നിഖില വിമലിന്റെ സഹോദരി സന്യാസം സ്വീകരിച്ചു

നടി നിഖില വിമലിന്റെ സഹോദരി അഖില വിമൽ സന്യാസം സ്വീകരിച്ചു. ഡല്‍ഹിയിലെ ജെ.എന്‍.യുവില്‍ തിയേറ്റര്‍ ആര്‍ട്‌സില്‍ ഗവേഷണം പൂര്‍ത്തിയാക്കിയ, അഖില ഹാര്‍വാര്‍ഡ് യൂണിവേഴ്‌സിറ്റിയിലെ മെലോണ്‍ സ്‌കൂള്‍ ഓഫ് തിയേറ്റര്‍ ആന്‍ഡ് പെര്‍ഫോമന്‍സ് റിസര്‍ച്ച് ഫെല്ലോ ആയിരുന്നു. സന്യാസ ദീക്ഷ സ്വീകരിച്ച് അഖില അവന്തികാ ഭാരതി എന്ന പേര് സ്വീകരിച്ചുവെന്നാണ് അറിയാനാവുന്നത്.

അഖിലയുടെ ഗുരുവായ അഭിനവ ബാലാനന്ദഭൈരവയാണ് ഇക്കാര്യം വ്യക്തമാക്കി കൊണ്ട് ഫേസ്ബുക്കിൽ കുറിപ്പ് പങ്കിട്ടിരിക്കുന്നത്. "ജൂനാ പീഠാധീശ്വർ ആചാര്യ മഹാ മണ്ഡലേശ്വർ സ്വാമി അവധേശാനന്ദ ഗിരി മഹാരാജിൽ നിന്നും സന്യാസവും മഹാ മണ്ഡലേശ്വർ പദവിയും സ്വീകരിച്ചു,  ശാസ്ത്രാധ്യയനത്തിൽ എൻ്റെ ശിഷ്യ കൂടിയായ അഖില ഇന്ന് അവന്തികാ ഭാരതി എന്ന നാമത്തിലേക്കു എത്തിയതിൽ കാശ്മീര ആനന്ദഭൈരവ പരമ്പരയുടെ അഭിനന്ദനങ്ങൾ അറിയിക്കുന്നു," എന്നാണ് അഭിനവ ബാലാനന്ദഭൈരവ കുറിച്ചത്.

അഭിനവ പങ്കുവച്ച ചിത്രത്തിൽ കാഷായ വസ്ത്രം ധരിച്ച അഖിലയെയും കാണാം. കലാമണ്ഡലം വിമലാദേവിയുടെയും എം.ആര്‍.പവിത്രന്റെയും മക്കളാണ് അഖിലയും നിഖിലയും. അമ്മയുടെ പാതപിന്തുടര്‍ന്ന് രണ്ടുപേരും നൃത്തം പഠിച്ചിട്ടുണ്ട്. 

Read Here

• Marco OTT: മാര്‍ക്കോ ഒടിടിയിൽ എവിടെ കാണാം?
• New OTT Release This Week: ഈ ആഴ്ചയിൽ ഒടിടിയിൽ എത്തുന്ന ചിത്രങ്ങൾ
• Rekhachithram OTT: രേഖാചിത്രം ഒടിടിയില്‍ എവിടെ കാണാം? ആരാണ് സ്ട്രീമിംഗ് പാർട്ണർ?
• സ്വയം ട്രോളി ബേസിലും ടൊവിനോയും: ഇവരു രണ്ടും ചേർന്നാൽ സീനാണെന്ന് ആരാധകർ
• സാരിയിൽ തിളങ്ങി മീനാക്ഷി; എവിടെയോ ഒരു ദീപിക പദുകോൺ ലുക്കെന്ന് സോഷ്യൽ മീഡിയ
• ഇത് അൻപല്ല, മുറിവിൽ മുളകു തേക്കലാണ്