിനാഥൻ എന്നിവരാണ് കൈകാര്യം ചെയ്തത്.

Vallyettan 4K Ott: വല്യേട്ടൻ 4കെ ഒടിടി

View this post on Instagram

A post shared by manoramaMAX (@manoramamax)

മനോരമ മാക്സിലൂടെയാണ് 'വല്യേട്ടൻ 4കെ' ഒടിടിയിലെത്തുന്നത്. ചിത്രം ഫെബ്രുവരി 7 മുതൽ സ്ട്രീമിങ് ആരംഭിക്കും.

Read More

• എൻ ഇനിയ പൊൻ നിലാവിൻ്റെ പകർപ്പവകാശം: കേസിൽ ഇളയരാജയ്ക്ക് തിരിച്ചടി
• ആ സംഭവം ഒരു ട്രോമയായിരുന്നു: സിജു വിൽസൺ
• ഒരുപാട് ഡാർക്ക് സീക്രട്ടുമായി നാരായണീൻ്റെ മൂന്നാണ്മക്കൾ തിയേറ്ററിലേയ്ക്ക്
• New OTT Releases: ഈ മാസം ഒടിടിയിൽ കാണാം കാത്തിരുന്ന ചിത്രങ്ങൾ
• മനുഷ്യരുടെ സെക്ഷ്വാലിറ്റി പ്രശ്നങ്ങൾ കോമഡിയ്ക്കുള്ള കണ്ടന്റല്ല; അപക്വമായ സമീപനവുമായി 'ഒരു ജാതി ജാതകം', റിവ്യൂ- Oru Jaathi Jaathakam Review
• ഇരുണ്ട നിറമായിരുന്ന ദീപികയും കജോളും ഇപ്പോള്‍ വെളുത്തു; അത്തരം നായികമാർ ഇപ്പോഴില്ലെന്ന് കങ്കണ റണാവത്ത്