പിറന്നാൾ മുത്തമേകി മമ്മൂട്ടി, ആശംസകളുമായി ശോഭനയും മഞ്ജു വാര്യരും പൃഥ്വിയും: Mohanlal Birthday

മമ്മൂട്ടിയ്ക്ക് മോഹൻലാൽ സ്വന്തം സഹോദരന്മാരിൽ ഒരാൾ തന്നെയാണ്. മമ്മൂട്ടിയുടെ സഹോദരങ്ങൾ വിളിക്കുന്ന പോലെ ഇച്ചാക്ക എന്നാണ് മോഹൻലാലും വിളിക്കുന്നത്. ഇരുവരും പങ്കിടുന്ന സാഹോദര്യം മമ്മൂട്ടിയുടെ പിറന്നാൾ ആശംസയിലും കാണാമായിരുന്നു. കൃത്യം 12 മണിയ്ക്ക് തന്നെ ആശംസയുമായി മമ്മൂട്ടിയെത്തി.

മലയാളത്തിന്റെ എക്കാലത്തെയും ഹിറ്റ് ജോഡികളാണ് ശോഭനയും മോഹൻലാലും. വർഷങ്ങളുടെ ഇടവേളയ്ക്ക് ശേഷം ഇരുവരും വീണ്ടും ഒരുമിച്ച് അഭിനയിക്കുകയാണിപ്പോൾ. "ലാലിനു ജന്മദിനാശംസകൾ. ദ വൺ ആൻഡ് ഓൺലി ലാൽ. ഒന്നിച്ചു ജോലി ചെയ്യാൻ ആയതിൽ സന്തോഷം," ശോഭനയുടെ ആശംസയിങ്ങനെ.

"പ്രിയപ്പെട്ട ലാലേട്ടനു ജന്മദിനാശംസകൾ. പുഴയ്ക്ക് പ്രായമില്ല. ഇനിയും ഞങ്ങളെ ആനന്ദിപ്പിച്ച് ഒഴുകിക്കൊണ്ടേയിരിക്കുക...നിരന്തരം, ഒരുപാട് കാലം..."" മഞ്ജുവിന്റെ ആശംസയിങ്ങനെ.

എമ്പുരാൻ ലൊക്കേഷനിൽ നിന്നുള്ള ഒരു ചിത്രം പങ്കുവച്ചാണ് പ്രിയപ്പെട്ട ലാലേട്ടന് പൃഥ്വി ജന്മദിനാശംസകൾ നേർന്നത്.