പുതിയ വീട് സ്വന്തമാക്കി ഇന്ദ്രജിത്തും പൂർണിമയും; ചിത്രങ്ങൾ

മലയാള സിനിമയുടെ പ്രിയപ്പെട്ട താരദമ്പതികളാണ് പൂർണിമയും ഇന്ദ്രജിത്തും. ഏറെ നാളത്തെ കാത്തിരിപ്പിനു ശേഷം സ്വപ്നഭവനം സാക്ഷാത്കരിച്ച സന്തോഷത്തിലാണ് ഈ താരജോഡികൾ. പുതിയ തുടക്കമെന്ന അടിക്കുരിപ്പോടെയാണ് പുതിയ വീടിന്റെ ചിത്രങ്ങൾ പൂർണിമ പങ്കിട്ടത്. . 

ഗൃഹപ്രവേശ ചടങ്ങിൽ നിന്നുള്ള ഏതാനും ചിത്രങ്ങളാണ് പൂർണിമ ഷെയർ ചെയ്തിരിക്കുന്നത്. കുറച്ചേറെ മാസങ്ങളായി, സ്വപ്നഭവനത്തിന്റെ നിർമാണവുമായി തിരക്കിലായിരുന്നു താരം. പലപ്പോഴും സോഷ്യൽ മീഡിയ പോസ്റ്റുകളിലൂടെ സ്വപ്നഭവനത്തിന്റെ നിർമാണജോലികൾ പുരോഗമിക്കുന്നതിനെ കുറിച്ച് പൂർണിമ സംസാരിച്ചിട്ടുണ്ട്. . 

പൂർണിമയും ഇന്ദ്രജിത്തും മാത്രമല്ല, അച്ഛനെയും അമ്മയെയും പോലെ തന്നെ മക്കളും മലയാളികൾക്ക് സുപരിചിതരാണ്. മൂത്ത മകൾ പ്രാർത്ഥന ആലാപനത്തിലൂടെയാണ് ശ്രദ്ധ നേടിയത്. മലയാളത്തിലും ബോളിവുഡിലുമെല്ലാം ഗായിക എന്ന രീതിയിൽ പ്രാർത്ഥന അരങ്ങേറ്റം കുറിച്ചു കഴിഞ്ഞു. ലണ്ടനിലെ ഗോൾഡ്സ്മിത്ത് യൂണിവേഴ്സിറ്റിയിൽ നിന്നാണ് പ്രാർത്ഥന ഉന്നത വിദ്യാഭ്യാസം നേടിയത്. 

ഇളയമകൾ നക്ഷത്ര ശ്രദ്ധ നേടിയത് അഭിനയത്തിലൂടെയാണ്. 'ലലനാസ് സോങ്ങ്' എന്ന ചിത്രത്തിൽ നക്ഷത്ര അഭിനയിച്ചിരുന്നു. ഐഎഫ്എഫ്കെയിൽ പ്രദർശിപ്പിച്ച ചിത്രം നിരൂപക പ്രശംസകൾ നേടിയിട്ടുണ്ട്. 

സിനിമാ താരം, ടെലിവിഷന്‍ അവതാരക എന്നീ നിലകളില്‍ നിന്നും സംരംഭകയായി മാറിയ വ്യക്തിയാണ് പൂര്‍ണിമ ഇന്ദ്രജിത്ത്. 2013ല്‍ പൂര്‍ണിമ സ്ഥാപിച്ച ‘പ്രാണ’ എന്ന സ്ഥാപനം കുറഞ്ഞ നാള്‍കൊണ്ടുതന്നെ ശ്രദ്ധിക്കപ്പെട്ടിരുന്നു. 

Read More Entertainment Stories Here

• ആരാധകരുടെ ലക്ഷക്കണക്കിനു ആശംസകൾക്കിടയിൽ ലാലേട്ടന്റെ രാജകുമാരിയുടെ ഈ ആശംസ കാണാതെ പോവരുതേ!
• പിറന്നാൾ ദിനത്തിൽ വരവറിയിച്ച് ഖുറേഷി എബ്രഹാം; എന്തോ തീരുമാനിച്ചുറപ്പിച്ച വരവാണെന്ന് ആരാധകർ
• പിറന്നാൾ മുത്തമേകി മമ്മൂട്ടി, ആശംസകളുമായി ശോഭനയും മഞ്ജു വാര്യരും പൃഥ്വിയും
• വര്‍മ്മസാറും പീതാംബരനും പ്രിയദര്‍ശിനി രാംദാസും തിരുവനന്തപുരത്ത്; എമ്പുരാന്‍ ലൊക്കേഷൻ ചിത്രങ്ങൾ
• കൺഫ്യൂഷൻ തീർക്കണമേ, ജയറാമിനു മുന്നിൽ സർപ്രൈസ് ഡാൻസുമായി മരുമകൻ, ചിരിയോടെ പാർവതിയും മാളവികയും; വീഡിയോ
• വേർപിരിഞ്ഞ മകളെ എഐയുടെ സഹായത്തോടെ വർഷങ്ങൾക്കു ശേഷം കണ്ടപ്പോൾ; നിറകണ്ണുകളോടെ വിജയുടെ അമ്മ