ഇരുണ്ട നിറമായിരുന്ന ദീപികയും കജോളും ഇപ്പോള്‍ വെളുത്തു; അത്തരം നായികമാർ ഇപ്പോഴില്ലെന്ന് കങ്കണ റണാവത്ത്

സിനിമയിലെ കഥാപാത്രങ്ങളിലൂടെയും സിനിമയ്ക്ക് പുറത്തെ പ്രസ്താവനകളിലൂടെയും പതിവായി തലക്കെട്ടുകളിൽ ഇടംപിടിക്കാറുള്ള നടിയാണ് എം.പി കൂടിയായ കങ്കണ റണാവത്ത്. ബോളിവുഡ് താരങ്ങളെ കുറിച്ചും സൗന്ദര്യ കാഴ്ചപ്പാടുകളെ കുറിച്ചുമുള്ള കങ്കണയുടെ വാക്കുകളാണ് ഇപ്പോൾ ശ്രദ്ധനേടുന്നത്.

മുൻകാലങ്ങളിൽ ദീപിക പദുക്കോൺ, കജോൾ, ബിപാഷ ബസു തുടങ്ങിയ ഉരുണ്ട നിറമുള്ള മുൻനിര നായികമാർ നമുക്കുണ്ടായിരുന്നുന്നും, എന്നാൽ ഇന്ന് ഇരുണ്ട ചർമ്മമുള്ള നായകമാർ ഹിന്ദി സിനിമയിൽ ഇല്ലെന്ന് കങ്കണ ഇൻസ്റ്റഗ്രാമിൽ കുറിച്ചു.

'മൊണാലിസ എന്ന പെൺകുട്ടി അവളുടെ സ്വാഭാവിക സൗന്ദര്യത്താൽ ഇൻ്റർനെറ്റിൽ സെൻസേഷനായി മാറിയിരിക്കുകയാണ്. ഇന്ന് ഗ്ലാമർ ലോകത്ത് ഇരുണ്ട ഇന്ത്യൻ ടോണുള്ള സ്ത്രീകൾക്ക് പ്രാധാന്യമുണ്ടോ? എനിക്ക് ചിന്തിക്കാതിരിക്കാൻ കഴിയുന്നില്ല. അനു അഗർവാളിനെയോ, കജോളിനെയോ, ബിപാഷയെയോ, ദീപികയെയോ, റാണി മുഖർജിയെയോ സ്നേഹിച്ചതുപോലെയാണോ ആളുകൾ യുവ നടിമാരെ സ്നേഹിക്കുന്നത്?

ചെറുപ്പത്തില്‍ ഇരുണ്ട നിറമായിരുന്ന നായികമാരടക്കം എല്ലാ നടിമാരും ഇന്ന് വെളുത്ത സ്ത്രീകളെപ്പോലെ വിളറിയിരിക്കുന്നതെന്താണ്? എന്തുകൊണ്ടാണ് ആളുകൾ മൊണാലിസയെ തിരിച്ചറിയുന്ന രീതിയിൽ പുതുമുഖ നായികമാരെ തിരിച്ചറിയാത്തത്?  വളരെയധികം ലേസർ, ഗ്ലൂട്ടത്തയോൺ കുത്തിവയ്പ്പുകളാണോ?' കങ്കണ കുറിച്ചു.

കങ്കണയുടെ വാക്കുകൾ സോഷ്യൽ മീഡിയയിൽ വലിയൊരു ചർച്ചയ്ക്ക് തന്നെ തിരികൊളുത്തിയിട്ടുണ്ട്. നിരവധി നെറ്റിസൺമാർ നടിയെ അനുകൂലിച്ചും പ്രതികൂലിച്ചും രംഗത്തെത്തിയിട്ടുണ്ട്. അതേസമയം, എമർജൻസി എന്ന ചിത്രത്തിലാണ് കങ്കണ അവസാനമായി പ്രത്യക്ഷപ്പെട്ടത്. ഇന്ത്യൻ ചരിത്രത്തിൻ്റെ ഇരുണ്ട താളുകളിലേക്ക് ആഴത്തിൽ ഇറങ്ങുമെന്ന അവകാശവാദവുമായി തിയേറ്ററുകളിലെത്തിയ ചിത്രം വലിയ പരാജയമാണ് നേരിട്ടത്.  കങ്കണ സംവിധാനം ചെയ്ത ചിത്രത്തിൽ മുൻ പ്രധാനമന്ത്രി ഇന്ദിരാ ഗാന്ധിയുടെ വേഷത്തിലാണ് താരം എത്തിയത്.

Read More

• അമ്മയുടെ വിയോഗം: ഗോപിയെ ആശ്വസിപ്പിച്ച് അഭയ, ആദരാഞ്ജലി നേർന്ന് അമൃത
• ലാലേട്ടന്റെ സ്കൂട്ടറിൽ ഉണ്ണി മുകുന്ദൻ; ഒടുവിൽ ആ വലിയ സസ്പെൻസ് പൊളിച്ച് താരം
• ഇൻഞ്ചെക്ഷൻ പോലും ഓസിയ്ക്ക് പേടിയാണ്; ഗർഭിണിയാണെന്നു കേട്ടപ്പോൾ ആദ്യം ആക്സെപ്റ്റ് ചെയ്യാൻ ബുദ്ധിമുട്ടായിരുന്നു: അഹാന കൃഷ്ണ
• നിഖില വിമലിന്റെ സഹോദരി സന്യാസം സ്വീകരിച്ചു
• Marco OTT: മാര്‍ക്കോ ഒടിടിയിൽ എവിടെ കാണാം?
• New OTT Release This Week: ഈ ആഴ്ചയിൽ ഒടിടിയിൽ എത്തുന്ന ചിത്രങ്ങൾ