New OTT Releases: ഈ മാസം ഒടിടിയിൽ കാണാം കാത്തിരുന്ന ചിത്രങ്ങൾ

New OTT Release This Month: ഈ മാസം ഒടിടിയിൽ കാണാവുന്ന ഏറ്റവും പുതിയ ചിത്രങ്ങൾ ഏതൊക്കെയെന്ന് അറിയാമോ? ഏറ്റവും പുതിയ റിലീസുകൾ പരിചയപ്പെടാം. 

Identity OTT: ഐഡന്റിറ്റി ഒടിടി

ടൊവിനോ തോമസിനെ നായകനാക്കി അഖിൽ പോളും അനസ് ഖാനും ചേർന്നൊരുക്കിയ 'ഐഡന്റിറ്റി' ഈ ആഴ്ച ഒടിടിയിൽ എത്തും.  ഇൻവെസ്റ്റി​ഗേഷൻ ക്രൈം ത്രില്ലറായ ചിത്രം തിയേറ്ററിൽ എത്തി ഒരു മാസം പിന്നിടും മുൻപെ തന്നെ ഒടിടിയിൽ എത്തുകയാണ്.

ടൊവിനോ തോമസ്, തൃഷ, വിനയ് റായ് എന്നിവരാണ് ചിത്രത്തിൽ കേന്ദ്രകഥാപാത്രങ്ങളെ അവതരിപ്പിക്കുന്നത്. ദുരൂഹമായൊരു കൊലപാതകത്തിനു സാക്ഷിയാവുകയാണ് അലീഷ (തൃഷ). ആ കേസിന്റെ അന്വേഷണ ചുമതല വഹിക്കുന്നത് എസ് പി അലൻ ജേക്കബ് (വിനയ് റായ്) ആണ്.  കേസ് അന്വേഷണത്തിനിടെ സ്കെച്ച് ആർട്ടിസ്റ്റ് ഹരൺ ശങ്കറിൻ്റെ സഹായം തേടുകയാണ് അലൻ ജേക്കബ്. തുടർന്ന്, ഹരണിന്റെ സഹായത്തോടെ അലീഷയും അലനും ചേർന്ന് പ്രതിയുടെ ഒരു രേഖാചിത്രം തയ്യാറാക്കി ദുരൂഹതകളുടെ ചുരുളഴിക്കാൻ  ശ്രമിക്കുകയാണ്.

ടൊവിനോ,  തൃഷ, വിനയ് റായി എന്നിവർക്കൊപ്പം മന്ദിര ബേദി, അജു വർഗീസ്, ഷമ്മി തിലകൻ, അർജുൻ രാധാകൃഷ്ണൻ, വിശാഖ് നായർ, അർച്ചന കവി എന്നിവരും ചിത്രത്തിലുണ്ട്. രാഗം മൂവിസിന്റെ ബാനറിൽ രാജു മല്യത്തും കോൺഫിഡന്റ് ഗ്രൂപ്പിന്റെ ബാനറിൽ ഡോ. റോയി സി ജെയും ചേർന്നാണ് ചിത്രം നിർമ്മിച്ചത്. തിരക്കഥ ഒരുക്കിയതും സംവിധായകരായ അഖിൽ പോളും അനസ് ഖാനും തന്നെ. ഛായാഗ്രഹണം അഖിൽ ജോർജ്, സംഗീതം ജേക്സ് ബിജോയി. ചിത്രസംയോജനം: ചമൻ ചാക്കോ.

Rekhachithram OTT: രേഖാചിത്രം ഒടിടി

ആസിഫ് അലി, അനശ്വര രാജൻ എന്നിവരെ കേന്ദ്രകഥാപാത്രമാക്കി ജോഫിൻ ടി ചാക്കോ സംവിധാനം ചെയ്ത രേഖാചിത്രം തിയേറ്ററുകളിൽ സൂപ്പർഹിറ്റായി മാറിയിരിക്കുകയാണ്. ജനുവരി ഒമ്പതിന് റിലീസ് ചെയ്ത ചിത്രം ഇപ്പോഴും തിയേറ്ററുകളിൽ പ്രദർശനം തുടരുകയാണ്. 

50 കോടി ക്ലബ്ബിൽ ചിത്രം ഇതിനകം തന്നെ ഇടം നേടി കഴിഞ്ഞു. രാമു സുനിലിന്റെ കഥയ്ക്ക് രാമു സുനിലും ജോൺ മന്ത്രിക്കലും ചേർന്നാണ് തിരക്കഥ ഒരുക്കിയത്. ബ്രില്ല്യന്റായ തിരക്കഥയാണ് ചിത്രത്തിന്റെ യുഎസ്പി. 

ആസിഫ്, അനശ്വര എന്നിവരെ കൂടാതെ മനോജ് കെ ജയൻ, ഇന്ദ്രൻസ്, ഹരിശ്രീ അശോകൻ, ഭാമ അരുൺ, ജഗദീഷ്, സായികുമാർ, നിഷാന്ത് സാഗർ, പ്രേംപ്രകാശ്, സുധി കോപ്പ, മേഘ തോമസ്, സെറിൻ ശിഹാബ് തുടങ്ങി വലിയൊരു താരനിര തന്നെ ചിത്രത്തിലുണ്ട്. കാവ്യ ഫിലിം കമ്പനിയും ആൻ മെഗാ മീഡിയയും ചേർന്നാണ് ചിത്രം നിർമിച്ചിരിക്കുന്നത്. 

ഫെബ്രുവരി അവസാനവാരമോ മാർച്ച് ആദ്യവാരമോ ആയി രേഖാചിത്രം ഒടിടിയിൽ പ്രതീക്ഷിക്കാം എന്നാണ് നിലവിലെ റിപ്പോർട്ട്.  എന്നാൽ, രേഖാചിത്രത്തിന്റെ ഒടിടി റിലീസ് തീയതിയെ കുറിച്ച് ഇതുവരെ ഔദ്യോഗിക സ്ഥിരീകരണങ്ങളൊന്നും പുറത്തുവന്നിട്ടില്ല. 

Marco OTT: മാർക്കോ ഒടിടി

ഹനീഫ് അദേനി- ഉണ്ണി മുകുന്ദന്‍ കൂട്ടുക്കെട്ടില്‍ പിറന്ന ബ്ലോക്ബസ്റ്റർ ചിത്രമാണ് 'മാര്‍ക്കോ.' ഡിസംബര്‍ 20നാണ് ചിത്രം തിയേറ്ററുകളിലെത്തിയത്. മാര്‍ക്കോ ഒടിടിയില്‍ എവിടെ എത്തുമെന്നാണ് സിനിമാപ്രേമികൾ ഉറ്റുനോക്കുന്നത്.  ഇപ്പോഴിതാ ചിത്രത്തിന്റെ ഒടിടി റിലീസ് തീയതി പുറത്തുവിട്ടിരിക്കുകയാണ്.

സിദ്ദിഖ്, ജഗദീഷ്, ആന്‍സണ്‍ പോള്‍, കബീര്‍ ദുഹാന്‍സിങ്, അഭിമന്യു തിലകന്‍, യുക്തി തരേജ തുടങ്ങിയവരാണ് മാർക്കോയിലെ മറ്റു പ്രധാന അഭിനേതാക്കൾ. കഴിഞ്ഞ വര്‍ഷത്തെ ഹിറ്റ് ചിത്രങ്ങളില്‍ ഒന്നായ ‘മാര്‍ക്കോ' മലയാളത്തിലെ ഏറ്റവും വയലൻസ് നിറഞ്ഞ പടമായാണ് വിശേഷിപ്പിക്കപ്പെടുന്നത്. 

ക്യൂബ്സ് എന്റർടെയ്ൻമെന്റ്‌സിന്റെ ബാനറിൽ ഷെരീഫ് മുഹമ്മദാണ് മാർക്കോയുടെ നിർമ്മാണം. ക്രിസ്മസ് റിലീസായി തിയേറ്ററിലെത്തിയ ചിത്രം ആദ്യ ഷോ മുതല്‍ മികച്ച പ്രകടനം നേടിയിരുന്നു. ബോളിവുഡില്‍ അടക്കം ഗംഭീര പ്രകടനം കാഴ്ചവച്ച് ചിത്രം 100 കോടി ക്ലബ്ബിലും ഇടംനേടി.

സോണി ലിവിലൂടെ ആണ് മാര്‍ക്കോ ഒടിടിയില്‍ എത്തുന്നത്. തിയേറ്റർ റിലീസിനു മുന്നോടിയായി സെൻസർ ബോർഡ് ഡിലീറ്റ് ചെയ്തു മാറ്റിയ സീനുകൾ കൂടി ഉള്‍പ്പെടുത്തിയാണ് മാർക്കോ ഒടിടിയില്‍ എത്തുക എന്നും റിപ്പോർട്ടുണ്ട്. മലയാളം, തമിഴ്, കന്നഡ, തെലുഗ്, ഹിന്ദി ഭാഷകളിലും മാർക്കോ ഒടിടിയിൽ ലഭ്യമാവും. ഫെബ്രുവരി 14 ചിത്രം സ്ട്രീമിങ് ആരംഭിക്കും.

Pushpa 2 OTT: പുഷ്പ 2 

 റെക്കോർഡുകൾ തകർത്തെറിഞ്ഞ് 1800 കോടിയോളം ബോക്സ് ഓഫീസ് കളക്ഷൻ നേടി അല്ലു അർജുന്റെ കരിയറിലെ ഏറ്റവും വലിയ വിജയമായി മാറിയിരിക്കുകയാണ് 'പുഷ്പ 2.' ഡിസംബർ 5ന് തിയേറ്ററുകളിലെത്തിയ ചിത്രം ഒടിടിയിൽ പ്രദർശനത്തിയിരിക്കുകയാണ്.

സുകുമാറിന്റെ സംവിധാനത്തിലൊരുങ്ങിയ ചിത്രത്തിൽ അല്ലു അർജുനൊപ്പം രശ്മിക മന്ദാന, ഫഹദ് ഫാസിൽ, ജഗദീഷ് പ്രതാപ് ബണ്ഡാരി, സുനിൽ തുടങ്ങി വൻ താരനിരയാണ് അണിനിരന്നത്. 2021ൽ പുറത്തിറങ്ങിയ ബ്ലോക്ക്ബസ്റ്റർ ചിത്രമായ പുഷ്പ: ദി റൈസിൻ്റെ തുടർച്ചയാണ് 'പുഷ്പ 2'.

ആദ്യ ദിനം, ആഗോള ബോക്‌സ് ഓഫീസിൽ 282.91 കോടി രൂപ നേടിയ പുഷ്പ  2, ആർആർആർ, ബാഹുബലി തുടങ്ങിയ ചിത്രങ്ങളെ പിന്നിലാക്കി ഇന്ത്യയിലെ എക്കാലത്തെയും മികച്ച ഓപ്പണിങ് കളക്ഷൻ സ്വന്തമാക്കിയിരുന്നു. 

നെറ്റ്ഫിക്സിലൂടെ പുഷ്പ 2 ഒടിടിയിലെത്തിയിരിക്കുകയാണ്. 56 ദിവസങ്ങൾക്കു ശേഷം ചിത്രം സ്ട്രീമിങ് ആരംഭിക്കുമെന്ന് നിർമ്മാതാക്കൾ നേരത്തെ വ്യക്തമാക്കിയിരുന്നു. 

Read More

• മനുഷ്യരുടെ സെക്ഷ്വാലിറ്റി പ്രശ്നങ്ങൾ കോമഡിയ്ക്കുള്ള കണ്ടന്റല്ല; അപക്വമായ സമീപനവുമായി 'ഒരു ജാതിജാതകം', റിവ്യൂ- Oru Jaathi Jaathakam Review
• Ponman Review: പറയേണ്ട വിഷയം കൃത്യമായി പറയുന്ന ചിത്രം; ഈ പൊൻമാന് തിളക്കമേറെയാണ്, റിവ്യൂ
• വിരസകാഴ്ചകൾ, ഏൽക്കാതെ പോയ കോമഡികൾ; പ്രാവിൻകൂട് ഷാപ്പ് റിവ്യൂ; Pravinkoodu Shappu Review