ഷൂട്ടിങിനിടെ നടി പ്രിയങ്ക ചോപ്രയ്ക്ക് പരിക്ക്

ബോളിവുഡ് താരം പ്രിയങ്ക ചോപ്ര തൻ്റെ വരാനിരിക്കുന്ന ഹോളിവുഡ് ചിത്രമായ 'ഹെഡ്സ് ഓഫ് സ്റ്റേറ്റിൻ്റെ' പിന്നാമ്പുറ കാഴ്ചകൾ അടുത്തിടെ ആരാധകരുമായി പങ്കുവച്ചിരുന്നു. ഇപ്പോഴിതാ ചിത്രത്തിന്റെ ഷൂട്ടിങ്ങിനിടെ താരത്തിന് പരിക്കുപറ്റിയെന്ന വാർത്തകളാണ് പുറത്തിവരുന്നത്. ചിത്രത്തിന്റെ രണ്ടാം ഭാഗം ചിത്രീകരിക്കുന്നതിന് ഇടെയാണ് പ്രിയങ്കയ്ക്ക് പരിക്കേറ്റത്. മുഖത്തിനേറ്റ പരിക്കുകളുടെ ചിത്രം താരം സോഷ്യൽ മീഡിയയിൽ പങ്കുവച്ചിട്ടുണ്ട്.

ഇൻസ്റ്റഗ്രാമിൽ പങ്കുവച്ച ചിത്രത്തിൽ, മുഖത്തിന്റെ വലതു ഭാഗത്ത് സംഭവിച്ച മുറിവുകൾ വ്യക്തമാണ്.

ജോൺ സീനയും ഇദ്രിസ് എൽബയും അഭിനയിക്കുന്ന ഹെഡ്‌സ് ഓഫ് സ്റ്റേറ്റിൽ, ചില കഠിനമായ സ്റ്റണ്ട് രംഗങ്ങളിൽ പ്രിയങ്ക അഭിനയിക്കുന്നുണ്ട്. ഈ രംഗങ്ങൾ ചിത്രീകരിക്കുന്നതിനിടെയാണ് അപകടം സംഭവിച്ചതെന്നാണ് കരുതുന്നത്. ഫ്രാൻസിൽ പൂർത്തിയായിക്കൊണ്ടിരിക്കുന്ന ചിത്രത്തിന്റെ, ലൊക്കേഷനിൽ നിന്നുള്ള ചിത്രങ്ങളും വീഡിയോകളും പ്രിയങ്ക ഇടക്കിടെ ആരാധകരുമായി പങ്കുവയ്ക്കാറുണ്ട്. മകൾ മാൾട്ടി മേരിക്കും ഭർത്താവ് നിക്ക് ജോനാസും പ്രിയങ്കയ്ക്കൊപ്പം ഫ്രാൻസിലാണ്. 

ഡ്യൂപ്പില്ലാതെ സ്വന്തമായി പ്രിയങ്ക സ്റ്റണ്ട് സീൻ ചെയ്യുന്നത് ഇതാദ്യമല്ല. 'സിറ്റിഡലി'ന്റെ, 80 ശതമാനം സ്റ്റണ്ടുകളും താരം ഡ്യൂപ്പില്ലാതെയാണ് ചെയ്തത്. മാർച്ചിൽ ഹോളി ആഘോഷിക്കാൻ ജോനാസിനും മാൾട്ടിക്കുമൊപ്പം പ്രിയങ്ക ഇന്ത്യയിൽ എത്തിയിരുന്നു. സഹോദരൻ സിദ്ധാർത്ഥ് ചോപ്രയുടെ വിവാഹ നിശ്ചയ ചടങ്ങിലും അവർ പങ്കെടുത്തു.

Read More Entertainment Stories Here

• തോൽവിയിൽ കണ്ണീരണിഞ്ഞ് ഷാരൂഖ് ഖാൻ; പക്ഷെ സഞ്ചുവിന്റെ ടീമിനെ കണ്ടപ്പോൾ...
• എന്റെ കുട്ടികൾക്ക് കാണിച്ചു കൊടുക്കാൻ പൃഥ്വിയേക്കാൾ മികച്ച എക്സാമ്പിളില്ല: പൂർണ്ണിമ ഇന്ദ്രജിത്ത്
• പ്രണവിന്റെ അമ്മ സുചിത്രയും ഞാനും കസിൻസാണ്, പക്ഷെ അവന് അറിയില്ലായിരുന്നു: വൈ.ജി. മഹേന്ദ്രൻ
• പടം തിയേറ്ററിൽ തകർത്തോടുമ്പോൾ നായകൻ ഊട്ടിയിൽ കറങ്ങി നടക്കുന്നു; വൈറൽ ചിത്രങ്ങൾ
• പ്രണയിനിയാണോ? മാധവിന്റെ കൂടെയുള്ള പെൺകുട്ടിയാര്?
• ശങ്കറിന്റെ മകൾ വിവാഹിതയായി; ആഘോഷമാക്കി തമിഴ്