ജയിലർ 2 ചിത്രീകരണം; രജനീകാന്ത് കോഴിക്കോട്ടേക്ക്

ബ്ലോക്ക്ബസ്റ്റർ ചിത്രം ജയിലറിന്റെ രണ്ടാം ഭാഗമായ 'ജയിലർ 2' ചിത്രീകരണത്തിനായി സൂപ്പർ സ്റ്റാർ രജനികാന്ത് കോഴിക്കോട്ടേക്ക്. ചെറുവണ്ണൂരിലാണ് ചിത്രീകരണം നടക്കുന്നത്. ശനിയാഴ്ച മുതൽ ചിത്രീകരണം ആരംഭിച്ചതായാണ് വിവരം. കനത്ത സുരക്ഷയാണ് ഷൂട്ടിങ്ങിനായി ഒരുക്കിയിരിക്കുന്നത്.

ജയിലർ 2 ചിത്രീകരണത്തിനായി നേരത്തെ രജനീകാന്ത് അട്ടപ്പാടിയിലെത്തിയിരുന്നു. ഷോളയൂർ പഞ്ചായത്തിലെ ഗോഞ്ചിയൂർ, വരംഗംപാടി എന്നിവടങ്ങളിലാണ് കഴിഞ്ഞ മാസം ചിത്രീകരണം നടന്നത്.

ജയിലർ 2 വിന്റെ ഷൂട്ടിങ്ങിനായി രജനീകാന്ത് അട്ടപ്പാടിയിൽ എത്തി pic.twitter.com/TvDuKpLTAG

— IE malayalam (@IeMalayalam) April 11, 2025

നെൽസൺ ദിലീപ്കുമാറാണ് ചിത്രം സംവിധാനം ചെയ്യുന്നത്. മുത്തുവേൽ പാണ്ഡ്യൻ എന്ന കഥാപാത്രത്തെയാണ് ചിത്രത്തിൽ രജനികാന്ത് അവതരിപ്പിക്കുന്നത്. 2023ൽ ആയിരുന്നു ജയിലർ റിലീസ് ചെയ്തത്. ആഗോള ബോക്‌സ് ഓഫീസിൽ നിന്ന് 600 കോടിയിലേറെ നേടിയ ചിത്രമാണ് ജയിലർ. കഴിഞ്ഞ ജനുവരി 14-നായിരുന്നു ചിത്രത്തിന്റെ രണ്ടാം ഭാഗം സംബന്ധിച്ചുള്ള ഔദ്യോഗീക പ്രഖ്യാപനം ഉണ്ടായത്. 

അനിരുദ്ധ് രവിചന്ദർ തന്നെയാണ് രണ്ടാം ഭാഗത്തിൻറെയും സംഗീത സംവിധാനം നിർവ്വഹിക്കുന്നത്. ആദ്യ ഭാഗം പോലെതന്നെ ആക്ഷൻ രംഗങ്ങളാൽ സമ്പന്നമായിരിക്കും രണ്ടാം ഭാഗവുമെന്നാണ് പുറത്തുവരുന്ന വിവരം. 

Read More

• കീർത്തി സുരേഷിന്റെ ആസ്തി എത്രയെന്നറിയാമോ?
• ലോകത്തിലെ അതിസമ്പന്നരായ 10 നടന്മാർ ഇവരാണ്; പട്ടികയിൽ നാലാം സ്ഥാനത്ത് ഷാരൂഖ് ഖാൻ
• അന്ന് ദുൽഖറിന്റെ കട്ട ഫാൻ; ഇന്ന് ഡിക്യു പടത്തിൽ അസിസ്റ്റന്റ്
• ആറാം തമ്പുരാനിൽ നിങ്ങൾ കണ്ടത് എന്നെ തന്നെ; ഒടുവിൽ ആ രഹസ്യം വെളിപ്പെടുത്തി ഉർവശി
• ഞാൻ അഭിനയിക്കുന്നത് എന്റെ മക്കൾക്ക് നാണക്കേടാ എന്നു പറഞ്ഞവർ ഇതു കാണൂ: രേണു സുധി
• ഏപ്രിലിൽ ഒടിടിയിൽ എത്തിയ 21 മലയാള ചിത്രങ്ങൾ