New OTT Release This Week: ഈ ആഴ്ചയിൽ ഒടിടിയിൽ എത്തുന്ന ചിത്രങ്ങൾ

New OTT Release This Week: ഈ ആഴ്ച ഒടിടിയിൽ എത്തുന്ന ഏറ്റവും പുതിയ ചിത്രങ്ങൾ ഏതൊക്കെയെന്ന് അറിയാമോ? ഏറ്റവും പുതിയ റിലീസുകൾ പരിചയപ്പെടാം. 

Identity OTT Release Date: ഐഡന്റിറ്റി ഒടിടി

ടൊവിനോ തോമസിനെ നായകനാക്കി അഖിൽ പോളും അനസ് ഖാനും ചേർന്നൊരുക്കിയ 'ഐഡന്റിറ്റി' ഈ ആഴ്ച ഒടിടിയിൽ എത്തും.  ഇൻവെസ്റ്റി​ഗേഷൻ ക്രൈം ത്രില്ലറായ ചിത്രം തിയേറ്ററിൽ എത്തി ഒരു മാസം പിന്നിടും മുൻപെ തന്നെ ഒടിടിയിൽ എത്തുകയാണ്.

ടൊവിനോ തോമസ്, തൃഷ, വിനയ് റായ് എന്നിവരാണ് ചിത്രത്തിൽ കേന്ദ്രകഥാപാത്രങ്ങളെ അവതരിപ്പിക്കുന്നത്. ദുരൂഹമായൊരു കൊലപാതകത്തിനു സാക്ഷിയാവുകയാണ് അലീഷ (തൃഷ). ആ കേസിന്റെ അന്വേഷണ ചുമതല വഹിക്കുന്നത് എസ് പി അലൻ ജേക്കബ് (വിനയ് റായ്) ആണ്.  കേസ് അന്വേഷണത്തിനിടെ സ്കെച്ച് ആർട്ടിസ്റ്റ് ഹരൺ ശങ്കറിൻ്റെ സഹായം തേടുകയാണ് അലൻ ജേക്കബ്. തുടർന്ന്, ഹരണിന്റെ സഹായത്തോടെ അലീഷയും അലനും ചേർന്ന് പ്രതിയുടെ ഒരു രേഖാചിത്രം തയ്യാറാക്കി ദുരൂഹതകളുടെ ചുരുളഴിക്കാൻ  ശ്രമിക്കുകയാണ്.

ടൊവിനോ,  തൃഷ, വിനയ് റായി എന്നിവർക്കൊപ്പം മന്ദിര ബേദി, അജു വർഗീസ്, ഷമ്മി തിലകൻ, അർജുൻ രാധാകൃഷ്ണൻ, വിശാഖ് നായർ, അർച്ചന കവി എന്നിവരും ചിത്രത്തിലുണ്ട്. രാഗം മൂവിസിന്റെ ബാനറിൽ രാജു മല്യത്തും കോൺഫിഡന്റ് ഗ്രൂപ്പിന്റെ ബാനറിൽ ഡോ. റോയി സി ജെയും ചേർന്നാണ് ചിത്രം നിർമ്മിച്ചത്. തിരക്കഥ ഒരുക്കിയതും സംവിധായകരായ അഖിൽ പോളും അനസ് ഖാനും തന്നെ. ഛായാഗ്രഹണം അഖിൽ ജോർജ്, സംഗീതം ജേക്സ് ബിജോയി. ചിത്രസംയോജനം: ചമൻ ചാക്കോ.

സീ 5 ആണ് ഐഡന്റിറ്റിയുടെ സ്ട്രീമിംഗ് അവകാശം സ്വന്തമാക്കിയത്. മലയാളം, തമിഴ്, തെലുങ്ക്, കന്നഡ ഭാഷകളിൽ ചിത്രം സ്ട്രീം ചെയ്യും. ജനുവരി 31ന് ചിത്രം സീ5ൽ സ്ട്രീമിങ് ആരംഭിക്കും.

Pushpa 2 The Rule OTT Release Date: പുഷ്പ 2 ഒടിടി

ബോക്സ് ഓഫീസിൽ 1800 കോടിയോളം രൂപ കളക്റ്റ് ചെയ്ത് മുന്നേറുന്ന അല്ലു അർജുൻ ചിത്രം പുഷ്പ 2 ഈ ആഴ്ച ഒടിടിയിലേക്ക് എത്തുമെന്നാണ് റിപ്പോർട്ട്. ഡിസംബർ 5ന് തിയേറ്ററുകളിലെത്തിയ ചിത്രം ഒടിടിയിൽ പ്രദർശനം തുടരുകയാണ്. സുകുമാർ സംവിധാനം ചെയ്ത ചിത്രത്തിൽ അല്ലു അർജുനൊപ്പം രശ്മിക മന്ദാന, ഫഹദ് ഫാസിൽ, ജഗദീഷ് പ്രതാപ് ബണ്ഡാരി, സുനിൽ തുടങ്ങി വൻ താരനിര തന്നെയുണ്ട്. 2021ൽ പുറത്തിറങ്ങിയ പുഷ്പ: ദി റൈസിൻ്റെ തുടർച്ചയാണ് പുഷ്പ 2.

നെറ്റ്ഫിക്സിലൂടെയാണ് പുഷ്പ 2 ഒടിടിയിലെത്തുക എന്നാണ് വിവരം. തിയേറ്റർ റിലീസ് കഴിഞ്ഞ് 56 ദിവസങ്ങൾക്കു ശേഷം ചിത്രം ഒടിടിയിൽ സ്ട്രീമിങ് ആരംഭിക്കുമെന്ന് നിർമ്മാതാക്കൾ നേരത്തെ വ്യക്തമാക്കിയിരുന്നു.  റിപ്പോർട്ടുകൾ പ്രകാരം ജനുവരി 30- 31 തീയതികളിൽ പുഷ്പ 2 നെറ്റ്ഫ്ലിക്സിൽ സ്ട്രീമിങ് ആരംഭിക്കും. 

Read Here

• Rekhachithram OTT: രേഖാചിത്രം ഒടിടിയില്‍ എവിടെ കാണാം? ആരാണ് സ്ട്രീമിംഗ് പാർട്ണർ?
• സ്വയം ട്രോളി ബേസിലും ടൊവിനോയും: ഇവരു രണ്ടും ചേർന്നാൽ സീനാണെന്ന് ആരാധകർ
• സാരിയിൽ തിളങ്ങി മീനാക്ഷി; എവിടെയോ ഒരു ദീപിക പദുകോൺ ലുക്കെന്ന് സോഷ്യൽ മീഡിയ
• ഇത് അൻപല്ല, മുറിവിൽ മുളകു തേക്കലാണ്
• കാത്തിരിപ്പിന് വിരാമം;SSMB29 ഔദ്യാഗികമായി പ്രഖ്യാപിച്ച് രാജമൗലി
• Identity OTT: ഒരു മാസം പിന്നിടും മുൻപെ  ടൊവിനോ ചിത്രം ഐഡന്റിറ്റി ഒടിടിയിലേക്ക്
• Partners Ott: പാർട്ണേഴ്സ് ഒടിടിയിലേക്ക്
• ആ രജനികാന്ത് ചിത്രം മിസ്സ് ചെയ്തതിനു പിന്നിൽ; പൃഥ്വിരാജ് പറയുന്നു