'ഉണ്ണീ വാവാവോ...' മകളെ ഉറക്കാൻ മലയാളം പാട്ടു പഠിച്ച് രൺബീർ

ബോളിവുഡിന്റെ പ്രിയ താരജോഡികളാണ് രൺബീർ കപൂറും ആലിയ ഭട്ടും. ഇരുവരുടെയും മകൾ റാഹ കപൂറും ബോളിവുഡിലെ ഒരു കഞ്ഞു സെലിബ്രിറ്റിയാണ്. റാഹയുടെ ചിത്രങ്ങളും വീഡിയോകളും ആരാധകർക്കിടയിൽ പലപ്പോഴും വൈറലാകാറുമുണ്ട്. അടുത്തിടെ ഗ്രേറ്റ് ഇന്ത്യൻ കപിൽ ഷോയിൽ ആലിയ നടത്തിയ രസകരമായ വെളിപ്പെടുത്തലാണ് ശ്രദ്ധനേടുന്നത്.

റാഹയുടേയും രൺബീറിന്റെയും വിശേഷങ്ങൾ പങ്കുവയ്ക്കുന്നതിനൊപ്പം, റാഹയ്ക്കായി രൺബീർ മലയാളം താരാട്ടുപാട്ട് പഠിച്ചെന്നും ആലിയ പറയുന്നു. രാഹയെ ഉറക്കാനായി ''ഉണ്ണീ വാവാവോ" എന്ന താരാട്ടുപാട്ട് രൺബീർ പഠിച്ചെന്നാണ് ആലിയ പറയുന്നത്.

'ഞങ്ങളുടെ നഴ്സ് ആദ്യ ദിവസം മുതൽ ഉണ്ണീ വാവാവോ പാടിയാണ് റാഹയെ ഉറക്കിയിരുന്നത്. പിന്നീട് ഉറക്കം വരുമ്പോഴെല്ലാം മാമാ വാവോ, പാപാ വാവോ എന്നു പറയാറുണ്ട്. അങ്ങനെ രൺബീർ ആ മലയാളം പാട്ടു പഠിച്ചു,' ആലിയ പറഞ്ഞു. റാഹയ്‌ക്കായി രൺബീർ എപ്പോഴും എന്തെങ്കിലും പുതിയ ഗെയിമുകൾ കണ്ടുപിടിക്കാറുണ്ടെന്നും, ധാരാളം സമയം അവർ ഒന്നിച്ച അതു കളിക്കാറുണ്ടെന്നും ആലിയ പറഞ്ഞു.

1991ൽ 'സാന്ത്വനം' എന്ന ചിത്രത്തിനായി കെ. എസ്. ചിത്രയാണ് 'ഉണ്ണീ വാവാവോ' ആലപിച്ചത്. ഏറെ ശ്രദ്ധനേടിയ ഗാനം ഇന്നും മലയാളികൾക്ക് പ്രിയപ്പെട്ടതാണ്. 

അതേസമയം, വേദാംഗ് റെയ്‌നയ്‌ക്കൊപ്പം അഭിനയിക്കുന്ന ജിഗ്രയാണ് ആലിയയുടെ റിലീസിനൊരുങ്ങുന്ന ചിത്രം.  ചിത്രം ഒക്ടോബർ 11ന് റിലീസ് ചെയ്യും. ഇത് കൂടാതെ, ആൽഫ എന്ന ചിത്രത്തിന്റെ ചിത്രീകരണവും പുരോഗമിച്ചുകൊണ്ടിരിക്കുകയാണ്. ആലിയയും രൺബീറും ബ്രഹ്മാസ്ത്ര രണ്ടാം ഭാഗത്തിലും ലവ് & വാർ എന്ന ചിത്രത്തിലും ഒരുമിച്ച് അഭിനയിക്കും. ഇതുകൂടാതെ ആനിമൽ പാർക്ക്, രാമായണം എന്നിവയാണ് രൺബീറിന്റെ മറ്റുചിത്രങ്ങൾ.

• അശ്വിനൊപ്പം ബാലിയിൽ ഹണിമൂൺ ആഘോഷിച്ച് ദിയ; ചിത്രങ്ങൾ
• ഇതാ, മഴവില്ലിലെ വീണ ഇവിടെയുണ്ട്!
• പെറ്റമ്മയോളം സ്‌നേഹം തന്ന പൊന്നമ്മ ചേച്ചിയെ അവസാനമായി കാണാൻ മോഹൻലാൽ എത്തിയപ്പോൾ, വീഡിയോ
• പൊന്നമ്മച്ചേച്ചി പോവുമ്പോൾ ആ ഒരു സങ്കടം മാത്രം ബാക്കി: മഞ്ജു വാര്യർ
• 100 മക്കൾക്ക് അമ്മ; ഇന്ത്യൻ സിനിമയിൽ ഇങ്ങനെയൊരു നടി വേറെ കാണുമോ?
• പുലർച്ചെ നാലരയ്ക്ക് അക്ഷയ് തെങ്ങിൽ കയറാൻ പറഞ്ഞു: വിവേക് ഒബ്റോയ്
• ഓണം വൈബിൽ മാമ്മാട്ടിയും ചേച്ചി മീനാക്ഷിയും; ചിത്രങ്ങൾ
• ഇന്ത്യയിൽ ഏറ്റവും കൂടുതൽ പ്രതിഫലം വാങ്ങുന്ന താരം ഇനി ഷാരൂഖ് അല്ല, കിങ് ഖാനെ പിന്നിലാക്കി വിജയ്
• സത്യമാണോ എന്നറിയാൻ നുള്ളി നോക്കിയ നിമിഷം; നയൻതാരയെ ആദ്യം കണ്ട സന്തോഷം പങ്കിട്ട് പേളി മാണി